昨天我們舉行了說定了至少「一年一度」的Blog友一聚。雖說了一年一度，不過大家總是未能找出一個合適的時間，結果四年了，才真正全部人一聚。
其實Blog友不多，四個家庭：
Crystal's Family（Yoyo媽、Ryan爸、Crystal、Ryan、Yoyo）
Jayton's Family（Auntie Shelly、Uncle Anson、Jayton、Joley）
Jessie's Family（2J媽(Auntie Nancy)、2J爸(Uncle Howard)、Jessie、Joey）
Marco's Family（Auntie Maggie、Uncle James、Marco、Mari）
我們一家，Shelly的仔女哥哥Jayton & 妹妹Joley，2J媽你地識啦，Maggie的兄妹Marco & Mari睇過我Blog你地都知道。Shelly我好早就識，因為佢係我第一批嘅Blog友，當時Jayton都未出世呢∼哥哥Jayton今年七歲，妹妹Joley就係四歲。仲記得Shelly學期初頻頻打電話俾我問開學的事情，眨下眼Jayton都升二年級喇。
九個小朋友，不得了喇！哈哈！Crystal依然係最大嗰個，跟個個都啱玩。Ryan就當然同男仔堆一齊玩，有Jayton同Marco，及後呀妹、Joley、Mari同雙J姊妹都加入戰團。今次聚的地方是一個郊野公園，小朋友玩到累晒，就去我家沖個涼，再慢慢喺我屋企玩耍，晚上到附近商場食飯。
幾位Auntie，要相問我攞啦！Ryan爸相機+我手機都影咗唔少相！希望下次快啲再聚，小朋友們掛念大家呀！

今天是八月一日了，暑假不經不覺過了一半。我們家三個細路，大小姐Crystal就有時會回校幫手，二少當然要去中學上銜接啦！至於最懶惰的三小姐就上興趣班去，如果唔係都唔知有咩做喇佢！單蔩管課依然繼續，難得有恆心！當然不少得我為她悉心物色的興趣班∼！
通常每天跟三位小姐少爺食早餐，食完之後就到Ryan上銜接的時間，如果有日想到遠些食早餐的話，我會駕車載他們去食早餐，再載Ryan，有時加埋家姐回校。相信看到這情況，Yoyo也很希望跟家姐阿哥一起再同校呢∼如果要這樣，Yoyo你加油喇！然後我會載Yoyo回家，要她做一會兒功課，待家姐和阿哥回來就可以一起玩，這樣就成為了她做功課的動力！哈哈∼
假日也甚少出外，皆因這些的天氣極度炎熱！就算要帶Yoyo上興趣班，也要駕車，直達商場。曝在室外一會兒，三位小姐少爺會相繼喊熱的，所以夏天出外一定要駕砵砵車。這樣說可能很多人會說我「縱」他們，其實Ryan爸也是這樣的，每逢出街一定駛出砵砵車，因為Ryan爸也十分怕熱，為了自己和他們著想，寧願多點駕車也不介意。我沒有他們那麼怕熱，有時見開始黃昏，無煮飯，三位大小姐大少爺全日於冷氣底下睇書做功課打機（打機居多），叫他們落街食，樓下而已，行路，沒人願意，最終叫多數外賣收場。有日只有Yoyo和我在家，家姐阿哥去了Party，我不想這樣都叫外賣，叫在打機的Yoyo落街食野，Yoyo想我叫外賣，最終叫了很久很久才肯郁，一個字：懶！

最近沒太多事做，就計劃一下新學期的「用品繼承」。我沒有在Blog提過，我有三個孩子，買開學用品的錢一定少不了。沒錯，有些用品一定不能不買，雖然我們有些用品已經是「俾得阿妹用就俾」了，Crystal俾得細佬，那細佬用完可以再給細妹嗎？有些是不能再轉讓給妹妹的，例如男裝鞋等等。始終兩個囡，個囝在轉讓物品中，是比教不值的。
舉個例：書本。家姐和阿哥差兩年，如書本未轉版，阿哥可能執到大部分書，作業就一定要買喇。到阿哥用完，書本唔多唔少會舊了，若就多等兩年到妹妹啱用，多數都不行的，四年時間，書本一定有轉了版，沒有轉版的話，學校可能也採用別的出版商了。假如好像有一年，學校的書很多都轉了版，來個大革新，那時Ryan升五年級，執不到家姐舊書了，惟有買全套新書，希望革新以後，Yoyo五年級時可以用阿哥舊書吧。結果現在，真的好好彩，絕大部分的書也沒有轉版，細妹順利執阿哥舊書，我也順利慳番啲錢，哈哈。現在Ryan升讀跟家姐一樣的中學，希望也能執家姐啲書啦！
是次暑假，Yoyo之前執家姐五年級時的書包已經爛了，我答應她買一個屬於她的新書包，畢竟她以前是用家姐不同時代的舊書包，已經用了四年，升五年級了，應該買她第一個屬於自己的新書包。這樣說她好似好慘咁，其實不是啊，除了書包以外，很多時都是自己有新的一批新用品的。哥哥好多時都只是執家姐的不分男女用的用品，全靠阿哥用到舊了，阿妹才可以「順利成章」地買一批新用品啊。
講起Yoyo想買新書包，有朋友提議我買Dr.Kong俾佢，Dr.Kong好貴喎，如果我係嗰到買書包會唔會好貴？可能一次過幫Ryan買番學鞋，因為佢執唔到家姐番學鞋，要買過對新，加上Yoyo隻腳細啲，又執唔到家姐啲鞋喇，佢又唔想執阿哥嗰對。要帶Ryan同Yoyo買新番學鞋，Yoyo買新書包等等，Dr.Kong價錢始終未係最合適。大家有咩好介紹快啲話俾我知啦！

上星期日，我與Ryan爸帶三個細路去書展。書展是2011一樣暑假幾重要的事項，我們家年年都會去的，至於閒日還是假日去？往年一向都要閒日去，一來怕多人，二來往年只有我和三個細路去，怕多人的話兼顧不來。今年Ryan爸想去見識吓，於是提議載我們去，不用我們搭港鐵左搭右搭才到灣仔。
是次選擇星期日的原因，因為Ryan爸只有星期日有空，他知道我們要遷就他，所以提出以砵砵車載我們去灣仔，三個細路行完書展攰到不得了，砵砵車載回家是他們最需要的，於是答應了Ryan爸。
當天我們八點鐘就出門口了，到灣仔才找間餐廳食個早餐，想快快趣食完就去排隊，可惜附近的餐廳間間都好多人，找餐廳找了一回，加上大麼王Yoyo，食得很慢很慢，又掛住講野掛住玩，結果十點鐘才去排隊。本以為十點鐘這個時間不早不遲，就算慢慢排都不會超過十二點吧，誰知十點鐘，正是最多人的時候！排了接近四十五分鐘，才慢慢地到達了會場買飛。買飛之後，同樣慢慢地才到達Hall 3B(?!)，兒童天地！
到達兒童天地，找一個容易找的地方，講低逛到何時，何時集合於此處，就分散去逛書展喇。諗住Yoyo跟著我，可以幫她買補充練習啦（加上其實人也不少，跟著我「穩陣」小小）原來她不想，真正想跟的是家姐和阿哥。家姐阿哥去睇的野都是漫畫書啊等等，不會有心機幫她尋覓合適的補充練習，但是她硬要跟著家姐阿哥，那我無辦法啦，只好自己幫她找好了，這樣有個好處，有家姐阿哥跟，如果我要買補充練習，她不會阻止，哈哈，買咗佢就知！至於Ryan爸呢，他不會陪我逛，自己慢慢逛，會唔會行咗去搵o靚模？Crystal和Ryan不肯跟著我的，因為自己逛，不會有人阻止他們買野！行完出來，Yoyo的收穫是幾本漫畫書和大堆文具，肯定是家姐阿哥淨說她買的！佢地sell野嘅技巧好勁架，仲好過啲sales！不過只限sell佢自己細妹，某程度上我都覺得佢地結黨虾個妹！不過佢地都好鍚個細妹嘅，三個細路係咁架喇，始終會有兩個friend啲，鍚個妹就得喇，有時佢地一齊玩得好開心∼
今次書展，最多收穫的是我！哈哈！我買書的範圍好廣泛架！Ryan都買咗幾本小說同一些文具，Yoyo幾本漫畫同大堆文具，Crystal都買咗唔少書，仲有好多文具，Ryan爸呢，不同贈品啊！係咁拎人地啲贈品，呢個就係Ryan爸喇∼夾埋用咗四個環保袋至裝得曬！！十級攰地坐Ryan爸車番屋企擺低戰利品就抖一陣先出去食飯。番到屋企全部人都恰咗一陣，來回去食飯都要坐Ryan爸砵砵車。最攰嘅係Ryan爸就真，去完書展咁攰都揸砵砵車接載愛囝愛囡，辛苦曬老公∼∼

昨天是二少爺Ryan生日，指定地點Mega Box慶生去。不知道為何又要到Mega食晚飯，但是每人都有共同想法，想到Mega Box。哈哈，意思即係我地淨係成日都去Mega Box囉！Mega Box多停車場，搵位泊車都易啲∼
晏晝食蛋糕，蛋糕係Ryan揀的，至於Ryan爸，都有參與意見。Ryan爸話訂大啲無所謂，反正屋企實有人食。個公仔都幾大，加上仲有大啲至好睇，加咗啲錢， Ryan爸好豪！今年生日，Ryan覺得好有意義啊，皆因成為中學生了∼雖然未正式上學，但是跟家姐、媽咪仲有爹哋到中學買書買校服，感受到自己真正成為中學生，而且很多人知道，佢係林禮柔個細佬呢！原來家姐係咁出名架？因為沒有通知姨媽姨丈佢地，所以直知昨日正日姨媽打嚟祝Ryan生日快樂時，才知我們去邊，佢地都唔得閒啊∼反正在暑假，已經約咗今晚食飯補祝Ryan生日了！唔係Mega Box喇，哈哈！地點未定，因為姨媽話由佢去Book，佢請啊，好耶！
琴日大家食完蛋糕，Ryan爸靚車早幾日完成檢查完成，可以出動了，齊齊出發到Mega Box去！今年Ryan生日禮物就係。。。。登登登櫈！壁球套裝！點解？因為想暑假齊齊打壁球囉！Ryan自己一套喇，家姐細妹都係share兩份用咋∼
我地屋企5, 6, 7, 8月都有人生日，下個月嘅壽星係Yoyo啊！