Piece of me - QOOZA 網上日誌

2008 年 11 月 12 日星期三

兌現承諾2.0	分類: 生活．點滴
琴日whole day都感覺良好~ 朝早可以同chi準時返到課室 c.law 份mid-term 是滿意, AIS 開會.. 已經傾緊draft! PE打排隊... 盡力了.... 我真係好驚打爆隻手鐲... 放學同程去行街, 各自有斬獲!! 衫,,escada lotion!! keybroad! 風扇仔!! 今日同程返早更, 出奇地不停傾偈... 時間過得好快, 話咁快收得工喇~ 放工應程生要求, 帶左部相機去影相... 今日係影peak tram... < peak tram上... < peak tram station < peak tram 出面個噴水池.. p.s. 兌現承諾2.0 p.s.1 順手scan 返之前annual dinner　 p.s.2 我真係要梳返好個頭..
發表時間：2008-11-12 11:22 PM [ 訪客留言(0) ] [ 編輯日誌 ] [ 分享至FACEBOOK ]

2008 年 11 月 10 日星期一

方向	分類: 朋友．相聚
琴晚開夜班.... 今日上早堂.... 加涼涼地....全日都好似未訓醒咁款... 返學呆下呆下,,, 我只知好大風.... 但我隻手都係冇停過.. 為了我親愛的... 算是值得的! 放學同celia, sandy, apple, mandy, mr. & mrs. yeung去食味千... 上到車先發現自己跌鬼左張八達通..... Carmen教我cut左張卡先, Celia俾左個報失hotline我... 實在太好喇!!! 多謝你們啊~ 食完就去行左陣... 我和它只是一面之緣... 希望好快可以帶佢返屋企... 突然之間, 我搵到方向......... 今日琪琪俾左呢度野我試... 一試就愛上... jill stuart 既fruit hand cream!!!
發表時間：2008-11-10 06:48 PM [ 訪客留言(0) ] [ 編輯日誌 ] [ 分享至FACEBOOK ]

2008 年 11 月 6 日星期四

山頂一日遊	分類: 朋友．相聚
今日heidi病左, 唔使返AIS實在太好喇! 以為同唔到阿程返工, 點知佢都改左返4點... 今晚個場要做set-up, 佢預計大約2點先走得.... 下午約左AIS既組員們去山頂訪問Danny, 因為yeung同woo未玩過鬼屋.. 我就同佢地一齊玩.. 我以為自己玩左咁多次唔會咁驚,,, 阿pan同torrice超古惑... 都唔係響平時d位走出黎嚇.... 驚到我係咁發顛狂嗌.. 甩左n次手.. 唉... 之後打算去食kfc.. 點知間野搬左都唔知.... 最後食大快活, 傾到人地收工先走....
發表時間：2008-11-07 10:36 AM [ 訪客留言(0) ] [ 編輯日誌 ] [ 分享至FACEBOOK ]

2008 年 11 月 4 日星期二

subway	分類: 碎碎．唸
為左琴晚既annual party, 唯有早d起身準備c.law mid-term... 好辛苦.... 訓左4個鐘都冇..... 考完先知... pe都係今日考.... 我完全唔知!!!! 以為好開心.... 最後變成乜都冇... lunch同大家一齊pizza hut.. 又一次飽到上心口..... 我真係唔可以再"飽"落去...... 要學識"no thanks!!" 食完就考pe... 真係仆直左... 唯有認命.... 之後去左打排球... 冇幾耐開始眼訓到唔想郁... 阿程接埋我落砲台山搵n[A]... 原來果度開左"subway"同"burger king"!!! 好想試"subway"... openrice勁多笑面!!! 不過.... 都係等我飢饉30左先.. 之後去左行街.... 好開心~~ 又買到野!! 多謝我人生最重要既2個人成日陪我!! 心情真係好左好多..... p.s.: 今日發生左件好值得開心既事... 雖然未必會兌現... 但淡淡既幾句就夠喇!
發表時間：2008-11-05 11:12 PM [ 訪客留言(0) ] [ 編輯日誌 ] [ 分享至FACEBOOK ]

2008 年 11 月 3 日星期一

MT* Annual party 2008	分類: 生活．點滴
程生話我琴晚早訓好乖, 今日上山接放學!! 同Sandy, Celia, Carman, Apple食和民, 已經連續2個星期和民.... 但今餐真係食到背脊骨落... 差到嘔既service,,, sorry.. no next time!! 食完都不過係2點幾... 行到腳都斷...... 終於同到夜晚去annual party! 第一次去南華會bbq... 冇想像中咁好食同好玩... at least 食物既種類少...... 70%都係肉.. 仲要係厚果隻... 點燒???!! 仲要係冇芝士腸.... 冇龍蝦丸.... nqjhw!y&!#!##! bbq 都係上次開心d... 70%都係我鍾意既! 冇左以前扮鬼扮馬果個show.. so sad....!!... 由於第日要mid-term, 10點就走lu~ 累到阿程俾人black面... sorry!
發表時間：2008-11-05 10:57 PM [ 訪客留言(0) ] [ 編輯日誌 ] [ 分享至FACEBOOK ]

2008 年 10 月 27 日星期一

赤柱遊	分類: 歡喜．冤家
琴日返工好開心啊... 6點幾阿程就過左黎左山腳湊我收工, 坐車既時候, 程baby拿左部相機俾我... 果部機響sandy媽媽生日果陣已經好想要... 因為自己師奶仔,,, 嫌貴唔肯買.... 之後都冇再提起過呢部野..... 估唔到阿程仲記得... 錫哂你!! 之後去左食我近排最愛既KFC! 呢半個月黎既第4次.. 仲認叻"KFC係百吃不厭"... 點知今次食.... 覺得想嘔... . 今朝返學竟然唔知醒.... 連頭都冇梳就出門.... 估唔到可以Join埋阿姿打的上山, 準時入課室!! 放Break就影"婦團"大合照! 呢張係我同孖芝識左3年既第2張合照.... 放學同sandy, mandy, apple, carmen同celia落左cwb join程生食和民.. 自從第1次去和民就有隻野響我個麵度... 我就冇再去... 好彩今次咩事都冇... 只係佢落錯左我杯飲品... 快快食完個lunch, 我同阿程就入赤柱散步.... 次次都係我話去赤柱... 次次最後都係我無啦啦話唔想去...."""" 首要任務係去jenny bakery買cookie... 搵左好耐先知一直行錯路啊... 真係好白痴... 60蚊罐4mix好似好貴... 但都係買左2罐.. 一食就愛上了.... 比我最愛既車厘哥夫更好食... 之後就返海旁hea睇日落.. 影下相..... 好掃興既係雲太多睇唔到日落.. 仲見到好多人影結婚相哼哼!! 我同阿程都唔執書... 玩自拍... !!! 可愛既阿程仲好英咁教我影相.... "o拿!! 呢d影即影即有相機一定要自拍.. 仲要zoom爆頭果隻先好睇.." 結果... 真係...... 影到我塊面超大......... 勁傻仔................ 歡樂既時光過得特別快... 又係時候講Byebye... "再見喇赤柱... " p.s. i love you. 18個月快樂~
發表時間：2008-10-28 08:36 AM [ 訪客留言(0) ] [ 編輯日誌 ] [ 分享至FACEBOOK ]

2008 年 10 月 24 日星期五

神交。ＴPＳ	分類: 朋友．相聚
幾起冇耐就要做晨操… 一開始追火車，遲來既小巴搞到我要跑返工.... 做親F&B都搞到自己成個傻婆咁... 成件事好似得一個人響度忙囉... 是日Lunch有mandy整既意粉, 好滿足! 阿pan講得岩.. "愛瑪士小姐識煮飯!" 我都覺得mandy真係好勁!! 如果阿旺都有咁叻, 我就唔使煮飯喇!!! ~ 食完飯, 程baby就一齊落山cap客跑靚條數! 攰既時候.. 阿程送上一包媽媽奶~ 真係.... 勁愛您! 放工趕去佐敦會合"神交之友"popo同tingting! 今日個topic係"重慶雞公煲"!!.. popo係咁笑我既"成件事"! 無錯!! "成件事"就好似tingting講咁"返左大陸食飯"! 叫左個2人餐, 3個人已經飽到上心口... 好好食~ 8 年黎, 我地依然都係咁好朋友, 雖然唔係日日見到面... 但響心入面只要有大家.. 好多野都唔使講! 期待12月既gathering!!
發表時間：2008-10-25 12:08 PM [ 訪客留言(0) ] [ 編輯日誌 ] [ 分享至FACEBOOK ]

2008 年 10 月 20 日星期一

BBQ IDY~B-DAY	分類: 朋友．相聚
上完fa同mandy, apple, sandy, 揚生揚太去左kfc... 個zinger 唔知乜鬼, 真係好好食!! 未試過有薯餅夾住既burger... 好得意~! 之後響北角join埋mandy*mt. 因為今晚係同idy慶祝生日~ 我地兩條友就出去筲箕灣等fermi車我地入去石澳.. 估唔到平時唔聲唔聲既idy竟然自己一個人預備哂所有野! 洗哂所有食物! 買哂所有醃料同用品!! 連飯後果都有! 6.30pm去到, 就即刻見到有個爐冇熄.. 成功執死雞, 6.45pm已經settle down開始bbq!! 今餐真係好豐富!! idy買左好多新鮮肥美既seafood! 明知自己唔食得... 都食左一粒帶子... idy整得好好食.. 但我之後瀉到high high... 仲有mandy買既麵包同蕃薯... 又係超好食!! 成晚都好開心~~ 可惜程baby果晚要返夜.. 11點就要返歸la! 第日仲要返早呢...... 在此祝idy生日快樂! 每日開開心心~ ↓俾fumi偷影.. "鬼鬼食蕃薯!!" ↓大合照~ ↓當大家好開心咁影大合照~ fermi自己一個人玩緊估蠟像!! 扮緊劉翔!! p.s. 我特登留俾程baby既蕃薯竟然未熟的.....
發表時間：2008-10-23 11:46 AM [ 訪客留言(0) ] [ 編輯日誌 ] [ 分享至FACEBOOK ]

2008 年 10 月 15 日星期三

保持距離	分類: 生活．點滴
呢個10月真係好忙到冇停手.... 身邊發生太多唔開心既野... 希望一切都快d過去.. 10月7號, 同左syu既朋友仔去左tea buffet! 相信呢一日係我呢十幾日黎最開心既! 以前我享受返工可以每日見到唔同既人, 仲同我愛人一齊返工簡直係perfect!! 我真係覺得宜家愈來愈失望, 點解唔可以真心咁對待其他人? 愈來愈想逃避某d人.. 當初我會鍾意大家一齊開開心心咁傾偈.. 講既都係真話.. 但由某人故意推我果刻起, 朋友呢個諗法, 我知道我自己真係諗多左.. 我會做返當初既自己.. 大家保持距離!
發表時間：2008-10-17 08:01 AM [ 訪客留言(0) ] [ 編輯日誌 ] [ 分享至FACEBOOK ]

2008 年 9 月 26 日星期五

海洋公園哈佬喂	分類: 朋友．相聚
朝早同阿朗食完mcdondon就開始等.... 3點半終於出發喇~ 自問我係個超細膽既人... 可能公司開左scream既關係, 個心總係會想去踩下人地個場..... 整體黎講, 某幾間鬼屋都幾好既玩! 唔計人多... 其實大部份既 actor 都唔會走埋黎嚇你既... 都數印象比較深既鬼屋係... 。兵馬俑幾搞鬼... 要帶左個探險帽先入場.. 。戲棚果邊d鬼都好得意! 尤其祝英台成日都話要搵山伯... 。廣昌隆好正! 另類恐怖之作! 。去大富豪打泡泡龍！。厲鬼村，勁跳！但下年應該未必再去，因為我真係好怕熱。 p.s. 多謝程生帶我去海洋公園哈佬喂渡過第17個月, 呢一日好有紀念價值, 我好開心! 更期待以後每一個紀念日.
發表時間：2008-09-27 09:49 PM [ 訪客留言(0) ] [ 編輯日誌 ] [ 分享至FACEBOOK ]

« | 8 | 9 | 10 | 11 | 12 | 13 | 14 | 15 | 16 | 17 | ... | 21 | »

個人資料

percyslin

暱稱：Ｓhilliｎe

MORE...

月曆