而家已經係零晨了∼

溫ｃｉｔ都溫到咁夜∼因為下午同晚上溫時都發了一陣夢∼

之後又傾左陣ｍｓｎ∼

今日放學番黎要同中史拚命∼應該冇時間架啦（除左食飯）∼

ｓｏ打定先啦∼∼

考試真係幾大壓力∼

考完試個個去玩∼除左方深舟約我打波∼冇人約我∼

個個去玩都唔理我∼叫景果ｄ預埋我∼佢又只係答：你中意啦∼

我總覺得咁答係唔多想我去∼可能唔係都未定∼

不過既然係咁勉強∼我都廢時痴埋去∼

有骨氣ｄ∼佢唔約我∼我死纏只會令人覺得煩∼乾脆自己去ｒｅｌａｘ下∼

打算約番幾個人去尖東果到行下街街∼唔知約唔約到∼

不過冇咩所謂∼有就開心ｄ∼冇就可以自己去∼靜靜地ｒｅｌａｘ下∼

今日有個想法∼想去星光大道到行行∼去吹吹風∼個人都會爽ｄ∼

其實唔一定要痴埋去強硬要人陪我玩姐∼

有時自己欣賞下ｄ野都幾開心∼

當然有人陪係開心∼

但冇人陪時自己都要找找樂趣∼

面對ｄ人咁唔受我∼當然有ｄ係唔開心∼

不過冇咩野啦∼人的性格唔岩就係咁∼

自問平時對同學都係人地有事開聲我就幫（對的事）∼

不過我覺得ｄ人係要同埋ｄ講晒粗口ｏｒ係咁罵人ｄ人玩∼我沒法∼

就讓我自己去和志同道合的朋友去行行街∼

平時自己多欣賞周圍的事令自己再開心ｄ啦！