不知道你為何這幾天一見到我就笑~還是那個笑容,每次見到你笑,自己都忍唔住咁---->笑 (^-^)

不過今日你來的時候剛好同工廠的人講電話,給你聽到我講普通話~好彩我咁啱講個幾句普通話都唔算太難聽~

下班後上堂,經過的路其實應該會見到你,但因落雨關係,你已行埋一邊專注的工作都没有留意我....

而我當然不打擾你啦~男仔工作的時候就最好不要打擾,因為這時候男仔的樣子是異常認真,男仔最吸引人的就係專心工作的樣子~

這些情況,作為一個女性都不便打擾~最多都係站在一旁看著你工作, 仲要係看得入神直到你留意到我為止~

不過我當然無咁做啦....只是看過太多電影情節都是這樣子,哈~

上堂時....阿Sir話我不太懂得分adjective、verb、noun.....他說得没有錯,我根本就分不清,有點混淆...氣餒!!

下課後同你sms, 開心的是原來我無估錯,你昨天來到我的公司的有野想同我講,但基於我公司實在太靜,傾一句都會比人聽到晒....

而且大家都有點尷尬,都不敢傾偈~調轉黎講,你同事又常常在你隔離,我又何常不是尷尬而卻步呢?!

不過我知你返工真係好辛苦,成日都聽到你要開會,九點十點才回家~今日不是因為開會,而是你有其他工作做,做埋聽日的工作!!

真替你辛苦,真想買野比你食,給你奬勵~有上進心同有音樂天份的人對我黎講會容易加分d ka~

果然日日都有新的變化,這些變化當然有好同唔好啦~

而今日係好ga,見到你,根本都無得避,因為你企在公司門口按鐘,你我的視線剛好遇上~

其實我坐這個位,對著門口,咩都見到晒啦~話見唔到都係呃人ka啫∼

但今日的你有點不同，走到我面前，仲要笑住，這笑容我從未見過的，是一個怕羞+sweet的笑容~

見到你咁ga笑容,都不得不回報返一個可愛的笑容,不過都係sweet居多ga~個一刻大家都好有共識咁笑~

見到你好似有野想講咁,但可能基於工作環境又或是怕羞的關係吧....

始終都係鐘意怕羞得黎又會勇於表達的人!!

今日聽住歌做野,果然輕鬆不少,不過最重要是工作量根本不多!!

下午有機會打比你,我想你都知我係邊個,對著電話大家又好似有種尷尬咁,奇怪~似個種...男同女初次交往的感覺~

都係今日唔知聽日事,都係睇下聽日會有咩變化啦~希望係好ga變化~

今天真是.....唉~

早上看到你來到我公司門口,只看到你的背面,而你見不到我,你都未按鐘....

 唔知點解,下意識的低下頭避開視線,不過最衰的行動就係我竟然驚到扲住杯裝水同去廁所!!

心想"點算呀?!" 一直也反問自己,做咩我要咁驚wor,我又無做錯到,~真係激死呀!!!

出到黎,你仲係到,我就唯有匿埋,真係左悶右避咁~

我不想見到你呀~一見到你我就諗起我倆的事......

還以為今天會避過一劫,點知lunch時間冋事出去食飯，去到lift 口就跟你撞個正著,想避都避唔到....

一早都說天係會作弄人的!!我無講錯啦~

大家有打招呼,但我feel到自己的表情和笑容好尷尬同唔自然ka~又衰多一次喇~

搭同一部ift,只有我在尷尬,尷尬到低下頭,我唔想見人喇!!心諗"今次瘀死喇!!"

唉~唔知點講,總之在這段時間唔想見到你,對你已算冷靜了,至少懂得control自己~

現在還要日日見到你,好彩的會偶爾行開,見你唔到,唔好彩就係你黎的時候就驚到行開影印呀....裝水飲....

哎吔....這些行動要維持到幾耐呀!!

早上....搬位,最憎執野...一向都求其架啦~

新的位置太不舒服了,枱細之餘,仲要對著門口,後面還有老闆,真係...我做咩都被人監視著...

雖然平時都甚少在辦公時間上網或玩msn,但總覺得被人監視著我的一舉一動....

不知是否枱的空間太少,感覺上好有壓迫感,總之個位唔利我啦!!

最重要是現在對著門口,唔對住佢都唔得啦,唔想見都要見,都係個句,除非行開左啫~

之前想坐正門口,因實在有太人按鐘要我出去看看,但現在我唔想喇~偏偏現在才調去個個位,玩死我喇~

提心吊膽的工作,很怕你突然衝上來!!

幸好,你今日没有到訪,但我知你明天一定會到,因為正常是一日黎一次,今日無黎,咁即係明天會黎啦~

哈哈~唯有你來的時候就扮大話妹詐死啦~

不過我會堅持到底,緊守到最後!!期望這陣子可讓我平平淡淡的過去,那就真是雨後陽光了~

可能昨晚同shirley+君君講電話的關係,心情都開朗一點~

再加上這兩天可以給我時間冷靜,所以心情已無之前咁down囉~

奇怪...無想過自己可以咁清醒~因為我對自己講,我同你就當是萍水相逢吧!!世事不會那麼完美的,就將美麗停在這裡吧~

可能因為我對你的感情都不算太深,就趁我可以抽身離去的時候就離去吧~至少將來所受的傷痛不至那麼多!!

回到公司,剛好我行開了,但仍知你來到,但都係做返自己野,我不想看見你,心又開始動搖,倒不如不要望!!

但我知今日避到啫,咁明天、後天呢?始終也要面對....

唯有期望往後的日子,他來到的時候,我不是去了廁所,就是去了影印啦~咁就可以減少尷尬.....

到放工的一刻,心情很平靜,一直都想希望這段時間他不會有任何行動,因為我反而會好過同舒服一點...

如果可以過多一段時間,我知自己會對他......淡!!慢慢的將這感情淍淡,但天總是喜歡作弄人!!

夜晚收到你的sms,完全無諗過!!不過我情願無收過~有時覺得好似以前咁仲好啦~

但有時被傷害過就係傷害過,無得彌補,心中已有一條刺,就算拔掉了,都會有一個洞,我想大家都深明這道理吧!!

唯有看看明天的造化吧!!

同shirley講電話,没想到她會問候一聲,因正如我自己咁,有時見到朋友需要一個冷靜期,我都會比時間佢而唔去騷擾佢!!

不過收到她的電話都好開心ga~但有時真的不懂得表達自己,有些事真是有口難言,唔知點講.....

講出口又好似怪怪的,但不說心又唔舒服....

不過己算好的了,至少我還有自己的私人事要處理,好似彈琴、做玏課等等....最好分散注意力~

不說已知道了,我明白的了!!

不過最hurt就是你没有守過你給我的承諾,女人一向對承諾很重視的...

我不是說到山盟海誓那種,而是一些小小的承諾,女人是可以睇得很重的,我想男仔都明白這個道理...

但不知怎的,每次男人對女人作出承諾的時候總不會想到這一點,總是口快快的答應,到最後連自己許下甚麼承諾都拋諸腦後了....

所以真是寜願你甚麼都不要承諾,至少也讓我好過點....

我不想每次有男仔向我承諾的時候就會諗起這件事.....

更加唔想返工,

旁人一定看得出吧!!

有很多感覺浮現,用唱k來表達,同mandy出街,好想買好多靚衫著返公司ar~

到夜晚同屋企人食飯,提早慶祝母親節,哈~不過都預料到佢食完餐飯後會話唔好食呀....餐飯都唔抵,好貴呀等等....

因為每次都是這樣子,不足為奇,不過我地覺得間中才外出食飯,咁就無所謂啦~

初見---日久生情---念念不忘---等你約會我---!!

心情真是反覆無常......今天又變很起勁!!

每天都一定有機會見面,但今日不見你來,雖有點失望,但想深一層,不見面也好的,至少我不會胡思亂想....

今日雖然係出貨日子,但仍然很悠閒,還有時間給我抖抖....

放工後去OK買一式兩份的檸檬荼,一大一細,細的當然是我啦,大的當然比佢啦~

其實心中都不知自己想點,因為他身邊總有好多同事,如果走過去實在有點怪怪的....

我都係買定D野食放係袋到,等有機會時就比佢~

哈~今日就有機會了,見到只有一個同事在他旁邊,本來只想經過打招呼,但個一刻大家都有眼神交流,況且咁難得週遭没有電燈膽!!

所以打完招呼後就順便傾左一陣, 給他一盒檸檬荼,而佢ga同事亦好識做咁行開,但好似有點陰陰嘴笑~我知緋聞開始有了~

給我知邊你果然係有上進心ka, 哈哈~都係第一次被你讚我有上進心,開心 ^^ 大家都有上進心就好了~

笑住上學去~但個份assignment計埋今次做了三次了,真係煩呀~

勁down.....回到公司,就被阿姐發現我有異樣,問我為何眼紅紅,不知怎回答呢.....

搞到各同事都望住我....尷尬....到lunch時間無食飯,無胃口呀!!!只好睡覺..........

從未試過這樣的,就算之前有這種經歷都不會弄成這樣子呀!!不知為何會這樣,連飯都唔食,這一刻有種茶飯不思的感覺.........

但又被朋友煩住,唆...我覺得佢根本係試驗我的耐性,不過我諗我對住佢都所剩無幾的了......而家得返半條人命....

有時係好想熄電話玩失蹤,但我又等某某的電話,怕一熄機,他就打比我,世事就係咁荒謬架啦~所以為了佢唯有作出少少犧牲....

其實好多時想同你講野,但你週遭實在有太多電燈膽,我根本不敢走近,總覺得礙眼~

不過就算有機會,我都唔敢,一見到你個樣就咩都做唔出,都係扮無野,都唔知大家要扮到幾時...........

***好想好想同你傾偈、食飯.....***

今天心情這麼糟,還以為複琴會差tim,點知没有被影響....好彩~

因公司要減低成本,所以同事都開始被裁減,本身人已不多的了,現在剩下的當然寥寥可數啦.....

每次到聽到同事的離去,總有點失落,特別是係一些給老闆解僱的同事.....

公司的單位有三個準備出租,而我現在坐的位都無埋,又要執野,大家都知我張枱係全公司最亂ka 啦,最憎執野....

就算給執好了,不到十日,我的位子一定會被我搞亂ga....

所以我覺得執完等於無執.....即係晒我時間啦!!

還以為今天會有特別,點知甚麼都没發生過,無聊!!

有時心淡係因為對方不聞不問,如果你覺得對方根本不著緊,只有自己在著緊,心淡會慢慢的形成....

還有甚麼話可以說呢?!