前晚，同媽媽剪完頭髮，之後去左Citywalk 食飯

　　　↑係大板麵所見到有『狐狸烏冬Set』，立即入去試下究竟有咩咁狐狸!

　　　↑點知原來只係多左一塊甜腐皮ｏｎｌｙ！

　　　↑同我媽媽點既烏冬SET 根本冇咩分別，但係價錢足足貴左五蚊！五蚊塊狐狸皮！Shit！

　　　尋晚睇完『High School 3』之後，立即趕去醫肚!!!

　　　最後揀左Element 入面既『王家沙』食上海野因為成日聽某君講，有上海野揀啦、日本野啦、呢ｄ野同個ｄ野．．．今次就唔食日本野，食上海野啦

　　　↑東玻肉，好肥但真係好好味．．．個件肥豬肉呢諗起你個肚腩，原來仲有ｄ曼頭點汁食∼第一次食，對東玻肉既感覺唔錯

　　　↑咸痴飯∼（又係我第一次食）我覺得唔夠肉鬆，唔夠咸！

　　　↑黎上海菜館，點少得叫小籠包！

　　　史生話，呢間整得幾好喎，ｄ湯仲係入面包住左∼

　　　我就覺得整細ｄ仲好．．．個小籠包唔夠細！

　　　↑上海炒排骨年糕，因為掛住食其他野，最後食呢個既時候，已經冇咁好食

　　　↑煎薤菜肉雲吞，差ｄ漏左單！

　　　↑史生指明親自操刀必影既花生．．．

　　　因為一開頭史生問我，係咪好鍾意食花生？我話又唔係好鍾意食既∼之後，臨走既時候，我忍唔住囉多幾粒食，所以佢影底，話我都幾鍾意食花生

ＰＳ：史生既口好好好大！

　　　話說，『有人』想食炸蠔餅．．．

　　　之後，『又有人』話不如去尖沙咀個間──專呃老外既茶餐廳食

　　　↓係咪好似『兩個袋』約埋一齊坐底食飯呢

　　　↑楊州炒飯，味道ｏｏｋｋ啦不過，史生話濕左ｄ喎

　　　↑史生話可以顯示到師傅功架既──賽螃蟹

　　　我仲以為係──『菜』螃蟹（唔准笑）

　　　史生評價．．．好似唔夠滑！我呢．．．咩都食唔出，撈飯一流呵呵

　　　登登登！！！蠔餅出場啦！好似黑左ｄ，可能係冇搽防曬既關係！

　　　味道∼真係幾好味，好多蠔呀！

ＰＳ：原來史生逃生技巧一流

ＰＳ：後面Ｄ汽球其實係ＨＩＶ關懷會整出黎

　　　近來，一星期只有兩日DAY OFF, 其他時間都要上學、番工.....實在沒時間Shopping

　　　只好襯番屋企既短時間買衫∼好在青衣城都算有哂我鍾意既舖頭

　　　娃娃褸from ｂ＋ａｂ（＄６８９）
　　　校章ｔｅｅfrom IZZUE （＄１６０）
　　　令身牛仔裙　from IZZUE （＄２６４）

　　　↑白色娃娃連身裙（＄４２０）不過我冇買到∼太貴，麻麻好睇

  　　一入到去IZZUE, SALES 不斷落咀頭, 讚我條裙既顏色靚呀（已經洗到脫色了∼＝＝”）讚我對ＣＯＮ靚．．．好無奈∼反而對product 介紹好少....

　　　比錢既時候，佢同我講，買三件有多個九折，所以買多左件黑色底衫∼埋單四百幾蚊∼＊雖然我係ＶＩＰ，不過只可以儲分∼＊

ＰＳ：佢地個款閃閃褸，根本就係上年貨．．．仲要賣到三百幾蚊（折左）原價五百幾．．．我懷疑佢係咪當Ｄ消費者傻架？冇記性到咁既程度？