今日天氣唔錯

早上狂醒= = 8點至9點至10點 醒左最多次,最後10點起身,搞點之後換衫番大陸。

因為要過關接人,所以我同我阿爸去羅湖,點知見阿爸件衫有d單調,所以建議佢買條呔,買左58蚊,打左,幾型仔,好似老闆= =

之後親戚十幾個一齊過關,好大陣像= =我就自己拎住臘腸歸天水圍之後再去大埔飲堂家姐結婚個餐,我阿爸就首先帶佢地去大埔。

去到太和行去大埔廣福村,好耐無上去lu,都唔記得d野,一路行去個陣,見到母校小學,有咩用= =間學校d人都唔識我,之後歎幾句就算,繼續行去廣福村。

上到去,打完招呼,就去酒樓,之後話漏野,陪堂哥番去拎。之後再去酒樓。上到去,無野做= = 飲左汽水,打左陣麻雀,我識打嫁,不過無羸過咁解姐= =之後on下on下,等下等下,行下坐下,企下影下相,就到左8點。

哇,我阿媽阿爸去敬酒[一堆人周圍行]跟住終於行到我地個樓,我地叫『飲勝』,乾杯都好細聲,之後新郎話,造下勢咁,果然唔同d,大家都好大聲。

好啦,有野食啦。但係最無奈係,佢要成幾個字時間黎運餸,我地就唔洗一分鐘食曬一碟,好無聊係度等= =之後有bingo玩,我中左,有100蚊萬寧同埋100welcome既禮卷,發達-v-

之後食左10隻手指都數得曬既魚翅數『條』,鮑魚一『片』,勁無奈= =

之後玩完就番天水圍,好夜lu,沖涼..訓教。

今日係人生第一次去『飲』呀,感覺還好,希望下次啦。

番去個陣,寶如姐姐問我有無拍拖,我話無,之後我阿妹無拿拿話有,佢解釋就係:有女仔打過比佢,吹漲,之後我就講,你夠有啦,有男仔打比你,之後佢無野講。阿媽話25歲先好拍拖,我之前聽過已經好大反應,依家再聽多次,都係好大反應,最遲..就18歲啦- -差唔多,24歲左右結婚…好長遠,我唔會唔記得我既目標既~企業夢。

今日訓到八點九就起身,好眼訓。

之後去左飲茶,正呀,未食過咁飽。

跟住去打波,哇,10點鐘就陽光普照,真係吹漲。

跟住就同埋d同學一齊玩,好多人呀今日。有得打籃球真係好開心,但係無手感,咁岩岩黎係咁嘛,都未打上手,就話鬥波,失下手姐,就唔就咁串呀你,無心?唔想再同你講野囉,成日都咁串。都無理過人地感受,最憎就係同呢d傾計同玩…完場's

之後打完番歸,點知無人係屋企,跟住打比阿媽,阿爸拎key比我,好彩都唔係好耐姐。

跟住msn同阿龍玩左陣msn games,極好笑,但又幾白痴同低b,好過癮。

唉,完來四個星期無番組聚,我都唔想,真係有d事做嘛,係唔相信我。你搞度我愈黎愈唔想番啦,連祥都講話感覺唔好,依家愈黎愈討厭,自從做左helper之後…

好累,聽日希望可以訓耐d,聽日堂家姐結婚啦,祝福佢!快樂一生,白頭到老,永結同心!!!!ya!

我要繼續戒打online game,唔可以又打番機,我要努力讀書~到時家長日你地就知道咩事,成日鬧我打得機多,仲有你呀,成日話我串你,係你自己語氣唔好昨,檢討下啦你,又唔反省下自己,你自己都唔好得去邊昨。

...真係想有人關心我,當然希望係女仔啦XD…唔要麻甩佬-v-""

今日熱到乜咁,好似仲係夏天。

最近先完左個朗誦節,依家又黎詩歌比賽,遲下BB(基軍)又有籃球比賽,然後又有三人籃球比賽,之後又有羽毛球比賽,哇一大堆比賽等住我,真係攞命。

講番唱詩,我真係唔敢相信我地班係咁既資素囉,唉,唔係人地唔唱你就唔唱嫁嘛,無d自己既風格,我地依家企出黎指揮大家,都係希望可以幫到手姐,洗唔洗咁多意見,不如你地自己做囉,服務你地又要比你地鬧,比你地拎黎出氣,我地好好受咩。成日話唔理你地感受,咁我地呢?

無番一日學,好似成個世界變曬咁,econ又好似深左,所有學科都勁亂。問人又唔答我,問好朋友先似番d樣。點解做人可以咁嫁,問一句真係答一句,答多少少會死咩。

最近要番教會,成日都話帶新朋友,你估我唔想帶,佢地肯先得嫁,唔好比咁多壓力我ok?

心情好平靜,但係一練詩歌就好沉重... 最近一有得放鬆,我就訓曬身去玩,比人覺得我怪怪地,無計,生活迫人。

升左中四啦,為左將來既目標,要讀好書,無必要既話,唔會諗拍拖d野。

唉,原來自己真係好多缺點,幾時先改到..幾時先達到夢想。 好遠...唉~ 企業家

唔通世上真係無人明白我既心諗緊乜?