呵呵!琴晚好happy呀

我多左一個家姐,一個呀哥!/\/\

家姐係一位美女,佢叫:朱古力

而呀哥都算係一名型仔,佢叫:蠟筆小生

呵呵,我今日都仲未嗌朱古力做家姐

有啲遺憾添

但今日就嗌左小生幾次呀哥

第一次嗌係比佢嚇親ge

咁個果陣啱啱上完家政

我同KAKA仲有肥Ben一路行一路傾計啦

突然行到2E班房門口

比佢勁大聲咁嗌:Halo呀妹

比佢嚇一嚇,成個人傻傻地

就求其應左聲:Halo呀哥

就落左去食飯嘞

係canteen一路都見唔到呀哥家姐

原來呀哥去左打波

而家姐就出左去

本身想叫呀哥玩,點知佢掛住打波

嗌左好多次都唔應

咁到打鐘先上返去

未打鐘之前就已經唔見左呀哥

原來佢去左toliet,咁見到佢

其他人就勁大聲咁嗌:Koey

哈哈!我仲捉住佢俾呀哥睇

但佢睇唔睇到就唔知啦

上到去,見到勁多人圍住我地班房門口

諗住睇下咩事啦

點知一睇,門口塊玻璃窗爆左

咁我班啲人就話係啲f.2整ge,一啲就話唔係

結果要訓導啲人黎

唉!miss韓一入到黎就話

而家冇邊個唔識你地1D啦

三番四次要驚動到訓導黎捉人

你地玩少陣會死咩

仲有一個月都冇就畢業啦

可唔可以讀好啲書,考好啲個試

唔好再咁壞啦

我諗諗下,又係喎

先有啲女仔被人捉

之後就到我同羊羊玩粉刷被黃SIR捉

跟住就到啲男仔隻揪

又到我同羊羊係厠所單野

之後就到啲男仔校服儀容被人捉

今次就到爆玻璃

我諗我地啲1D人類係全級最出名囉!

無奈!=.="