早排自己去了旅行,有人都發覺到我不見了數天~

回來後今天剛巧見面,才知我去了旅行~

考完試,好應該輕鬆一下~好似史無前例的輕鬆,太好了!!

晚上跟connie+毛毛在公園傾偈,又是一個給我大笑的晚上!!

終於到左今日了.....緊張到有點胃痛......

表演失準,特別係scale部份,亂了......不過好彩考宫尚算好人~

何解呢??我不太滿意自己的表現,但考完後我竟然只有一種開心同輕鬆的感覺~

一點也没有傷心,以我的性格,未逹到自己的標準一定會唔開心,但今次離奇ga就係反而仲好開心~

結果都有可能唔合格,不過算啦~

我算唔算睇化左呢??

在男仔心目中,我真是那麼弱不禁風嗎??

只有80磅??連打風都會驚我被吹走嗎??

但我覺得自己乙黎乙肥了......

好似現在開始秋涼,就揾返d boots出黎著,點知每年都覺得自己肥左架~著對boots都無咁好睇..........

下午才上班,覺得很煩,不是為工作!!

朋友常說我有咩好煩吖,有份好工,但我諗人生不只是為了工作吧?

雖然有亖份一的時間是放在工作上,三分一的時間放在睡覺上,那另外三分一呢??當然要分給朋友、家人同自己啦!!

最後的三分一時間是最令我煩躁的....

其實我想跟大家說.....你們不斷的將所有煩惱和不開心的事告訴我....

安慰的說話己經說得太多,我不知還可以再對你們說甚麼,但如果要我對你們置之不理,我又做唔出...

現在....滿腦子都是煩人的東西!!

同毛毛+connie+cindy唱k,比mandy放飛機囉~我講無錯,她份人真的靠唔住架~講中咗100%!!

唔知點解,有點落寞....投入的唱慘歌~每次唱"祝君好"呢首歌總會有點感動....

之後要上piano lesson,之後最激就係仲係公園到同佢打拍子同數拍子,其實是有點礙眼,但我們没有理會他人的眼光~

自己喜歡就是了!!

夜晚同小組去了TW食飯~哈哈~有些秘密還以為可以保守,點知比小寶無意中踼爆了,反正都知道了,不如說出來吧!!

其實我不說是不想有壓力,不想有人問我吧了!!

因為這件事不是很多人知道的,原本只有一、兩個知,但現在變了十個人知道!!

食飯後同毛毛、connie去公園傾偈,哈哈~好彩在他們面前還有一點私隐~因為佢地唔會知sms個個係邊個~

我仲好得意咁講"這是不能說的秘密!!"哈哈~我知道就可以啦~

23了....

真是...愛無膽嗎??

夜晚同君君+shirley+珊去了一直好去想去的廸士尼,其實無想過今年會去到!!

真的很美麗,廸士尼彷如在一個童話國,難怪有人說去了就不願離開了~

玩了迴旋木馬,這個真的跟其他的迴旋木馬不一樣,坐了上去,真是覺得自己好似變了公主咁~好浪漫~

仲玩左小飛象的車、咖啡杯.......哈哈~同shirley玩大ｄ，勁轉，一玩就玩大d,咁難得係廸士尼玩!!

之後仲去咗睇煙花,一個字形容--"正"!!玩了過山車~還以為是小朋友玩的過山車,唔會驚, 點知都有點離心力架....

我同shirley驚到不斷大叫,匿埋左.....

到出黎睇返d相時，竟然無左我地張相，好懷疑我們成車人都驚到匿埋左，得返隻手係到，所以就無謂post出黎啦~

不過最搞笑係見到其他人的表情好搞笑呀~有暈的表情,有驚嚇的表情,真係笑死我地~

最後玩了鬼屋,我們四個女仔係最後,四個 V哇鬼叫,哈~全部人最嘈都係我地喇~好開心,又驚又要玩喎~

今日的生日節目簡直是完美呀~Shirley最初的冷淡到後來的投入,可能給環境氣氛影響啩,再加上我們發顛的性格~

所以最後都ok,玩得開心ka~

快將生日......但充滿傷感......

可能是....

要面對跟好朋友的分歧....

面對一些還未放低的人.....

面對一個寂寞的生日....

面對一班不會記得我生日的人....

生日應該充滿歡樂吧??

但為何這幾年的生日總令我有點傷感呢?!

最後.....告別22歲的自己!!

昨天的事真令我有點氣憤.....

而且碰巧在工作上遇到一些給我麻煩的人,而且是三番四次的!!

若果不是我跟朋友爭架了,我也不會那麼躁!!!

借助了她的力量,我才打了一封罵人的e-mail,仲要係用紅色字+16的字體sent 了出去....

其實有時一個人發脾氣不是單單為了一件事,有時不順利的事情接二連三的發生,就會好自然的將脾氣發洩在最後有關連的人身上....

這人可算是不幸.......但今次她們真的有錯,有時我會諗要閙下人,d人先會知驚......

一份invoice出了三個多月了,但她們公司還未付款,我不知道她們公司點運作架.....

還要我三番四次的送上invoice,三番四次打給她們要她們付款,但打左幾個月都還未付款!!係人都煩啦!!!

所以我覺我今次係躁咗d，但有時ｄ人唔閙過都唔知衰ga,咁我未出手閙囉...她們算是犯賤!!

出了個封e-mail後,心真是平靜了很多....

要我自己啞忍,我又做唔出,唯有這樣吧,千祈唔好再激嬲我!!

一早說過女人不可以得罪!!

跟朋友......有點爭拗......

今次是第二次,第一次是她不認同我的處理手法,而第二次就是我不認同她的態度同思想.....

其實都是觀點問題....

其實.....我都知道若果避開這話題,大家就可以和和平平的相處下去......

但我一向的想法是.....不去提及就能解決問題嗎??

這算是逃避問題嗎??

其實最初以為大家好夾,但當發生了一些事又或者心態上改變了,就會開始出現分歧......

而我跟她就是這樣了,亦從今次事件中得了一個睇法,我們開始越來越遠,而佢同佢男朋友就因為這樣而拉近了~

一直還以為可以做到最要好的朋友,雖然現在都係,但她都坦白講現在是好朋友而不是知己....

其實....點都會唔開心,有時d野好似話變就變，特別係感情，變幻莫測....

有時...別人口口聲聲的說對方是自己的好朋友.....

但就因為對方曾經講過呢句說話,到日後有事發生的時候就變得好有殺傷力.....

不是當我好朋友的嗎?

為何常常對我順口開河??

有很多事也不跟我說??

所以有時聽到這句說話,最初是開心的,

但想深一層....

日後會否因為呢句說話而傷心呢?