今日天氣不好,下雨,帶有一點寒冷的意識。

今日遲左出門,衝番學校,但係落緊雨,無帶傘。

番到學校,好彩未超時,所以放學唔洗留堂。

今日上堂都幾開心,有講有笑。

直到地理堂,我地個邊檯係度嘈。之後miss係本野度寫左3分...點知放學余sir問責,建基叫左miss上黎,點知原來因為我地個張檯太嘈。所以我地應承左余sir,以後上地理堂要留心,唔可以傾計太嘈。

之後番去屋企換衫..番去禮堂打波,打到7點2到番屋企。之後做功課,玩電腦。

所以運動都好玩,但重要的是你喜好哪一種或哪一個運動。

今日陰天,毛毛雨。心情與天氣差不多,怨惱像羽毛的飄絮,絲絲的,不覺意的。

今日起身都幾趕,7點4起身,點知7點30分諗住出門口,不過阿媽叫我食早餐,食完搭7,之後衝呀--

今日行快少少,唔係就好似諗日咁,之後行到天逸,見家琪仲等緊斯雅,唔理,我走先-v-

番到學校,哇,倒數咩= = 好熱鬧,好刺激,個個倒數最後一分鐘咁,成班人湧同衝埋黎4b交功課個度,之後岩岩入學校既,都跑去交功課,余sir話齋,打破左交功課準時記錄。我o曬咀,但係好好笑,好好玩。

好啦,上堂..咦,死啦,衝忙得濟,唔記得帶儲物櫃key- - 唉,放學番去拎,因為要拎書呀,唔係聽日欠交...

lunch,翹哥狂叫我做patrick哥,聽到都周身唔舒服,但又有一d好高尚既感覺,叫多幾聲呢下次= =

上經濟科開始有d亂,但係唔驚,唔識再努力d就ok,上堂上堂,德靈堂分享,好多女仔都講到喊 - -"多數都講親人去世…

閱讀堂..頂唔順,勁悶呀本書,zzz左一陣,好正,訓得好舒服~

放學,變態派野飲,多謝x10000次,不過你下次唔好帶有味既野飲上去..

之後番去拎key,買過把鎖,另一條key比左祥,有個保障。之後番番學校,做左陣功課,同左余sir呀,同學係度傾計,好開心....同余sir傾計完全無壓力,你可以鬧佢,又也以同佢講笑,佢又明你講咩,笑得又真,真係好開心...

夜晚,做功課..........功課..my god~就到23號啦,唔知我有無比賽....><

所有事都努力吧,做人第一要有自信,但遇到挑戰,第一失去的也是自信。

字可寫大,自不得大。唔好咁易放棄呀,阿昌,努力,今年同下年博盡,努力幾多,換番黎就係幾多~fightingx1萬億次....fighting..!!

今日天氣好好。

早上7點25分起身,換衫個d搞到7點八,搭力出門,去買早餐食,之後番到學校,8點04分,哇,余sir 真係棟左係度,我以為佢講笑,點知真係咁早係度等我地交功課。唔理佢,交左先,點知...

之後上堂,今日都聽得明講d咩,地理同數學都要text,不過兩個都無溫到~

之後放學,余sir話今日遲交個d,遲一分鐘就留堂10分鐘-0- 我遲左9分鐘,留左成粒半鐘,之後留完落去岩岩好打羽毛球。點知完全唔識打,好耐無打啦,唉,又失敗= =

之後放學番到去,食完飯,沖完涼,好累,去左訓覺,訓到11點先起身。做完功課再訓...聽日等我早d番去,真係唔敢再咁遲= =

我諗我要係運動上面多d發展先,我想玩籃球,羽毛球,足球,跳高,田徑,練跑,練彈跳.....好多好多

學業上我想考經濟科頭3名,其他科名次唔緊要,但我會努力。

真係希望有一位人可以支持我,叫我唔好放棄~但可惜,未出現。

今日天氣好好。

不過仲係好眼訓,上堂好難集中。

全方位係詩歌比賽,終於到左呢日,練左咁耐都係為左呢日,勞氣都係為左呢日。

聽...聽....聽..聽..聽聽..聽,第18場出賽係我地。

終於到左我地,上台,哇,好似心臟病= =跳得勁快,救命。我仲要分享,會唔會中招。分享:未升中四之前,我係一位成日打機,唔鐘意出街,唔鐘意同人溝通接觸,性格較內向,思想好灰既人,但自從升左中四之後,我真正明白讀書的重要,努力換黎係有一定收獲,我地可以活得好簡單,但有人選擇左努力,走緊係唔簡單既道路,世界係多姿多彩,數學有正亦有負數,人生有喜亦有悲。我地應該不斷進步,點解要咁執著失敗同成功呢,請睇清楚呢個世界。

我就比心機去唱,好驚唱錯,因為,,唉,上次教訓,食屎= = 唔好提。

但係今日無,今次好好,一tick過,分享都幾『膽定』,之後onon又係我側邊做動作,我輕鬆好多。

馬姐講得岩,拎獎?無可能..仲以為起碼有個『感動人心』大獎比我= =不過算啦,我地成班起碼有付出過,獎就贏唔到,自信就贏番番黎。其實我應該估到無可能拎獎,首先都恭喜4c,佢地唱得真係好top~好掂呀,我都好想係佢地班....-w-

其實大家付出幾多,心知肚明,我只係想做到『不留後悔的餘地』呢點姐,大家唔好咁唔合作..有d失望,我唔想對呢班無曬信心,再係咁,我會自己一個上,唔理4b班~,我講真,我依家對你地仲有期望,對大家仲有盼望,我知道我地大家都有好多能力,但係點解要收埋呢?

究竟有誰明白,有誰明白我分享左d咩.....好深奧?? 唔係呀,幾易明,出自內心嫁~唔好笑我唔該= =

倒下~起來,倒下~再起來,再倒下~再次起來,倒下再倒下~起來再起來,人生就是這樣..這點就要看你耐性和信心。縱然給踩倒一千億萬次,但起來的也可以是一千億萬次,這點就要靠自己。

琴晚成3點左右先訓。

今日天氣好好

今朝早,太累,連電話阿祥打黎都聽唔到,反而阿哥去左聽,叫我出去聽,祥叫我番晨禱,好呀,下個星期先啦= = 我勁累呀,所以今日無番到,之後我話番9點3算,訓多陣,好似一至兩分鐘,又打黎,佢話起身啦,我一睇,哇,又訓左成粒鐘= = 感覺好似一至兩分鐘。

祥講左今日會打波,咁我換埋衫啦,番教會,買左早餐and咖啡,如常就去,中途搭車撞到藝俊,真係好岩= =

咁去到教會啦,唱歌既,初時唔錯,愈唱愈唔得..我終於搵到個原因啦,原來係咖啡,一飲咖啡個氣管就頂唔住,好辛苦,之後又急,就黎完個陣,都係頂唔住,去左wc~差d就完嫁啦個聚會,始終都係忍唔住=.="

咁之後就落去下面啦,介一介紹新人,無野野咁啦,之後小組個陣,我係度玩,同可疑講左句野,話:番教會唔洗咁認真,之後佢叫我諗清楚d我講過d咩,我諗佢估會左啦,我意思係番教會係想享受,唔洗咁迫自己太緊..唉 不過算啦,過左,大家都無記係心度- -[咁我又講..= =]

之後謝曉唔識番去,佢要去買冷麵,之後陪去商場,之後買完就送佢去搭輕鐵。其實我真係亂打亂撞去元朗個d商場,偏偏亂打亂撞先去到= =

咁我之後番去,去食lunch,咁係食m記,之後食左陣,哇,見到個細路女bb,勁可愛,勁得意,佢隻眼好大隻,之後望住佢,我係度笑,無計,太愛bb仔/女

咁之後坐左陣,後面又有bb仔,唔錯,好可愛,好得意,水準差唔多= =,真係勁開心= =

食完之後去打波,去天恩到打,天恩個框我終於『hi』到啦,XD好開心,彈跳力又勁左,要繼續努力練先得。

打完番黎做功課,做做下check內聯,點知見amy send黎話佢聽日要開會,之後我同思敏講,點知剛好amy打比佢,哇,真巧合...

我覺得今日勁稱心如意囉,但係有一樣唔好,就係無帶數學書番去做工作紙,- -

努力:屬靈,學業,運動,朋友,家人,性格,勤力~! 衝呀,我已經跑左好多啦,10厘米咁多囉,仲差唔係好多姐,十萬八千億里。暈!""