然而倦了 哭了 盼雙親再如初 抱緊我
你阿爸阿媽唔理你,我先要理你咋.
多年前出自我親生祖母口中......
咁多次嘈交都唔記得內容,唯獨是呢句,直入心坎,多年無法釋懷,每次夜晚訓唔著,呢句說話都會浮現,當然之後就係喊到海嘯咁,最後太累而入睡.
單親家庭對我傷害唔係最深,最深既係,我一直認為真心愛錫我既人,心底話原來係,我只係一個包袱.
就算我想見阿婆,想去婆婆壽宴,都要問准我姨媽,避免見到同兩個同母異父既妹,怕妹妹奇怪我對親戚稱呼點解會一樣,會知我係佢地家姐......
婆婆成日想見我當我係寶
麻麻成日見到我就覺得我係多餘
今日寫完張紙同麻麻攤牌, 麻麻見到張紙冇反應,反而爺爺見到我留字擔心到即刻問我去邊,以為我離家出走.
晏d見我番屋企,爺爺笑到四萬咁口望我,問我買左咩番黎.
麻麻就算睇完張紙,見我番黎都一d反應/回覆都冇.
一個冇血緣關係既爺爺,由我細細個,真心付出佢既愛,錫到我大個.
親生既麻麻......我無言以對.
麻麻成日話我對爸爸同爺爺好好,淨係對佢好似有仇咁.
點解會唔明白??
好想好想同爸爸講,麻麻曾經咁同我講過,我好失望
可笑既係,我唔敢講既原因係,我怕爸爸會贊同麻麻講既說話. |
