Ryan爸平時成日睇我Facebook，叫佢自己開又唔開。他知我Facebook密碼的，可是我不常上。有時他叫阿仔幫我上去睇通知，又幫我回覆別人。我叫他自己開一個，人地知佢開咗個，就會通知佢，而唔係通知我呢個好日都唔開Facebook嘅懶人 佢話唔想開，又要俾過晒啲資料，一直未打算開。
Crystal、Ryan兩姊弟成日攞我iPhone上Facebook（有佢地Facebook嘅人應該都知道） Ryan爸知道原來我真是不常上Facebook，於是叫我俾個Facebook ac佢用，佢會改名改profile pic. 搞掂晒佢就「明正言順」用我Facebook喇∼∼Ryan爸Facebook叫Comus Lam ，都係用我個ac來的。其實係咪無人知Ryan爸叫Comus？呢個英文名我識佢嗰陣已經係咁叫架喇，好似係佢家族改架。Ryan爸成日上Facebook，同Crystal、Ryan兩姊弟chat黎chat去，係屋企又係咁講大家係Facebook嘅事。
Yoyo仲細個，唔鐘意上Facebook，之前俾佢開，佢貪得意開咗一陣之後，又話無朋友玩就唔用喇，好在Ryan想開，轉左個ac俾佢啫，如果唔係就徙左喇。Yoyo成日問我借iPhone玩，多數係拎黎玩apps，又或者影黎影去，最鐘意就係自拍！Crystal同Ryan就係拎黎上Facebook，佢地部手機係Android黎架，都可以上啫，但係就貪iPhone呢個字係威水啲，依家我部iPhone就係俾佢地玩啊，上Facebook多，我自己用嘅自己都好少！！

是篇Blog，又要講吓Ryan爸嘅「威水史」了！不喜勿看（講完係咪無人看？！）

話說愛換手機趕潮流的Ryan爸，周不時提起好似好正的Samsung Galaxy S II，價錢貴到Bang Bang聲，唔正就奇啦！我往往會跟他說：「你部iPhone 4好地地，又想換機？好徙野囉你！」佢次次都深深不忿，但係又唔知點說服我∼（I win）講真，如果佢真係想買，可以唔話俾我知靜雞雞買架姐！呵呵佢真係乖 

有一次跟Panny姨媽食飯、幾個細路一聚時，Panny姨媽提到殘舊不堪的iPhone 2。原來家姐想換iPhone 5好耐，可惜iPhone 5推出之日遙遙無期，自己的iPhone 2一天比一天舊了。拎起iPhone，個穀都就黎爛 於是Ryan爸靈機一觸，忽然話想將自己的iPhone 4讓給Panny姨媽，家姐聽到當然高興，我第一時間話：「你想借啲意換你個Samsung Galaxy S II咋！？」睇穿Ryan爸妙計啦！但是，如果你益個iPhone 4俾我家姐，我又唔mind喎！之後我叫Ryan爸快啲搞掂晒個iPhone，del左啲個人野，相嗰啲遲啲再俾番我地。俾左家姐之後，佢換sim卡，Ryan爸快快趣去商場入面某著名手機店買Samsung Galaxy S II！得償所願喎，仲唔那那聲去買？！

大家各自各換左手機喇，Panny家姐猛讚Ryan爸部iPhone 4好新淨∼我地Ryan爸當然不停研究新手機啦！Samsung Galaxy S II真係好正！又薄！影相又正！又清！嘩，我都玩左好耐∼三個傻人係咁自拍，Ryan爸無阻止過，仲癲埋一份添。。。Jeff仔當然開開心心玩iPhone（哥哥Jason大表哥唔俾佢亂掂佢部iPhone架！）好LU，大家以後Whatsapp聯！（唔係電聯喇）可見Yoyo媽也是Whatsapp長期客戶之一 

Ryan爸你得償所願啦！今次又真係幾好「橋」嘅∼！抵鍚！

早輪忙著Ryan的升中，也忘記了在qooza記錄禮晉5歲的大日子生日會∼

6月25日係禮晉生日，當日我們一早打電話比Issac祝賀佢喇之後出發到Polly家同佢慶祝生日。

今年初Polly搬家了，間屋好大好寬敞，招呼幾多人都得啊！除左Polly為主角壽星Issac悉心打扮，二少哲哲都有一番打扮呢∼講開哲哲，佢有英文名喇，叫做Ivano，一來襯番哥哥英文名都係"I"字頭啦，二來佢自己都覺得幾好聽呢！

當晚有好多「賓客」，除左Issac，哲哲都係焦點之一呢∼我係咁拎住iPhone影啊影，係咁影哲哲，Yoyo仲投訴我無影過佢哈哈，你叫你個啱啱出左新機嘅daddy影你啦！

首先多謝多位親朋好友打電話、電郵的祝福，細佬Ryan獲派第一志願了！！

今晨早上，Ryan如常起床，快快吃過早餐後，緊張地與我、爸爸、妹妹一起出門到學校。（細妹今天要上課）我們準時到達，看見云云老師，令我主動上前查探學校的派位情況，亦不忘問問Ryan的派位結果。老師們答案一致，未有太大的提示說明Ryan成功與否，令Ryan緊張級數升級！！

首先是進入禮堂聽校長的學校升中派位結果的簡介會，學校的派位情況十分理想，讓在座家長稍為鬆一口氣。及後，緊張時間到了！逐班逐班同學上班房，聽派位結果！！班主任也不多介紹，馬上逐個同學派發派位證，公佈派位結果。Ryan獲悉派到第一志願的時候，整個人跳了起來！哈哈，第一志願喎，梗係開心到爆燈！跟幾個好友打聽派位結果後，當然要打給親戚們「報喜」一下∼家姐和細妹都是上午便放學，於是齊齊食大餐！！！

家姐同細妹開心到不得了，三個傻人興高采烈地影相！！九月一日，家姐同細佬可以一齊番學Lu！打這Blog的時間，剛剛回到家，三個傻人立即去了打機！

我系Crystal ;DDD

之前考左好耐試;(( 

依家終於差吾多放暑放啦喂!!!!!!!!!!!!! :p:p:p:p

好開心lor =)

因為back to my hapi 打機生活!!!!!!!! (y)(y)(y)

iphone...nds...psp...wii...仲有xbox^_^

say welcome back to me:)!

ryan lam就正啦佢=囧=

吾洗報分v_-

勁早考完試/____________\