十月一日夜晚，番完馬會，走去尖咀睇煙花∼

　　　好好好多人∼！不過因為我既性格比較奇怪，我非常ｅｎｊｏｙ同人迫埋一齊∼

　　　見唔見到好多人都唔夠我高呢∼？要做到咁樣，好簡單∼

　　　１．你真係生得好高

　　　２．有位猛男抱高你，而旁邊又有另一位猛男抱緊另一位女生，然後，大家鬥抱得耐，呵呵∼呢ｄ咪叫做漁翁得利

　　　居高臨下，發覺大多數人都『舉高隻手』

　　　成個文化中心都係人∼

　　　（條裙太長，岩哂番馬會，但係有ｄ頂唔順）

　　　明明綠燈轉眼變成紅燈．．．（ＰＳ半島酒店外的紅綠燈水馬上）

如何?好像差一罐!

　　阿星說，我同佢女朋友差唔多高，但係．．．佢女朋友有１７０ＣＭ

　　　我正在懷疑自己的高度．．．

　　　大家覺得我有１７０ＣＭ嗎？

∼∼∼我係分隔線∼∼∼

　　　阿晞真係好∼Ａ／Ｃ書拜託你了

　　　今日，找一本陳年ＬＣＣ書時，發現自己失散多年的東西ＸＤ．．．

　　　幾年前，有一個人為我填詞。那時正值生日，作詞的某君扮作不會來我生日會，然後突然走出來，給我一個大驚喜ＸＤ．．．（其實朋友已經一早說給我聽了∼沒什麼驚喜ＸＤ　ＨＡＨＡ∼∼那時還要扮作很驚喜ＸＤ．．．低能到爆）所以別要什麼都暪住我，我什麼都知道的ＸＤ．．．

　　　　那時候，根本對那份詞沒什麼看過呀．．．現在一看，原來是某君向我表白的詞曲．．．感覺自己那時還一臉傻氣的收下便算，好像還冷笑了幾聲．．．

　　　　現在一看，真的有點不好意思ＸＤ．．．

　　　　回想起，樣貌品行一向平平的我．．．好像第一封情書收的時候係．．．小學一年級，坐我旁邊的男孩，在第一個小息約我，之後塞左封信比我．．．一打開，好多個我愛你，好多個心．．．

　　　　ｈａｈａ．．．童年回憶ＸＤ∼Ｓｏ　Ｇｏｏｄ！

　　　今日，過得好開心，所以想記低下

　　　番學約埋阿Ｃｈｒｉｓ，傾下計好快到站雖然遲左出門口，不過Ｃｈｒｉｓ好好人等埋我，感動ｉｎｇ

　　　上堂既時候，阿Ｓｉｒ搞左我隻鹿仔一下佢既吸引力果然驚人！物似主人形＜∼自戀狂

　　　阿ｓｉｒ問問題．雖然我答得唔好，但係佢都讚我，又好開心∼Ｈａｐｐｙ！

　　　估下Ｓｔｅｖｅｎ手巾仔顏色，望下佢件衫條怪魚，咁又一堂ＸＤ　Ｈａｐｐｙ！

　　　唔鍾意佢條怪魚呀＞＜．．．好肉酸！塊面唔知點咁＞＜．．．唔通呢ｄ就係珊瑚魚？！都係金魚靚！

－－－－－我係分隔線－－－－－

　　　當我地行去ｎｅｗａｙ既時候，有個婆婆係明星酒樓跌倒，點解ｄ人都唔走過去問佢咩事呢？佢地第一個反應係，望住個婆婆，之後，講句有人跌倒喎．．．無奈。

　　　我走近，問婆婆有冇事既時候，見到有一滴血滴左落黎，我開頭都以為佢冇事，見到佢滴血就．．．驚．．．望左佢正面，又冇傷口，原來係頭後面！好多好多血流出黎左腦麻痺哂．．．我怕見血的．．．．．

　　　　Ｓｔｅｖｅｎ打９９９報警，婆婆又話要搭的士，心諗，有邊架的士肯比你上．．．

　　　　阿晞奮不顧身，竟然就咁用手囉紙巾幫婆婆按住個傷口，突然間，對佢肅然起敬！雖然我唔認同佢既做法，但係佢真係個好人，心地超好∼唔知道點解覺得心頭一暖，世界上好人還是有不少的（以後我就著少ｄ高跟鞋啦ＸＤ）

　　　　救護車過左五分鐘先到達，真係好懷疑．．．咁慢點救到人？個Ｄ救護人員仲要以龜速行過黎．．．冇眼睇

　　　　可能因為我地做左好事，Ｃｈｒｉｓ之後執到廿蚊ＸＤ我地影印平左廿蚊呀呵呵∼ｈａｐｐｙ！

－－－－－我係分隔線－－－－－

　　　　本來阿晞唔係好想唱Ｋ，又話要囉ＰＡＳＳＰＯＲＴ，最後比我地拉左上去一齊唱，大家都玩得好開心歌神不愧係歌神，唱歌好聽∼

　　　　阿晞讚我唱得好聽過ｓｔｅｐｈｙ阿晞讚我呀，超超ｈａｐｐｙ

　　　　大家一齊試我杯波斯貓∼冇邊個口水我未試過了ＸＤ．．．問題係，點解大家飲我個杯，唔飲阿星個杯呢哈哈？

－－－－－我係分隔線－－－－－

　　　　番馬會，食飯遇到宗偉，好開心∼ＨＡＰＰＹ！有人陪我一齊食飯

　　　　我不斷開唔到個客氣Ａ／Ｃ，佢雖然鬧我，但係最後竟然向我道歉．．．好ＨＡＰＰＹ！其實我都有唔岩既．．．．，Ｓｏｒｒｙ呀＝３＝

　　　　番到馬會，好多人問我件娃娃褸係邊度買，覺得好靚不過佢地聽完價錢都好．．．．又有人讚我對ＢＯＯＴ　靚ＸＤ，真係好開心呀∼每次番工都有人讚我著既衫褲鞋靚ＸＤ難得阿ｍａｙ都讚，算係咁啦掛我最鍾意ｂｏｗ！

－－－－－我係分隔線－－－－－

　　　　收工之後，又有另一個ｓｕｒｐｒｉｓｅ好好好ｈａｐｐｙ！

　　　　估唔到你今晚會接我收工呀＞３＜！

－－－－－我係分隔線－－－－－

　　　　而家番學要著便服，雖然每日都為著衫煩惱，但係終於可以令我買左好好好多既衫，有重見天日既機會，但係天氣凍得太快．．．有ｄ衫，都係著左一次就．．．希望下年可以著多幾次啦！

　　　　好開心呀∼！