2008-06-08 - 無無聊聊的日記 - QOOZA BLOG 網上日誌

pckey999 : 個人主頁 - 相簿 - 訂閱 [ QOOZA - 論壇 - 登入 ]

pckey999

暱稱：肥謙
性別：男
國家：香港
地區：元朗區

MORE...

最近沒有訪客

日誌統計

文章總數： 162

留言總數： 105

今日人氣： 1

累積人氣： 1332

站內搜尋

RSS 訂閱

2008 年 6 月 8 日星期日

2008-06-08	分類: 未分類
最近落大雨發生左人命事件響咖啡灣因為連場大雨令到山泥傾瀉附近一間士多倒塌，２死唔知幾傷我ｄ家人都圍住呢件事討論認為呢ｄ都係天既安排，要黎就會黎我都深入思考過，我唔反對一切都係天既安排呢點如果天要你遇上呢次意見，你點都走唔甩，因為係命運命運係命中注定，改變唔到如果改變到，咁都係命運因為係命運要你改變你既命運所以ｄ老豆老母根本就唔洗叫我地溫書命運注定左我去溫書就會去命運注定我唔會去溫書就唔會所以ｄ人根本唔洗刨馬經命運要你中頭獎就會中命運唔比你中就唔會中既然如此，人生只不過好似一部跟住指令做野既機械人咁只不過係不停咁跟住指令去做指令要你行就行，企就企，拉屎就拉屎咁人生到底為左ｄ乜？我地生存響呢個世界到底為乜？
發表時間：2008-06-08 02:38 PM [ 編輯日誌 ] [ 分享至FACEBOOK ]

訪客留言 (返回 pckey999 的日誌)

『杰﹏》♀ 於 2008-06-23 12:40 AM 發表：

其實e個問題真係好煩....
每個人既觀點都唔同....
如果我地真係可以理解到命運同運氣....
我地做左神啦....!!

[ 回覆 ] [ 封鎖 ] [ 刪除 ]

網主回覆

同意
呢個問題就咁算罷啦

Posted at 2008-06-23 11:46 PM [ 編輯 ] [ 刪除 ]

亞YU 於 2008-06-17 07:53 PM 發表：

=0="
咁命運係咪註定左..
你唔會溫書?!

[ 回覆 ] [ 封鎖 ] [ 刪除 ]

『杰﹏》♀ 於 2008-06-10 12:21 AM 發表：

你講得咁認真....咁我都認真d咁同你討論下啦~~~
首先....我唔同意你既睇法bor~~
雖然真係今日唔知聽日事...可能聽日死左都唔知咩事....
但係關命運咩事呢???
命運完全冇科學根據既....根本只係一個既方便又簡單既籍口去解釋一d意外.....推卸責任~~~!!!
你如果話士多倒塌係關命運事...不如問下點解會倒塌...
士多d人落雨就番屋企休息下啦....政府好心就整好dd山岥....

你為左d咁既野就話唔溫書...仲講到想死咁- -
你咁樣只會俾命運控制.....

你覺得人生似機械人??我又唔明bor....
唔通你認為你每日所做既野都係命運幫你安排咩??
自己諗清楚啦....
其實我地所講既命運就係係生活變化入面顯生出來既....

今次好認真咁答你啊....整個似樣d既回覆黎啊~~

[ 回覆 ] [ 封鎖 ] [ 刪除 ]

網主回覆

今次呢個問題好有研究性
我一定會認認真真答你

命運存唔存在?我同你都唔知!世界上有好多野都冇科學根據,但係又真係存在!
如果唔係命運令山泥傾瀉,果間屋仔又點會塌!點解世界上咁多泥!咁多土!點解就只係果塊泥土塌?點解佢好塌唔塌!係要塌正果間屋仔?

我唔係話我唔溫書!但係我想知點解有人辛苦一世都係咁窮,但係有人好彩咁中6合彩?
我都唔係想死,但係如果我呢一世既成同敗都係由天注定,咁我不如死左去?
我地可以去努力爭取自己想要既野,但係我地唔可以話完全靠實力得到,即使100%實力之中總會有0.1或0.001既好彩,我相信聖人之所以能夠成為聖人總有d好彩,英雄之所能夠成功都需要天時地理人和,李+成呢家咁有錢都未必唔係靠好彩得來。而我地所謂既好彩即係命運。

打到咁多先

Posted at 2008-06-18 11:25 PM [ 編輯 ] [ 刪除 ]

[ 返回 pckey999 的日誌 ]