·8月8號,會考放榜的日子~

這個日子十分熟悉~這日子亦都係我早幾年會考放榜的日子,好易記~

想當年會考放榜前真的無法入睡呀,勁緊張,不斷的想自己的路應該點行....

其實以17歲的年青人來說,根本不會知道自己想點,更加不知道怎樣安排自己的路!!

17歲的年青人又怎會咁成熟去想這些呢?在他們腦袋裡面就只有一個字---"玩"...

有咩好玩呀??去邊到玩呢??就是這麼簡單的了,你可以說他們單純+浪費時間~

但每個年青人都會經歷個階段,總覺得自己有的是青春,不怕無無聊聊的過了一天,不怕浪費時間,還認為是年青人應擁有的權利!!

但當日後人長大了,雖則好想過返以前個種無聊得黎又開心的日子時, 但如果要我現在這樣生活就真的不行了~

有些東西雖然係好嚮往,但都要啱當時的心境和年紀才可行....係未?

一朝早往窗外一看,竟然給我看到一條好靚的彩虹,顏色好分明的彩虹,高高的掛在天空上,令我感驚訝~

急不及待的叫家姐去睇,這是我人生之中第二次看到彩虹,第一次己是小時候的事了~

每次見到彩虹都會有種童話的感覺,好似係童話世界才會出現的景象~

一大早給我看到這麼美麗的的東西,心情都開朗D,今天一定事事順利ga~

收工後同菁去食飯+睇戲---周杰倫主演的"不能說的秘密"~

其實最吸引我去係因為有人彈琴的場面,呢個仲要係男仔,就會更加型~

而且是一個小品故事,應該啱我睇啦~果然令我最感精彩的是jay彈琴的一幕~因為實在太厲害了~

嘩~不過睇到呢幕,就令我想到一個關於彈琴的問題--"彈琴不是要輕觸琴鍵後才彈落去的嗎?不是不可以用手打琴鍵的嗎?"但我見住jay好似用手打琴咁wor~

哈~呢個問題要問問我個miss先~哈~不過套戲有點悶,可能是我自己累啦,而且無我想像中咁好睇呀~

不過就當看一場音樂會吧~不錯ka~

近來很多抉擇，有時我會想其實在一間公司做得太久也不是真的很好呀．．．

特別在一間幸福的公司裡面！！當日後再投身出去的時候，一定唔適應．．．

而且會很怕重新受挫折，雖然這些挫折之前己領教過，但如果再發生自己身上的時候就萬分之不願意！！

真怕自己再受不起挫折呀！！

昨晚玩得很累呢~

一整天都在家中休息~

抱著一個興奮的心情回到公司,很期待下班後去沙灘玩呀~期符已久!!

陽光猛烈~哈~肥芬今日的金句"同陽光玩遊戲",但曬左一陣就好驚話有雀斑wor~

不過著住泳衣真是有點尷尬,但不是三點式,只是兩件頭泳衣吧了!!

但坐在海中傾偈,真是好舒服呀~

其實我點解咁鐘意去沙灘玩,是因為陽光+沙灘給我一種開心同舒服的感覺,而且我真係好想曬黑d呀~

哈~同埋有好多有型的救生員ka~

玩左一陣就走了,原因係他們都係驚曬wor........

之後再去唱k,其實自己不太想去,因超出我預算,我今天以為自己可以零消費的...

但有時朋友們叫到又比較難推搪,算吧,至此一次, 無下次架喇~

夜晚,同阿米傾電話,大家都有點爭執,但當隔左半個鐘講返這話題時,她又突然變得心平氣和,有點難以置信呀...

因在我印象中,她是個火爆的人,有甚麼不滿的事都會閙左先,但現在當她知道在一個生氣時候再講,只會令事件更糟糕...

那倒不如收線,再過多半個鐘,讓大家真是冷靜一下,先再傾這個問題...

她果然成熟了,亦道出做朋友都要坦白.....這點我都知!!

不過我這個人就是有這個缺點,不太善於用口表達,平時都少說話的我,要我講多些說話己不太自然了,更何況是講真心話呢,總覺得很肉麻呀>_<

所以點解我咁鐘意寫blog,都是因為我覺得我書寫出來的表達好過口頭的方法,自問自己唔識講野,唔識氹人....

所以這方面仍要改進~

其實有時候想做朋友同情侶都是一樣,最緊要都係坦白,但就因為不每個人都做到,所以人與人之間的關係總有點隔膜...

我嘗試改進下啦~

今天突然有種想法,係未我一直都誤會你呢?

點解我會咁諗,係因為再次看你的blog,覺得你不似那種人~

但又無可否認之前看到的都係事實...

但反正現已抽身離去,是誤會還是甚麼都好啦,都不太重要了~

同君君+shirley 去cafe食野+占卦,有點緊張,哈~果然這後半年仍是一個人~看著瞧才知道結果!!

真是霧水情緣嗎？

真是有好感嗎？

真是覺得有好感之餘但又未去到那種階段嗎？

真是不得而知了．．．．

對於part time那邊仍是十五十六.....

今天最期等的就是lunch時間,可以抽時間睇"花樣少男少女"~

哈~真係好搞笑呀,好想大聲笑呀,但係公司到點都要忍住笑~

我諗我呢個月都會係lunch時間爭取時間在看,睇到大結局為止~

應該見的又見不到,唔應該見的就偏偏見到.....

想見的又見不到,唔想見的就成日都撞到.......

我之前都說過我近來的目標除了是每天六點半前下班,還有就是再找多一份Part time~

第一個目標就暫時做到了,而第二個目標就開始有點起色,今日放工後去了interview...

其實今日真係毫無準備,但機緣巧合之下就去左lu~

interview後心情很奇怪~十分矛盾,有點開心,亦又有點失落....

未知結果怎樣,開心就是覺得自己踏出第一步,失落就是星期六同星期日將會没有時私人時間,可能連去玩的時間也没有....

我都知世事没有兩全其美,但得到一樣東西的時候就總會失去另一樣東西...

不過佢講到好似請我咁,所以正在考慮中....

今天再次睇返我昨天的傑作時,都覺得幾靚呀~

但每當有人稱讚時,總會有點不自然....對著自己的作品,總有點奇怪的感覺,自信心不足!!

我諗我最有自信......都係係唱歌的時候....

但今天竟然怕羞起來,面紅同緊張到熱呀~

同connie+毛毛行街,哈~同connie去買左d好私人ga野,毛毛唯有在外面周圍逛啦!!

其實本應想毛毛不在場的時候買的,但他已從connie口中得知,所以最後...算啦~