每天都期待著九點四十分的來臨,不早不遲,時間剛剛好~

電話響起時,下意識的看看鐘,正是這時間,我就更加知係喇~呵呵~

本應感到高興,何解心中有點不是味兒呢??

原因只有一個,妒忌是也!!真是要不得!!

崇拜後練詩,好搞笑呀....高邦佢哋真是增添了很多笑料~開心~

之後再同毛毛+connie去買結婚褿物,又係到我們各執一詞的時候,意見不同....

最終揀了winnre the poor的枕頭套+被套,係一set黎ka~我就覺得幾colourful ,而且好有活力~無咁平實同普通~

揀的同時十分興奮,因見到好多好靚的的被套,好有童話feel, 個個都好鍾意,感覺上好似買比自己咁~

雖然結果都係買比人ga,但買的同時又會好開心,尋找到樂趣~最重要是自己一向都無咩機會買這些東西ma~

同阿哥去了西貢,天陰陰都幾好ga,至少行山唔駛咁辛苦.....

哈~但因為體能無以前咁好,所以都都有點辛苦,不過去到某ｄ位又幾靚....

不說了,你們睇相吧!!

唔知點解,琴日開心完,今日就會發生一d唔開心ga事,應驗了同等的快樂有同等的悲傷!!

每次都是這樣,所以我才不敢太忘形呀~回復了以前的模樣,還以為有突破tim~

突然想起connie問過我的一個問題"有無諗過自己想做咩工作?"

哈~我竟然第一個答案是"有!!我想做歌星,我鐘意唱歌!!"又鍾意做戲,深信自己有天份,好易投入感情!!好似靚妹咁仲發緊明星夢~

connie話"其實你可以做ka~" 話咁易咩!!話做就做咩~諗下好了,除非有人發掘啦,否則自己好難踏出第一步~

今日天氣十分晴朗,藍藍天空,没有一片白雲~

實在太反常,昨晚才橫風撗雨,不過anyway點都好啦~很久也未試過咁猛太陽~

心態上的不同,每天都有期待的事出現,所以人都開心d~笑都笑得多d 啦!!就當作我每天辛苦過後所品嚐的甜品la~

是否同等的快樂=有同等的傷心?

可能女孩子就是這樣的吧,快樂過後總有隐憂,没有安全感的關係,所以有時.....

快樂的同時又不敢盡情快樂,因總覺得有同等的悲傷隋之而來......

返到教會,哈~又再一次被人誤會我同毛毛,...

少萍+毛毛坐我隔離,少萍話毛毛同我講野時塊面貼到好近wor~話我地D態度同行為都似拍緊拖!!

連坐我們後面ga Thomas都忍唔住講左句"其實我坐係佢哋後面咁耐,都有咁ga感覺,塊面超越左個安全範圍",好好笑low~

但我地自己都唔覺,因為大家都慣左,最緊要close左,完全唔覺得有咩唔妥,不過通常局外人先發覺到有咩異樣ga~

哈~毛毛勁大反應,他最怕比人誤會,毁佢名聲....

毛毛仲話"如果係ga,我寧願死呀!!"有次仲誇到要插眼tim~真係....駛唔駛咁誇呀~

我都加埋一句"你地唔好亂講呀,我地仲要揾食Ka,我們各有各發展ka,唔好搞到我無晒機會呀!!”

不過我又無毛毛咁介意,反正一開始已給人誤會了,整個教會都認定我們是一對啦~

因為一男一女常走在一起,唔多唔少一定會給人一種誤解, 不過我地唔會因為咁而避忌,清者自清∼

但反而我仲有ｄ貪玩，想扮到好似真係拍拖咁，玩下佢哋都好呀∼哈~有點無聊~

之後練詩,阿振真係好嚴格呀~歌唱了無數次,但每次他總會有不滿的地方要改善....

不過其實我覺得我們已唱得好好的了,但事實上我一向也不是很高要求~

看見他這麼認真,其實都很佩服,因為很有敬業樂業的精神ar~換了是我,我才没有那麼好心機呢~

都好佩服Ruby~對音樂的認識,還比竟見,自信的表現~八級果然唔同,有樣有內涵,真令人羡慕~

瞓到十二點,好好瞓呀~竟然無收到公司的電話,實屬難得~

同connie係樓下食飯,又傾咗好耐,毛毛join埋我哋,傾到五點幾.....消磨了一天.....

哈~向日葵的男孩,個名我自創ka,係比喻有陽光氣息的男孩,不過我家姐話這個名好嘔心wor,但我就覺得幾好聽吖~

哈~每次見到d怕羞的男仔都會好想笑, 他們的表情實在太搞笑,太可愛了,有一點傻氣,還有一點吸引力tim~-