琴日，去左Fanling 的農莊centre，叫Creation Farm! (Creation! good ar!!! ^^)
一清早，我地在農莊敬拜、禱告
真係和風日麗，係一個好地方
負責領詩的同工還教我地用動作跳舞敬拜神呢~^^
敬拜完，我就做左一朝的村姑，戴上草帽，
負責去除雜草、移植生菜去一個更好的地方生長...
第一次同土地接觸的感覺很特別..
除草時，用手去拔出地上的雜草...神讓我諗起..
有些種子落在路旁.....有些種子被纏繞著..
有些草..真係好頑固，拔極都拔唔起..同工們不停講除草要連根拔起..
否則，又會再生出在路面上...
令我諗起..路–就好似一個生命；雜草–就好似生命中一些影響我地生命的雜質或唔好的野..
有時我地的生命都會被呢d雜草纏繞著...令到我地的生命唔光滑..
若然我地不將它連根拔起..只會不停循環...不知不覺又再生長出來...就好似雜草在路上石與石之間的小小小空隙生出來...最唔為意的地方..卻在不停逢生..
呢次每月一次上農莊的體驗不錯呢~期待下個月..
---
今天，又係一突破!!!
今天，我放下機構行政的工作，大半日去左開會
先與一班關注居港權的人士、團體會面
之後，往政府總部約見保安局
就有關「單雙程證」作討論
感謝梁牧師讓我可以進到會議中見識...
令我最深刻ge並唔係政府官員的回應，
因為我一早都知佢地的官腔回應..唔會有野答到我地...
反而係我去到總部門口，見到百幾人(長者多，佢地係爭取居港權家長)
對有關居港權佢地足足等左十年...由之前釋法到而家...
政府都未處理到港人在內地所生的成年子女來港的問題...
當我地各會的代表入去會見官員時，我感受到一班充滿訴求的人，
彷彿將佢地的希望交在我地身上...希望我地能將佢地的聲音帶進去..
而佢地在總部外守候，等待我地開完會將結果講佢地知..
足足傾了2小時...真係無乜進展...都預左...
當踏出會議的地方...我心裡已經諗..
外面班人點算呢..佢地真係等左2小時...其實佢地足足等左好多年...
都好似得不到實質的回應咁...
當我出到總部外，眼見...佢地一班長者仍守候...心感到難過...
感到無奈...只能在走的途中心裡默默禱告...
我明白...社會政策...真係有好多野要考慮...
但我更明白，呢一班爭取權益的人，佢地心裡最希望有個確切回覆..
需要官員的積極回應來安定佢地的心...
at least，最少最少...讓大家知道..政府真係有心去處理...與人民同行..
可惜，我今天都感受唔到...感到又被耍...
雖然目前無咩新進展...
但今天能夠讓我接觸到呢班爭取權益的人，都讓我明白多左佢地的需要，體會佢地重視「家庭團聚」的諗法
栻目以待9月立法會的回應~
感謝主，雖然我呢幾天好忙，但主您讓我更相信當我禱告，
您就會親自引導我完成一切我無信心、我憂心的工作~
|
