心情既興奮又矛盾,因為事情一定不會如我想像中這般順利,只是自己總是一開始期望太大,到後期當然只有失望啦.....

不要說我過份悲觀,只是這些年來,所期望的東西到最後總是令我失望,令我不得不這麼想,對於別人會好容易得到,但對於我就....

所以一直好羡慕,搞到好似未見過世面!!在我身上發生的事情,真是過於平淡吧,可算是枯燥的生活....

今日又去了旅行社揾資料,原來去旅行都是一件好傷腦筋的事,但又會好心甘情願去做~

在選擇的過程,雖然大家都所爭拗,但還是開心,因為今次都可算是第一次感覺到旅行~

至於澳門的那一次,都只是跟朋友去,由於他識路的關係,我們根本不用報團,更不用plan行程,所以没有傷腦筋....

但今次真係由我們自己一手包辦,所以考慮的事情有好多,雖然過程麻煩,但一諗起有得去旅行就開心啦~

昨天和今日都是一個值得紀念的日子,昨天是決志三週年,而今日又係我係富邦公司做左三週年,好易記!!

女仔始終對週年紀念特別敏感~晚上陪connie傾左陣電話,都知佢近排返工辛苦....聽佢訢苦....

突然令我覺得她的人生是特別崎嶇,無論是那方面都受著不同的壓力,相反我的人生到現在為止都未有經歷過好大的風浪~

所以通常人覺得自己幸福是因為見到周圍的人不幸而有所啟發,如果真是這樣,算是可悲吧...

原來在他們心中,我是多麼的難捉摸, 因為估唔到我諗咩....我還以為她們好清楚Tim~特別係毛毛,佢會知道我的想法~

不過其實自己有時做左d野出黎都係莫名奇妙ga,很難猜透!!

今日係決志三週年~要去開組,哈~在小組當中,有時真是覺得自己好識得講笑,令到他們哈哈大笑,氣氛都唔會咁沉悶la.....

病情又開始發作,唉~咳死我喇!!

受到同事steffi的讚賞,真是有點詫異~

原來在她心目中,我是這問公司的傑出員工,不怕付出而且不會期望有好好的回報....

一直以來也覺得我好唔抵,明明了做了很多,但又無應得的獎勵所以一向也覺得這間公司請到我係佢哋的褔氣~

仲有就係我心地太善良,出到去工作會好蝕底......邊個做我男朋友就真係佢福氣,嘩~真是誇張呀!!又再一次o嘴~

我一直都不知道自己在她心目中係留下咁好的印象~

我對她說"但我覺得自己有時都做好,反應又慢,有時仲會連累到人!!"

其實一直以來我都覺得能去到這間公司工作是我的福氣同榮幸,因為在這裡的待已很好多的了...

自間自己的學歷又不是高,而且又没有一技專長,可以在這公司捱到三年己是幸運,我又有何資格要取得更好的回報?

況且我只想做好本份, 根本没有想過上位,因為我的性格是做不來的,再+上自己鐘意平淡,不要太大壓力就可以了~

"一向也覺得上班只是工作,在我立場,上班是為了糊口......

所以一開始都知上班辛苦同受氣,所以我從來都没有期望,所以都不會有所失望"

steffi聽到這話後就話因為佢不懂這樣想,所以就成日激氣,而可能是我懂咁諗,所以都可以睇開d la~

之後仲傾咗好多野,好耐無傾過,好似一次過講晒自己生活上的壓力~舒服晒~

今日唔知點解係好想有人揾到我,所以無開電話....因為有時覺得收到電話會煩,但當然有d例外啦.....

不過我就是這樣的了,唔鐘意電話就會直接熄機,無謂打擾我,如有緊要事,他們都好自然打去我屋企ka la,我又何需担心呢??

不過好想講....個個男仔都話自己好好,好專一,以前點樣對個女朋友好,但聽到有點厭!!

特別係d別有用心ga人,無非都是想討好對方, 氹我入局啫,幾個月之後未又係識左第二個,講到對我好專一咁!!!

仲當我靚妹咩!!好似突然之閶覺得呢個世界d男仔全部都係衰人,只有毛毛係例外,永遠都係我最好ga男性朋友!!!

哈~不過有時係將d怒氣發洩左係佢身上,好似打佢咁.....但佢又唔可以還手喎,唯有比我打啦~不過佢都明ka la~坃下啫~

同毛毛眾人prepare唱聖詩,為了judy+thomas的婚禮,哈~好有意思呀~好似見證他們結婚~

去花展~第一次去果然特別d~而且同毛毛+connie一齊開心ka~只有佢哋先會同我顛~

見到一片花海,可謂色彩繽紛,有點去咗外國的感覺,因為外國都會有一大片ga花,好有夏天的氣息ar~

不過都好多人,想揾個靚位影相都難.......

and then,去旅行社睇資料,不過行程保密,我唔會透露自己將會去邊,大家都唔好問我,我唔會講ka~

我亦都唔想講,真係成事先算啦~期待中.......

原本諗住放工後回家休息,但當回到家後又忍唔住練琴,所以根本都没有休息......

因為好似練琴還緊要過休息咁........

不知否藥力的關係,人總是很疲倦.....好眼瞓....但今日完全無咳,哈~呢間診所果然係勁,不枉我晒左200幾蚊去睇ka~

回到公司,心倩好似好Down咁,唔多想講野,唉~我d情緒化又黎la....

其實有時候.....有些事情不想它發生,但自己又偏偏控制唔到,我知好難改,所以自己常處於兩難的局面...

我想做好d,但好似唔到我控制...可能你地唔會明我呢段說話講咩,因為我係另有所指....

當明明自己有付出過,但結果未如理想時,失望是在難免,但旁人的不理解更令我失落,誰人說結果不重要,最緊要是過程?? 騙人的!!

這個世界根本就係現實,任何人都只會看事情的結果,過程根本是次要!!好討厭呀!!!!

嘩~今日好倦呀....不是因為公司的事,而是我自己私人的事~

我想再放多d時間在彈琴上,所以自然會忽略了其他事,唔好意思呀,因為這樣而成日都聽唔到朋友的電話.....

坦白講,有時想專注d係鋼琴上,我唔想彈到中間電話又響起,好似被打亂陣腳咁....

不過我並不是有心唔聽電話,只是剛巧行開了......

所以近排再無心情傾電話....