而加我打既野應該唔會再係facebook出現!!
因為我唔想比朋友睇到!!而且我只可以係度打我既心事!!可以盡情咁講!!
今日真係好唔開心!!個心十分之唔舒服!!唉..我最識扮野嫁啦!!扮到無野咁!!呢樣都係好嫁!!
費事要佢地擔心我!!
今日一路行返屋企一路諗，朋友多又點?又幾多個先會細心傾你講心事!!
講完，只係聽到d哦哦聲咁!姐係講左都無意思!!
我唔想睇人面色去同人玩!!我都唔知你發生咩事，好似成日比面色人地睇咁..'
不過見你咁，我都唔想同你講野!但我又唔想小左一個朋友.. ...
[朋友]真係唔知點講好!有d人真係見一個就痴一個!!
而加你地傾既野，我完全唔知情lo!!有時都係笑一笑，扮聽得明你地講咩!!
你地發生既事，我真係唔知!!可能都係只有一，兩個知!!
但係朋友既，你地可唔可以同我講牙?!我唔想問到，你地先講!
我仲以為我地係好好好朋友，咩都會講出黎!!你地都唔講你地d野，咁我都唔會同你地
分享我d唔開心事!你地話我唔同平時咁多野講!!仲話我會成日笑!!
係因為我慢慢覺得我同你地有距離!!而加你地身邊既然有好朋友係度!!
咁我唔阻你地喇!!見你地玩得咁開心..'而且口口聲聲話唔鍾意同果個人玩..
我唔係支持你地唔同佢玩..但你地對佢都有咁多野講!!仲多過同我講囉!!
我有時真係好嬲..有時都明白朋友係有好多種!!但今日真係忍唔到!!真係down到咩咁!!
有時同你地講野..都好似聽唔到咁..自己有自己傾!!
同你地一齊..搞到我自己想慢慢從你地身邊走開!!
而加係咪要我同男仔朋友先分享到我既心事呢!?我覺得係lo!!
同男仔傾番自己唔開心既事..反而會舒服好多..'
雖然有d男仔係唔識氹..但唔知點解會講比男仔知好過女仔!!
而加悶都係有黃俊賢，梓敬，文笑上堂玩下..傾下計!!
一小息，我就唔想同你地傾..d話題唔岩就出去睇人打波!!
我唔係話憎你地..而係我地有一段距離!!我會慢慢離開你地既圈子!!有時你地唔想既野，我睇得出..
我唔會勉強你地...唔係以為我唔識睇人既面色... ...經驗多過你地
不過都有開心事既..
唔知個天係咪知道我唔開心..所以一直期望想見到我樓上既男仔，居然真係見到佢!!
我一見到佢..個心都唔記得唒唔開心既野lu..'可惜自己又唔敢望多眼，又唔敢同佢同一部機上去!!
嗚嗚...