好耐好耐冇食過芝士火鍋啦∼除左第一次同許珊慶祝生日食過之外

　　　　一個月之前同老公一齊去左意粉屋試下，呵呵∼因為老婆同老公講左ｎ次想食芝士火鍋呢老公怕左老婆唠唠叨叨

　　　　↑都算ｏｋ多料啦，因為其實芝士太『流』，太多料都食唔哂！

　　　　↑我最鍾意食芝士加法包＝３＝！Ｙｕｍｍｙ！

　　　　↑未食得，先興奮

　　　　無獎問題遊戲：上下兩張相有咩分別呢？（喂！唔係捉錯處呀！）

　　　　分別，就係老公既笑容啦！第一張，笑得好唔滿意咁！第二張，ｎｉｃｅ幾多！

　　　　點解？因為第一張係由意粉屋職員Ａ影，第二張係由職員Ｂ影∼老公超唔鍾意Ａ既態度，人地同佢影就黑哂口面，Ｂ呢∼佢就覺得好Ｄ喎，所以咪笑得好Ｄ囉！（死佬！睇女仔！左死你呀！）

　　　　↑老公最後決定放棄慢慢ＬＯＡＤ∼索性整個一品鍋！佢真係以為自己十下十下緊ＸＤ！

　　　　最後，埋單發覺，點解平左五十蚊既？原來出面有塊大招牌寫住∼試食價減五十蚊！呵呵∼唔通我地雙眼只係得對方ＸＤ∼成日都係咁既！

　　　　我開始計劃，係咪應該開番個類別關於飲飲食食呢因為每次同老公出街都去左唔同地方飲飲食食，多數都係影下Ｄ食物相ＸＤ無理由又放係心跳回憶既類目入面

　　　　↑首先黎個Ｅlement 黃昏景, 係咪好靚呢（其實之前有個阿姑好唔識相企左係度，阻住哂我地影相！）

　　　　今日介紹既係『野姜』，位於圓方∼

　　　　呵呵∼講左話食呢間野好耐架啦，不過次次都忍唔住去食上海野ＸＤ

　　　　睇戲之前黎呢間野食都幾好既，因為就腳嘛，隔離就係戲院ＸＤ不過價錢同質素好似唔係好成正比

　　　　↑左：白魚芝士條　右：忌廉芝士蟹餅　（味道超好，價錢都不過十幾蚊∼不過份量當然好少啦ＸＤ，大家睇到啦∼！不過真係幾好味，搞到我而家都想再食過！）

　　　　↑老公叫既日式滑蛋豬扒飯（味道老公比夠ｎ個難食∼因為汁太少ＸＤ老公最憎食Ｄ好淡既野∼病咩ＸＤ！）

　　　　↑我叫既親子炒海鮮烏冬（味道都被老公評為劣等∼！太淡！）

　　　　最後我地都係趕唔切入場ＸＤ∼遲左成個字

　　　　睇完戲，好肚餓，因為岩岩食唔飽，最後去Ｓｔａｒｂｕｃｋ買左件ｃａｋｅ食∼＊入面ｄ　ｓｔａｆｆ英文水平好差∼＿∼．．．講英文又難聽，element 唔係遇d staff 會遇到外國人架咩~? 我又唔覺得老公講ｄ英文太難太快喎∼起碼我都聽得明嘛ＸＤ呵呵∼

　　　　真係有好多好多ｂｌｏｇ未得閒打呀∼呢個已經係兩星期前架啦

　　　　老公陪老婆一齊去阿貓地攤食ｌｕｎｃｈ，呵呵∼＊其實我想去好耐架啦，但係又冇人陪我去喎∼又唔知間野係邊樹，好彩有個地圖王老公咋

　　　　去到發覺佢地個ｌｕｎｃｈ，好似下午茶咁細不過朱古力真係幾好味ｐｉｚｚａ味道都唔錯呀．．．係貴左ｄ囉∼＊唔通貓貓ｄ貓糧好貴

　　　　我地一邊食野一邊傾計一邊玩貓一邊用ｌａｐｔｏｐ睇戲，老公部機機真係好用喔，一早就應該買啦

　　　　↑可能太早，ｄ貓貓隻隻訓哂教教豬

　　　　不過幸好，我係ｄ成日鍾意搞搞震既人Ａ＿Ａ

　　　　＜∼搞住佢地訓教！

　　　　↑個度有隻好鬼大既加菲貓呀≧▽≦好鬼得意架＊＊＊我自己都好鍾意呢張相ＸＤ∼＊

　　　　每日番學都會經過香港站。

　　　　聖誕節，香港站扶手電梯天花吊住好多Swarovski水晶雪花，真係好華麗好靚

　　　　有次，當我欣賞緊既時候，我就同老公講，你快ｄ為我摘天上既星星啦哇∼個ｍｏｄｅｌ條摘星熊仔鏈好靚呀

　　　　估唔到，聖誕節老公送左條摘星熊仔鏈比我而且仲要夾埋個ｓａｌｅｓ做左場戲呃我哄我，先前又怕送既禮物冇心思老公你真係好傻好傻好傻呀

　　　　老婆真係超超超開心收到呢條頸鏈，好感動呢

　　　　我知道，老公仲係學生，送呢份禮物比我真係好好好貴重要每日辛辛苦苦，慳慳埋埋呢老婆會好珍惜呢份禮物架！

　　　　多謝老公比左個咁難忘感動既回憶我收到既時候，真係有ｄ嚇左一條

Ｍy  Ｈero really Catches a Star for Me  

　　　　　　老婆：老公我要減肥呀∼我呢排肥左（即時肥左，還是太瘦...)
　　　　　　老公：唔準減呀∼你肥左即係同我一齊開心lor~

　　　　　　老婆：（摸下老公個肚仔）大ｄ大ｄ大ｄ∼∼∼

　　　　　　老公：我要做多ｄ運動先∼唔准摸呀！朝頭早去Physical....％＆＾＊＾＄

　　　　過左一陣．．．．

　　　　　　老公老婆走左去買雪糕

　　　　食緊既時候．．．

　　　　　　老公：點解我地岩岩話減肥，而家又食雪糕既？

　　　　相視而笑