今日係聯課活動的開始, 唔知點解我好期待,

haha.. 打壁球嘛, 明明係全年, 上次又俾老謝叫左我參加心靈綠州..

到左之後, 原來得我一個女仔...=.= 

往年唔係得我一個女仔都係因為有黃嘉賢同埋文婷

今年佢地兩個都唔想打, 但我好想打, 所以就算自己一個都報了

大佬, 我諗住都會有女仔架嘛... 豈有此理丫...

多左d未見過的人, 見過的就只有梁子俊, 徐浩琳,bb(謝立生)

開頭睇兩個高form打, 好勁 @_@

之後開頭打得好差, 後來打順左都好d

死人梁子俊, 成日話我廢, 又要輸俾我, 算點先\./

阿sir好敏感, 梁子俊同親我玩都俾人鬧

佢拿塊拍輕輕咁拍我個頭,

阿sir就「喂!! 我見到你搞女仔!」

jimmy「冇呀, 輕輕力搵塊拍拍佢之嘛/.」

阿sir「咁我就試下輕輕力咁拍下你啦」,說罷就一野打落jimmy個

肚度,"啪"一聲,  應該好痛...－_－""(聽到jimmy的慘叫聲)

阿sir係咁教我打, 仲大大聲講人地的弱點俾我聽tim

但係當佢企後面睇, 我好大壓力~.~

jimmy第二次整我, 佢著件jacket果陣fact我, 又俾阿sir見到

佢當然又俾阿sir"喂"佢啦

係咪因為得我一個女仔?

走果陣落雨, 我叫jimmy"姐"埋我, 之後同佢一齊走,

阿sir系遠處見到,又好大聲咁講「冬怡!!!!!」

我擰轉面, 佢問我去邊, 駛唔駛借把傘俾我, 我話好, 之後就走左埋

去, 仲順便搭左佢一程順風車tim

點解佢好似咁敏感gei?

唔理了, 拿拿林搭車返企

大家知道尋日歇後語的答案未?

我聽日開估啦,

估中的,我或者請你食糖

(1/2機會)