今日一定要記下!!!

今日經歷了2個敬拜讚美 + 入會禮

先講少青敬拜讚美
其實，我真係有點炆...
因為 2位組員遲到!哈哈哈~
個刻Paula姐姐真係有點嬲~~激死我
我由元朗出黎，1:20pm早到少少開始等大家...
唉...導師其實唔係例牌等大家ge..
係有點失望...
復活節，耶穌為我地受苦死的重要日子，真係唔可以遲到ga...
祂為你死wo~~~~~~~~~~ 我地對主應該要敬重ge
下次唔好啦~大家大個啦，應該要守時，準時黎唔到亦應該打電話通知導師麻~
希望你地明白並努力在主內改善成長~
 

完左就去入會禮啦~
卓卓&清怡!


-


比較想重點記住今晚的成人敬拜讚美

我有一個好特別的經歷
 

本身今日個人好攰，又好肚餓，又已經下午經歷左少青個場敬拜讚美
到左7:15pm成人個場，其實個人一開始已經顯得安靜...即使唱快歌..都唱唔郁..
方言又只係好細聲...無乜力氣... 今晚都係坐o係位到的時間多...
去到禱告服侍時............. ..自己個人真係攰到唔想郁...連禱告都無力..
都係好微弱... 但我又好想今晚會聽到主同我講野，或者見到一d picture...
我同神講，如果你點名同我講野就好啦...
通常每次呢d聚會牧師有時都會在台上按上帝的感動同一d人說話..
當牧師開始點名叫左一對couple的名時，我又同神講..如果你有野同我講..不如透過牧師啦..
(我個心其實都15、16，係好想主同我講野，但又會諗點會真係牧師會在台上叫我個名ya...教會咁多人...中六合彩咩...)
但其實，我的心一直都希望著...之後牧師叫另一位姊妹的名... (我心有點失望...哈哈...)
當我心諗都唔會有我份的時候..我又同神講您會唔會同我講野呢...就係呢一刻牧師叫paula....

嘩!個刻我又驚又喜..就好似有野插住心!! 感到真係神同我說話，令我震驚同埋敬畏!唔敢相信~
我將牧師同我講的說話記住，大約係：
「Paula，你做緊可能你感到微小甚或無人察覺，
但主知道，祂知道你對每個生命所講的造就說話，你做得好好，要自己欣賞自己~」

聽完，我本身仲好鎮定，因為正正經經咁聽神同我講野，珍惜每個字..
但過左幾秒，我就流淚啦... 我感動呀...多謝主明白我、肯定我...
因為正正呢一段時間，我感到好似無論我講d咩鼓勵生命的說話...都彷彿無人聽見..
有時我真係灰心...但主...今晚...安慰同埋肯定左我...感謝主

呢個經歷真係奇妙
就好似我終於等到天父爸爸公開同我講野咁
好真實!

同埋，我有時會感到自己係一d唔起眼的人，
但竟然今晚，好似揀中左我同我講野咁..我好開心..

其實，paula姐姐睇自己都係好微小

多謝天父爸爸