今日天氣依然好炎熱…但因為今日係星期日既關係…好無奈甘外出收報紙…(因為如果今日唔收番少許報紙ge話…就要明天一次過收晒所有報檔ge紙…辛苦死!! 再加上…而家天氣咁鬼死熱…如果我一整天都係渣車出街ge話…實行比太陽曬死我咁濟…)

今日收報紙ge情況…好唔理想…因為有報販…竟然攞左報攤d錢去打麻雀…搞到我去收報紙ge時侯…無錢找報紙數…!!報販同我擾讓左好耐…又要我等侯左好耐…好難得先收到錢…-_-“..

當時真係好想罵個報販…有無搞錯呀..!!我都係打份工者…唔好要我尼個打工仔難做先得架…!!而且我又唔係單單收你一檔d報紙…要我等咁鬼耐…簡直浪費我既時間…!!不過尼d咁難聽既說話…我都只係在自己內心講而已…無同過任何人講…!!老實講…我都係打份工者…我會注意形象ge…費事個報販打番電話去我公司投訴…就仲煩…正所謂…多一事不如少一事…!!

今日天氣極之炎熱…聽講今日係“夏至”…而天文台亦發出第一個”酷熱”警告…亦都因為今日天氣好炎熱…咁岩今日我又放假喎…所以我成日都留係屋企…除左出街買午飯…和去樓下街市買晚餐ge餸菜之外…就無再出過去了…

講起去樓下街市買晚餐ge餸菜…其實係原因既…原本尼…我爸爸打算約我出街食ge…不過你知啦…而家樣樣都貴…特別係氹仔食野…就更加唔洗講啦…再加上…我又因為身上無太多錢…我唔想每次都要爸爸出錢請我食野…都咁大個女啦…所以…我咪係屋企…親自煮飯比我爸爸食囉…老實講呀…我咁大個女…都係第一次煮飯比我爸爸食…雖然只係好簡單既餸菜…但至起碼…係我既心意嘛…放心喎…唔會食壞人架喎…!!..^^”而且…我見我爸爸食得好開心…同埋…好似好安慰咁…^^”

當然啦…食飽飯後…我絕對唔會要我爸爸洗碗既…始終佢係老人家…我咁年輕…辛苦ge野應該由我來做…再加上…我爸爸食飽左之後…都急住走…因為佢其實仲未放工ge…只不過岩岩因為肚餓…咪諗住搵我一齊食d野之嘛…^^

之前我咪話…我唔小心整爛左同事借比我把雨傘ge…今日我將果把爛左ge雨傘攞左返屋企…比志雄幫我修理…其實我都無諗過志雄真係可以修理到把爛雨傘架…我起初…一心諗住…比志雄試下…因為我聽志雄講…都係盡量幫我試下…未必可以修理到把爛兩傘…估唔到…果個志雄…真係有番2下手喎…咁都比志雄搞到掂把爛雨傘…

可能志雄份人係懶d…計較…小器d…不過尼條友仔…如果有心做ge話…真係好多樣野都掂架…例如：整電腦…維修..設計..廚藝..等等…總之…都好多野識…雖然講唔上話 ” 精 ” …但至少起碼…志雄所識ge並唔係時下年青男生都識ge…

老實講…可能而家社會年代唔同左啦…搵錢可能比以前ge社會容易…所以而家就算屋企有d咩壞左爛左…又或者只要自己喜歡ge…有錢就可以買到全新ge…但係我會比較鐿意…人地親自落手落腳整囉…起碼尼d叫 “ 心意 “…^^

今日落雨好似落狗屎咁...超大雨...又大風喎...連雨傘都吹反...把雨傘仲要係我問同事借ge...吹爛左...搞到我勁唔好意思...所以我咪約左個朋友-小西西..出來一齊行下d精品店...睇下無同雨傘和我同事果款相同或相似ge雨傘...可惜最後都係食白果...搵唔到...最後發現...原來我同事原本果把雨傘係用積分在CTM換ge...所以我應該無咁易搵到...-__-...因為咁...我決定放棄買雨傘還番比個同事...

既然決定放棄買雨傘…我就和小西西2個人…一齊由南灣到皇朝果邊收票…可能因為大雨啦…而且我地又係行路喎…所以淋到我地2個都成身濕鬼晒…路程遠就遠左少少…不過都幾開心既…起碼…大家可以傾下計…講下笑咁…^^

完成晒我想做既事情…我同小西西就去左賭場…千萬唔好誤會…我地唔係去賭錢呀…我地只係去行下…因為碧西未去過皇朝果邊d賭場…咁岩大家都有時間又無咩野做喎…所以咪一齊去行下…順道去睇下囉…當然啦…只係行下睇下…並沒有賭過一分一毫…因為我地2個都覺得賺錢並唔易…絕對唔想白白浪費係賭枱度…而且我地認為…做人始終要腳踏實地…^^

去完賭場行下之後…原來已經黃昏6點幾架啦…跟住…我地咪就近係皇朝的一間茶餐廳度…嘆下午茶…然後再吹下水傾下計咁…可能因為今日大家全程都係行路啦…再加上…城市人一向無咩運動…所以食飽野之後…大家都頂唔順…要坐巴士返屋企休息…”攤抖”…^^

開心ge時間過得特別快…咁就一日啦喎…^^