最初的開心,不知去了那裡??

一個粉嶺,一個葵涌,像是扯不上關係....一個東, 一個西.....

每當我行前一步時,你便有意無意的向後縮,向後避,我還可以做甚麼呢.....

這幾天電腦間斷的失靈,令我不得不停下手上的工作....

但我實在有太多工作做了,不想浪費時間....

唯有在其他同事的位暫時工作,但有很多文件上的東西,只在自己的電腦才會有的,唉.......

Shirley話我在公司的聲線似返個女仔,其實我都不覺得有何分別,可能在公司內,人變得收歛也不自知卦~

我都知自己聲線不似一個女仔,曾經有好幾個朋友都說說我的聲線似男仔!

我當然mind 啦~我明明係一個女仔,竟然比人話似男仔wor,依~

令我想起最初同你講電話的時候,可能你都以為打錯電話,我記得你係打左兩次電話比我,頭兩次"喂"了幾聲就收線了...

可能你以為自己打錯電話吧,到第三次才確定没有搞錯!!

唔得,我要變得温柔~變得嬌嗲~不過都要睇下對住邊個~對住你,我會盡量ka~

對你有一點好感　看兩眼始終不襯
我未敢估計我　與你會否有下文

怕變愛的犧牲品　更怕我一不小心
愛到消失理智　要每步也秒秒驚心

我快樂靠即興　兩秒後會感性
我這類型　誰都不可適應

我冷靜你起勁　你我又要怎糾正
何解一戀愛我便清醒

6月4日     天晴+微風

近來公司冷氣機總是出現問題,今天又出現没有冷氣的情況....令到同事都感不適而早退呀....

這部冷氣機真是害人不淺,全公司都給它戲弄!!

我的電腦又無緣無故的失靈,outlook又上不到,真氣人!!

很多次的見到你,一心想落貨旳時候買飲品給運輸,順便一同買給你,但你側邊有太多同事了...

就算我買了他的份兒,我都不會在這時候比佢啦~一定要趁没有人的情況下先比佢~

6月3日     炎熱

同毛毛+connie唱k lunch,其實如果其他勽人約,我就唔會去,但我己經好耐無同佢地唱,所以叫左佢地陪我唱~

今日水準不錯,高音都可handle到~之後去了閒逛,經過捐血中心,突然之間好想捐血,做些有意義的事情!!

毛毛他們對於我的舉動很奇怪呢...但我一向也是這樣子,會突然之間好想做某些事,其他人是預料不到的!!

由於第一次捐,所以要填form、又要同護士傾下咁~在等的過程好緊張呢....感覺上似等緊醫生的健康報告咁~

不過得出來的結果係我捐唔到,因為唔夠磅數,但我覺得好無聊呀....

點解?因為係差0.幾磅就夠數,但唔夠就係唔夠,規定了也没有辦法!!

佢仲叫我食多d野先去捐wor~之後因為佢呢句說話,我就乘機的去了m記買著條食,比藉口自己ma~

回家後同你sms+講電話,大家的興趣真的不同,至少我喜歡的唱k你都不太熱衷....

不過知你去酒吧飲野,呢一點就夾d,因為我都想落酒吧玩下~開心!!

6月2日     天晴

意外的收到oscar的電話,雖然大家都曾經說過做回朋友,但有時世事不是我們想像中完美呀!!

以為做回朋友只是一般的客套話,但今日真的好開心呀~做回朋友這句說話真的可以實現~

談談近況,他有意找我夾歌,如果我可以的話, 大家可以租band 房夾歌,哈~没有想過呢~

一直都覺得這些不會發生在自己身上,夾歌wor,真係要有好高水準先show出黎~

自問無信心,因為實在太緊張,特別係對住咁多人的時候,總有點怯吧!!!考慮中.....

他問我有無戲想睇?想約我去睇,感覺像是怪怪的,没有答應他,因為無戲好睇,最想睇的"醜女大翻身",佢都睇左啦~

不過我是怕他又再次胡思亂想,不過我知自己心中有誰就可以了~

6月1日   天晴

工作忙碌,至少没有停下來的一刻.....

今日fonnie奇怪的問我"係未真係無拍拖?"

被她一問,先是顎然,然後爽快的答"無呀!!"

但她所回答的正是一般人給我的答案,就係"唔似wor~我一向都覺得你有ka~"

點解呢?原因係覺得我有low~

其實好多人都這樣覺得,以為我有拖拍,雖然我個樣有時真係會給人誤會,但根本就没有這回事~

都唔知係未因為給人有這一種錯覺,弄致我的愛情道路上總是一波三折...

不過我想另一個原來都係因為我成日傻笑,sweet sweet的樣子,總會給人誤會吧~

5月31日   間中有雨

如常的見到你,為何每次對一些自己喜歡的人時,只懂傻笑~

根本找不到話題去講,一來尷尬,自知自己講野唔叻,驚講多錯多,又驚人地覺得我講野無point,好無聊wor~

都係個句,傾到偈個d就無感覺，完全係一個朋友的身份，反而喜歡的不是性格不合就是有一種隔膜.....

但我指的隔膜係其實有多事想同對方分享，但又不知怎開口,只可能是靠一種感覺來維繫,

當然這感覺會好容易的隨著時間而消失....其實我都知這樣是不會長久的,但每次就是這樣子,我都想知點解~

有時我都唔知自己點解係咁,連我自己都唔了解自己,又點會找到個明白我的人呢?!

哈~可以為了你的一個笑容又或者同你傾偈而笑足成日,真係服左自己,有時仲比其他同事發現到我傻笑tim~

晩上學琴時間,miss我做了個model exam,但成綪未理想,頭三part都掌握得唔好,只有最後的一part才是prefect,要多加練習了~

原來一直也誤會了miss的說話,哈~唔講都唔知,原來佢覺得我著三點式都幾好睇ka~

不過原因竟然係我無佢想像中咁瘦,因為太瘦唔好睇wor~

一直誤會了,以為不好看~比佢咁講,突然之間好想著去沙灘玩~

5月30日    天晴

給路人甲的說話:

我已留言給你,只要你去返個日的日記仔細的看,就會看到我給你的留言,有人留言給我,我一定會覆的!!你放心吧~

今天有機會的落到公司樓下,其實預料一定會見到你!!

不過過了一陣子還未見人,只見你的同事,到你正出現時,不知怎的,傻傻的向你揮手,表情+動作好超低能ar~哈~

看著你雙眼,眼睛烱烱有神,像是識得講野咁~見到你真係好似"叮"一聲咁~

好想笑,但又不可以這麼明顯,唯有背住你傻笑~

之後交談了幾句,哈~跟我談話的時候總是想笑想笑咁~不過你雙眼咁有神,點都會給人一種笑的感覺~

看著我公司的阿姐扛布,其實我都想幫手ka~但因為今日著左件衫不太適合ar~

阿姐下意識的叫佢幫手,而佢都義不容辭咁幫手~

~開心~

5月29日     天晴

今日的天空好靚呀,其實香港的天空有時候也美麗呢,只是都市人過於忙碌,根本無暇停下來仔細看看....

有時看到這麼美麗的天空都想停一停仔細的看,但可能生活於都市的關係,每人都只會自己的事奔波.怎會有空理會這些事呢?

在家中自己有時也會站在窗邊,聽著音樂,看著街外的風景又或是看看蔚藍色的天空,十分寫意呢~

還以為今天不會見面,點知都係見到.....昔日的笑容不再....

看著你的背影,有點氣餒....有點失落....