無人完美 無人如己,.

對自己管制有一套,同時都想身邊既人都會管束自己.唉我太死板喇...

覺得身邊既人感情線好模糊,就會好焦躁,覺得對方應該同人講清楚,因為係我既話會咁做.
雖然係太愛朋友先會覺得好嬲,但冇理由要咁專制,我都唔應該去理,始終係佢自己既事:s

有時好小事,比如影相,明明就覺得影相個背景要靚,點解係要影埋唔應該出現既障礙物?
!幅相好耐之前影,到依家望住幅相都覺得好嬲好唔開心...
但係我又忽略左幅相最重要唔係背景,其實係幅相既回憶...

究竟點先可以唔再對身邊既人事物咁執著,學識睇輕一點?

面對難過 要眼睛灑下雨點又如何
自問軟弱仍比勉強忍哭好過得多
不需太堅強硬朗 接受同一的結果

最近為左學業煩惱:s
為左呢科努力左既結果都係0,點解呢科會咁難成功...好似話我知,我雖然有心向住目標努力,但唔代表有成果/-\
唉,今年要再落力d喇,要話俾睇低我既人知,只要我有目標係冇可能失敗既.

每次有咩唔開心有咩壓力,只會背住人,不停喊去發洩.唔想屋企擔心,唔想朋友有無能為力既感覺,好似有咩事都只有自己面對,冇人幫到我咁,亦唔想麻煩人.
究竟幾時,我先可以放心交出自己,唔會怕你有負擔,會相信你可以?

傷心寂寞,有音樂陪我就足夠;

第一次你陪我坐著 我的手心是空空的。

我想要細心既男朋友,但係我都唔細心
我想要成熟既男朋友為我分憂,但係我唔成熟
我想要照顧到我既男朋友,但我都好大小姐
我想要可以依靠既男朋友,有咩事第一個諗起既係佢,.

睇人往往則重左缺點,優點都被掩蓋.
自己做唔到就想人地做到,自己做到都想人地做到.越黎越覺得自己有公主病

唔想失去,這是我想要的吧;

********************************************************************************************************************************
為左小數目差d嘈交,都岩既,成日搞到你咁夜要搭n車,依家食飯多數你俾,而且我仲借你戶口匯錢,唔應該問你拎番我做生意既錢,扯平吧********************************************************************************************************************************
以前唔理三七廿一都要自拍,依家大個左貪靚左但偏偏唔自拍,奇怪:0

剩下一縷縷傷憂少不免,.

今日真係天堂與地獄...
朝早好開心同班bb嘻嘻哈哈,下午殺出左兩個終極太太加一個婆婆,嘩依家d太太口服液係咪收左山,做咩d太太咁瘋狂/-\
由於對份工太給力,太盡忠職守...因而當聚俾人鬧到成pat shit咁,我除左苦笑加唔好意思對唔住之外,真係唔知可以講咩;
重點係,家長話人既時候,有冇考慮過當時拖住仔女?
有冇諗過佢地會有樣學樣?
啊...sorry我忘記左,你地就係想佢地學似你地咁,響對方未講完野既時候就妙語連珠咁射過對方度,話對方唔識咩叫禮貌.好型好有道理啊...money is everything,你地俾錢就唔需要跟規矩做野,係我地要跟你規矩做野,我既價值觀同工作態度又要改改佢;
*尊重係人地俾你既,但臉是自己丟的*
女人真係好恐怖,你未諗會唔會得罪佢之前,佢一早唔gur你仲會用口開機關槍掃射你:s

番工番到咁樣,夜晚男朋友接放工,我d eq指數急降,唔知做咩變左第二個人,係咪都發脾氣...真係對唔住:(

學校,工作,關係都俾我好大壓力,估唔到今日我心情咁靚,都俾人打左落谷底, so sad...

***********

其實...我心情唔好就中意打qooza
其實...我心情唔好沖涼就會好耐
其實...我心情唔好就全日都會不停流淚,控制唔到
其實...我依家應該好眼訓,不停打錯字

****************************

自小都好中意屋企人陪我入波波池玩,但屋企人嫌污糟好少同我玩...
到依家好羨慕一家大細一齊入波波池玩,難得一家人聚埋,可以享受呢d簡單既快樂有幾多次?
每次見到家長掉個仔響波波池,自己出去行街食早餐/響波波池玩ipad iphone吹水睇報紙,都好想小佢地!
到個仔大個陪你飲茶果陣,個仔玩手機,等你飲完就走,完全冇交流,根本係話你知"拿老豆我陪緊你飲茶喇"既時候,你就會後悔,當年點解唔珍惜同個仔玩,個仔咁簡單快樂既童年回憶,你就咁就錯過左.



ok我終於出完氣喇yeah*V*

天色豈會每日也明亮如晴空 一天總要領略到失望或心痛

我要挑戰不可能既任務lol 試下酒店waitress先:p星期五聽野跟住interview喇,我咁弱,究竟可唔可以托得起個盤呢...

被傳染重感冒,好想睇中醫,最後速戰速決去左睇西醫:(係好快好番,但成個人落晒型,又累又冇胃口/-\難得去完旅行肥左,依家又瘦番,係咪好野啊:(((((((((((((((((((((((((((((((((

***無論你忍耐程度有幾高，都無必要忍受不被尊重嘅待遇，同時你亦要知道，被無理對待，你自己都要負上責任。
因為你一旦容忍到第一次、第二次、第三次，就等於發出「你唔使對我咁好」嘅訊息，製造惡性循環，喺愛情中不斷令自己一次又一次痛苦失望。