2008 年 8 月 2 日  星期六

02-08-2008	分類: 未分類
今日朝早同碧西特登一起去松山跑步…其實我原本就唔係咁想去跑ge..不過難得碧西約我去做運動…而我又可以帶埋愛犬一齊去跑下步…玩下…都算係一個唔錯既節目…^^”…老實講呀…我地識左咁多年…從來都唔會話特登約出來做運動咁健康囉…所以我即使覺得又熱又曬…都答應… 可能我平日放狗既時間比較短…再加上…我平日又好少同愛犬做運動喎…所以我隻愛犬…跑左好短既路程…就已經無晒氣力…就連慢慢行既氣力都好似無咁濟…我幾驚我隻愛犬會熱死…所以我唯有手抱愛犬…唔使愛犬咁辛苦… 雖然我同埋愛犬都覺得今日去松山既節目…好辛苦…因為天氣又熱又曬…但我地除左覺得辛苦之外…都覺得開心和充實既…因為平日真係唔會特登去做運動囉…見到愛犬對松山周圍既環境…既陌生又興奮雀躍…我都開心埋一份… 如果日後有機會…我都想多d帶愛犬和小西西一齊去松山果度做下運動…一來對身體又健康…二來又可以增進感情…最重要.係…唔洗錢既節目…^^”
發表時間：2008-08-02 11:09 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 7 月 27 日  星期日

27-07-2008	分類: 未分類
嗯...我最近愈來愈覺得…人與人之閒的關係…好似變得好疏離甘…而家…人與人之間…好似唔會真正咁關心下對方…根本唔願意花時間和心機…去關心下身邊人…到底係咪因為科技太發逹…導致人與人ge疏離尼…我真係唔知…但我真係好討厭而家尼個社會有住尼種風氣… 我自己成日都覺得…人與人ge溝通…係非常重要ge…所以我習慣…有什麼也講出口…不論開心與否… 其實我明白…唔係每樣野…都要講出口…可以用心去感受…但我總覺得…每個人都係獨立ge個體…唔會話每樣野…別人都懂得用心得感受…又或者咁講…別人感受到ge…未必係自己想去表逹ge野…所以…我認為..最簡單直接ge方法…就係講出口咁表逹比別人知道…我討厭估估下果種感覺…既不真實…又不準確…
發表時間：2008-07-27 09:27 AM  [ 訪客留言(0) ] [ 編輯日誌 ] [ 分享至FACEBOOK ]

26-07-2008	分類: 未分類
嘩….今日天氣超熱囉…熱到我簡直就來呼吸唔到咁濟…死啦…而家先至7月份…幾時先過完今年既夏天…我而家好似好鬼怕熱咁…天氣一超過30度…我就已經唔想外出…偏偏我而家份工又要成日出街工作喎…諗起都想死啦…救命呀..!但我又未想辭工住喎…雖有死頂啦…唔係可以點喎..!! 今日中午約左小西西食午餐…因為都已經有幾日沒見面…所以特登約出來食下野…傾下計…咁…因為我自己覺得…感情需要花時間和心機維繫的…^^”…今日中午我地去左水坑尾果間東北人度食…因為見果間野新開…咪去試下囉…可能因為新開的關係啦..超多人去食囉…仲要等位架…嗯…不過果度d野食…就好似較為細份d…都唔係好夠食咁…而且味道都好一般….所以…我地2個人食左少少野…決定離開…轉場..去第2度食過… 最後…我地決定出大陸再食過…嗯…我地出左大陸拱北食小龍包…總共叫左3碟野…可能因為之前係澳門食左少少野啦…再加上…再去大陸食小龍包…所以我地今個午餐…食得超包…價錢都尚算ok啦…原本我地諗住物價高漲ge關係…應該$100唔係好見洗…點知…我地今日出大陸食午餐+下午餐…果$100都用唔晒…而且係2個人加埋先至用左$60左右…都算唔錯啦… 而且我地今日主要係出來傾下計見下咁…所以我地對於金錢都唔係太著重ge今次…^^”
發表時間：2008-07-27 12:05 AM  [ 訪客留言(0) ] [ 編輯日誌 ] [ 分享至FACEBOOK ]

2008 年 7 月 24 日  星期四

又係因為胃痛既關係…	分類: 未分類
又係因為胃痛既關係…住左成5日醫院…可能因為今次胃痛拖得太耐才去求醫的關係啦…所以今次住醫院既時間較為長…而且要打的針亦比較多….雖然今次醫院費好貴呀…不過今次醫生幫我照清楚個胃…睇下到底出現左咩問題…點解成日都會胃痛…而且仲痛得咁緊要…價錢貴就貴左d…但起碼得個明白…求個安心…當然啦…好無…我個胃…暫時都無咩特別事…只係因為我自己食野唔定時定侯…而導致胃痛者…所以我真係要…改下啦… 亦因為住左成5日醫院的關係…所以當我一返到屋企…就立即換晒所有床單去清洗…然後把屋企所有既地方…認認真真咁打掃清理一番…單單只係搞清潔…都花左我成2粒鐘咁濟…有時真係覺得屋企的地方都唔需要太大…否則…清潔起來…就相當辛苦了…. …所以話者最緊要住得開心舒服…^^” 可能能大家會覺得我好變態…只係不在家中幾日者…洗唔洗咁大掃除法..!! 不過我又真係好似有病咁…每次當我外出沒有返屋企訓覺…第日…我回家就會把所有床單被舖和地方…通通都要打掃清潔一番…我總覺得…我每當不回家訓既時侯…屋企就會變污垢…其實又真係無科學根據..可能係心理問題掛…我要我既屋企係清潔乾淨ge…^^ +++++++++++++++++++++++++++++++++++++++++++++++++++++++++++++ 嗯…唔知點解住完醫院之後…我好似比之前食量多左咁…唔知係咪因為係醫院果時無得食尼…所以而家要食番夠本…!!好似好多心理因素甘 雖然食量比之前多…但我的身體既力量…好似唔係好夠咁…單單由..中土果邊行去文化中心者…都無晒氣力…好似行左好遠既路程咁…可能個身體仲未完全好番晒啦…不過真係覺得好誇張…平日我認為幾步路既路程者…而家竟然行到無晒力…真係有點服左自己…希望可以快點好番啦…
發表時間：2008-07-24 05:46 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 7 月 3 日  星期四

因為去旅行既事情…先令我發覺…原來我同盈盈既關係..	分類: 未分類
最近…籌備緊去旅行既事情...原本以為可以咩都唔洗理…有盈盈幫我決定晒…我只需要出錢…就可以開開心心咁..跟盈盈2個人一齊去旅行… 你可以話我懶…唔做資料搜集…但我自己就認為…尼d叫做信任…!! 況且…去得旅行…梗係希望大家開心架啦…只要盈盈選擇既…都應該係..好..既…!!可能因為我自己見識唔多啦…所以我好相信盈盈ge眼光架..^^” 但因為去旅行既事情…先令我發覺…原來我同盈盈既關係..已經變得好疏離…其實我真係唔知由幾時開始…大家變得咁疏離…當然啦…一段感情…我相信..唔會係單方面既…應該係2個人造成ge..所以我都要負責任…但又到底可以點解決尼??!!有無人可以比d好意見我尼??!! 記得以前…我同盈盈…差唔多..咩都傾..咩都講…好開心架果種感覺…果時…我仲會覺得…同盈盈好夾…雖然大家既年紀有一些距離…但我地完全無因為年齡問題而溝通唔到囉…相反…我地果時既關係好close…係我地口中叫做…分享…^^…. 記得…以前同盈盈2個人一齊去廣州行街一日…果時…我都係咩都唔洗理…唔洗點打算…我只係出錢…和抱住開開心心既心態…咁同盈盈出發去廣州行街…果次…我真係好開心…覺得好愉快…可能當時大家既感情好close啦…而且又有共同既話題…所以大家相處會開心好多…. 我自己認為…感情..係需要不停加熱ge…如果唔係就會好易凍架啦...凍左既感情...即使到時大家想補救都好難…不過…我又怕…我既熱情…會令盈盈覺得煩惱..救命呀…可以點做好??!! 突然間…覺得…自己好似..好緊張…好重視..同盈盈既關係…以前…我會覺得…同盈盈既關係…順其自然…就ok…唔洗特登刻意做咁多令對方開心既事情…所以過往…我都無請過盈盈食飯..或者…送禮物…諗諗下…好似好唔岩架…因為感情…不進則退…當然啦…唔一定話要送禮…但一定要出心囉…出心就正如..為感情”加熱”咁…如果唔努力維持大家既感情…就會好易”凍”架啦
發表時間：2008-07-03 12:13 AM  [ 訪客留言(0) ] [ 編輯日誌 ] [ 分享至FACEBOOK ]