最近好忙,好少打日誌,今日有d時間打下日誌啦!!!! 

而家既生活過得好滿足,返工又返學,可以打發到好多時間,唔使成日係屋企咁悶!!! 

雖然返工真係好辛苦,但係返學有fd一齊吹水,一齊讀書,真係互補長短嫁

不過讀書果度真係幾難下嫁,好多野都要記,不過我有信心一定會讀好佢,將來肯定有用!!! 

哈哈,話咁快又到9月,今日返公司簽返學d野,一返到去好多學徒啊,個個都好好傾,仲同幾個做左fd,返學一定會好開心

又有返學既日子真係好,又可以望下d紡織妹妹仔,正啊!!!

習慣失戀  分手都唔會痛  以後都唔會相信女仔的專一  分手係一種解脫 我又過返自由自在既生活  鍾意去邊度玩都得  人生最高!!!!

今日同往日一樣咁返工  跟左個師傳去做野  下午食飯果陣時見到V7哥  咁就傾返往日舊事,真係開心

下午做野多左個四眼仔插埋入來做野  點知佢係度做得耐過我  我識既野仲多過佢

哈哈,多個差過我既人,印象又好左,升職機會又大左  今日做野雖然都幾辛苦  但係好開心

今日返工唔使咁早返  因為公司要我去身體檢查,約左10:45  時間就真係幾好  但係要全身檢查  shit 

好彩個醫生唔係基既  12點搞掂之後  無理由咁早返去開工嫁  咁就返左屋企抖到3點咁就返去  ^_^   (日日係咁就真係開心.有得咁抖法)

返到站個站長叫我跟返我個師傅  跟住我就打電話問佢係邊  佢叫我坐下先佢有d野做  ^_^   真係正又有得抖下

跟住我就去左m記度坐  師傅又響電話  叫我6點2就返站  簽返走個時間  =0=   咁益我成日都唔使做野?

總括來講  今日真係好得閒  但係好鬼悶  >_<