同老闆開會,驚訝的是老闆跟我說老闆娘對我的印象都幾好,知道我好勤力,突然之間咁真接~

開心當然有,至少有人懂欣賞自己吖~

有時要找個人懂欣賞自己都可好難架......至少在公司都有被重視的感覺~

下午都没有你的消息,納悶的心情....

放工後收到shirley的電話,不知怎的,無以前咁雀躍,可能她近來找我的次數太頻密,有點不勝其煩...

一早都話自己唔可以對一個人太耐,我會生厭ka....再加上現在對朋友有另一番的睇法....

shirley開始對我有點微言, 當初又話有甚麼事隨時隨地可以找我,但我的答案就是"咁人會變,情會厭ka ma" 有點憫ga語氣!!

我只可以講timing唔啱,當我需要朋友的時候,你們就不知跑到那裡,當我唔想理你們的時候,你們才出現.....

我根本都不想這樣,我不希罕呀!!開始心淡,有時你會幫一個朋友,你不會期望有回報,但對方又覺得奉旨,又不體諒你,咁算點吖?!

再加上我近來甚麼都唔想理,特別是放工後不要同我講公事,難道一天工作八小時還不夠,下班後還要討論公事嗎?

唆....想死呀!!

我没有這種耐性,有時乙講乙火,都講左好同我講公事囉,講不夠兩句,又同我講公事,個個都咁煩!!

之後再收到你的電話,開心呀~傻笑~我想現在只有你能令我笑,對著你才没有厭煩的感覺~

從通話過程中,覺得你的笑聲好似周杰倫,又令我突想起你同某某一樣都係鍾意踢足球,好似係幾個的混合體~

不過我不是當你係代替品呀!!

明天....又期待...又害怕.....

昨晚....事情像是360度轉變,開心的心情急劇下降.....為何一日之內會有咁大轉變架....

早上的興高釆烈不知跑到那裡去了.....很久也没有試這種感受了,有點受不了.....

應驗了有幾多開心又幾多傷心的事實!!

回到公司眼紅紅,因今天工作不算繁忙,可讓我悠悠閒閒的做....不過心不知放到那裡去了,不太清醒~

仲要見到你,最初諗住扮無野,但眼神真會不自覺的出賣人,好像大家都有這感覺,從他的眼神看出他的唔自然....

還以為自己做戲好叻Tim~不過我之後真係扮無野架~不過唔知佢睇唔睇得出....

不過到lunch時間,竟收到你的message,嚇死!!!仲話約我去食飯tim,心係好開心 呀!!不過我食咗所以無去....

其實食左飯係其次,最重要係唔知點面對你,場面一定好尷尬,實瘀爆ka!!!我唔想相對無言呀!!

仲要係工作範圍裡面有這些關係就更為複雜....不過正因為收到他的sms,所以人都變得開朗~

下午終於識笑,放工時間,突然之間好想比驚喜佢,係某地方留了檸檬荼+朱古力餅乾比佢,唔知有無嚇親佢呢?!

一早又期待...等等等...收到你的sms,哈~令我感意外~真係開心到成個人飄在天空中~

一直等一種感覺,今天終於有點狂!!

原來有這東西真是有很大差別的,心真的開心很多,還會有估唔到的驚喜~口總會忍唔住笑~

不斷的來回sms,後來没有了,竟有點焦慮不安的感覺,種種的理由浮現在我面前,最大可能佢收唔到!!

所以最後都係有意無意的等呀等....到夜晚收到你的電話,勁surprise,無諗過你會打比我low~

成件事好搞笑,好得意呀~似拍戲多d~不過又好似有點擔心,是忌人憂天的性格!!無安全感啩....

不過明天又要扮無野,又要考我演技,哈~不過我知自己好識做戲ga,所以唔駛擔心!!一定得ga!!

呼~終於真相大白,很自在呀~

夜晚開組,哈~好開心,最喜歡分享的時間~

突然之間好想感受你的存在,所以sent了個sms比你,一諗起你那個無知的表情就想笑了,一定是充滿疑問的樣子~呵呵~

收到你的reply,開心,有之前個種感覺~

好像每次講完一些事後,所發生事情就並不如之前所講,不是我迷信,而是每次真是這樣子.....

由一開始的九點四十分到現在....簡直係不規則的時間.....正因為這樣,所以現在已不再期待九點四十分了,很可惜ar....

因公司要裝修,將幾個單位出租,原本我們食tea的地方没有了.....

老闆說從今以後無Tea食,每個月就比返$100 給各同事當安慰....

有點失望,我咁"為食",從早到晚都掛住食ga,無tea真是很不習慣ar~

雖然自己都買了小食返公司食,但感覺上不同的,因為tea係比各同事輕鬆的時間,就算入到去唔食tea,都可以鬆弛一下....

但現在這樣,真是有點辛苦,稍為有期待的東西都無埋.....

同毛毛睇"十分愛",好想睇好耐喇~

故事錯綜複雜,由始至終也是喜歡軒仔,給我感覺係一個好人、專一的人!!

到最最後果然無睇錯,佢真係個好好的人,只可惜給人誤會了而斷送了幸福....

仲有就係最吸引我的就是他彈得一手好琴,正如毛毛所講當我知道男仔識得彈琴或是有其他音樂天份的時候,心中已暗地裡為佢加分~

而小武就真是偉大了,默默守護著個女仔,我想每個女仔見到都會感動啦~

全套戲最令我感意外是小方,竟然做情場騙子,明明是花心蘿蔔,又扮到好專一咁,真係令我作嘔呀,好想打佢ar!!!

正如這套戲的金句"你見到ga野未必係真  但真ga 野又未必比你見到"....

無錯吖,有時你眼前見到ga野都係掩眼法,十分矛盾,見到ga野都未必係真,咁點先係真呀?!

我想有時都會聽到別人說”我親眼見到，仲會有假咩？”但有時可能係咁巧合只給你看到事實的一小部份.....

有好多感受...

之後去食野,去綠楊新村公園傾偈,好耐無係到傾偈,仲要傾咁耐~講咗好多以前未講過ga 野~

比毛毛見到教會ga人,佢下意識咁講"禮圖呀",走喇,隋即掉頭走,我完全都唔知發生咩事就跟住走...

後來才知道只係撞到教會ga人....

我話”唔駛呀，以為你見到邊個咁驚tim,如果佢見到我地望到佢哋就掉頭走,咁未仲衰,好似此地無銀咁,搞到我地好似係偷偷地拍拖咁,就算係拍拖都駛咁鬼祟啦,更何況都唔係,咁未乙描乙黑囉....明明光明正大都搞到咁鬼祟""

其實大家話就話唔介意給人誤會,但有時突發事件出現,第一個反應就好睇得出大家係未介意....

事實証明,大家口中都說唔介意,但點都有一點點mind ga~否則唔會一見到熟人就即閃啦....

同shirley+君君+suki唱k~點咗好多舊歌,哈~令佢好地好無奈ar~

總覺得shirley常有意無意叫君君介紹男仔我認識,這些未免太老套吧~

我知她的用意,只想三個都一齊有拖拍,三個都可以分享下同男朋友的事,但遇唔到就係遇唔到架ka~

個個都催促我快d揾返個，實在有點厭煩呀.......

只可以咁講我每次都係比一d虛無飄渺的東西吸引著，但正因為這樣虛無飄渺，就好難開花結果...

反而實在的我又没有那種感覺,太諷刺了~拍他機會幾乎零!!!

出席thomas+judy婚禮,早了一個鐘去到綵排,第一次著詩班ga衫，哈∼有點”蝦碌”，因為唔知點著∼

原以為自己都好輕鬆，點知坐在詩班席上竟然有點緊張．．．因環境和空間問題，要重新適應！！

到正式開始∼看著新娘慢慢步入教堂，在見証人面前己忍不住喊了．．搞到我都感觸∼

到我們獻詩時真是投人非常呀∼唔知點解∼當見証人問他們是否願意時，我竟然會覺得他們從此之後會背負好多壓力．．．

以後大家就要分擔對方的苦與樂，還要包容對方的缺點．．．．

有些是婚後才發現的缺點∼好奇怪呀我，可能代入了他們的角色，我一想起這樣，就好想代佢哋”撇”．．．悲觀的想法！！

不過見到judy喊足全程,我都眼濕濕呀!!不過為了唱詩都要忍住~

最後圓滿結束,影了相,不過好惜的是今日家姐帶了相機,搞到我無得影,要等教會晒返比我喇,所以無得post上網．．．

第一次著詩歌袍的樣子無得比大家睇tim~可惜....

回家後腳開始痛,著了對別人唔覺係高踭鞋的鞋,只有我覺得高....

好明顯,識我的人都知我係跳跳紮紮ga人,又點慣著呢d咁斯文ga鞋wor~都係鍾意做返自己~

一下子的歡樂,一下子的失落,反反覆覆~

由開始己知道是....必經的階段,我想每個人都試過吧....

不過...當失望來臨時總會不禁"唆"一聲吧....人之常情.....