Ｐａｒｔ１∼答案
各位Brothers，若果有機會你地終於搵到上黎，你就知道自己並冇做錯，錯既係我
無錯，係好人卡呀∼講過幾萬次，『唔係你唔好，係我唔好，配你唔起！』送到手軟，唔想再送
你地可唔可以放過我？比啖氣我吸下．．．我唔想咁樣呀，我有兩ＢＬＯＧ一ＸＧ都唔可以想講自己想講既野
若果你地搵到呢度，你地死心吧！
你地成日ｓｄ ｓｍｓ，ｍｓｎ問我，你地究竟做錯ｄ咩呢？
答案：
１．最初，我有比你選，做朋友定係追求者，你自己選擇左追求者，呢條係不歸路（除左你追求成功∼）
２．我好憎人不斷咁奉承我，你地可唔可以唔好成日讚我，你好靚女呀∼你好叻呀好聰明呀等等，之如此類
除非我哄你講，如果唔係，我聽得多會覺得你份人真係好討厭，最憎人冇啦啦讚我，究竟算點先？
３．強迫我選擇，你地唔好無啦啦走黎表白好冇？冇十足把握，走黎表白就等於送死。若果冇十足把握走去表白，
你只係有表白慾，你不如同阿豬阿狗表白發洩好過
４．不斷咁扁低自己，又要麻煩我抬番高你。之後仲要同我講，話貪同我一齊，我可以教你好多野
救命呀！你要吸收人ｄ野之餘，用個腦諗下有咩野比我學到，若果冇，我唔會選擇你∼你可以省省
５．最重要既係，你地有冇發覺呀∼我心裡面一直都有一個人，你地一早知佢係邊個啦．．．
可唔可以唔好迫我忘記佢？若果你係命運中既人，我一遇到你，我就會忘記佢啦．．．
６．比番條路我落台好冇呀？各位哥哥∼？
Ｐａｒｔ２∼Ｏｌｄ ｃａｓｅｓ
點解我仲可以同粉粉做得成朋友呢...雖然我知道佢仲係鍾意我，都五年多Lu~但係佢唔會成日奉承我，佢會教到我好多野，佢好清楚我係咩人，適合讀咩科，好多事上都幫到我忙...仲有佢唔會向我表白，我覺得呢種默默守候更加好，唔會比壓力我
死野追左已經八年多了，當然有表白過啦∼佢好醒架，次次都唔會令我難落台，佢雖然學校成績唔好，但係勝在城府夠深，有腦之人呀，好彩唔係同佢做同事姐．．．全靠佢，我之前打過兩次勝仗ＸＤＤ∼雖然感覺好似輸左∼
Ｐａｒｔ３∼ｓｏｍｅ ｃａｓｅｓ
ｘ哥哥：
感激你每日既一封情信．．．開頭我真係有諗過同你一齊架，不過我唔可以對唔住我最好既朋友，而且你覺唔覺得你追完一個，又追第二個，第二個仲要係第二個既朋友，有ｄsilly呢？
你日日夜夜都同我講，我係靚女呀，好叻呀．．．我真係好懷疑囉．．．我靚女？最多叫做清秀吧，唔係個個做ｍｏｄｅｌ都係靚女既．．．而且我呢ｄ小ｍｏｄｅｌ，唉∼仲有我幾醒呀？全港考十四分又上到大學既，唔止我一個掛？
仲有呀，你成日話係我身上學到好多野，咁你有冇諗過我係你身上可以學到ｄ咩野呢？
另一方面，你失敗在於，你冇咩新鮮感，係有一刻感覺，但你冇把握∼
最後，其實我係你身上面都有學識到野既，就係我以前係幾咁煩啦！你等於以前既我，無自我，唔識獨立，超依賴，日煩夜煩，我終於感受到啦∼我學識左將來點樣再去同情人相處∼ｔｈｘ！努力ｄ搵工啦，唔好再咁懶啦．．．唔好再因為我而去搵工做野，係為左自己呀！
ｙ哥哥：
你就迫到我發瘋啦！日日轟炸我ＳＭＳ，ＴＥＬ，ＭＳＮ，ＦＯＲＵＭ算點先？
呢個世界上，唔一定係你追我，我就要受架？
仲有呀，本身你人格就有問題啦！你背住你兄弟追我，你唔覺得好搞笑咩？你明知你兄弟追緊我架啦，你仲追我？仲要唔話佢知，翻轉面唔應兄弟，你真係ＸＹＺ！
你知唔知咩叫道義？做壞人就要做得夠壞！唔好影衰Ｄ壞人呀！幾時出到咁冇腦∼
我有人追，有罪架？我想架？樣有眼你睇，肯定唔係索，性格我唔知，吸引力天生架∼你可唔可以唔好稱呼本小姐為狐狸精呀，禍水呀．．．全香港Ｄ女仔因為我，所以冇左幾個選擇咁呢？關我咩事？
學我ＥＸ－ＢＦ話，好既女仔緊係多人追架啦，而家我加多句，壞女人仲吸引，仲多人追呀
可能我係壞人呢？你唔係唔知我做咩職業掛ＸＤＤ？
我係師父既徒弟，冇可能係好人吧？好人？大概係我醒覺之前既事．．．
唔好咁低能啦？辭左份工，全職追女呀？我未有ＦＡＮＳ ＣＬＵＢ ＢＯ．．．你辭左份工，關我咩事，唔好咩都算係我頭上！你係咪男人黎？
仲有呀，恭喜你成為第二位係我附近等我既男人呀∼之前唔係已經講過你聽，警告過你？唔好沉迷我，冇好下場，除左我鍾意左你啦，鍾意左你，我又點捨得做壞人呢ＸＤＤ？任你魚肉啦∼∼不過你既耐性始終唔夠ＥＸＥＸ黎，ＥＸＥＸ起碼五個鐘起頭啦，算你聰明ＸＤＤ∼不過唔好再嚇親我好冇？我唔嚇得架．．．搞到我完全唔敢出街！你都好野．．．
我唔鍾意你唔關身份地位問題，我自問家境係比一般人好，我學識都叫做咁上下，但係我唔會狗眼看人底喎．．．你真係有料，有吸引力既，我點會唔鍾意你呢？點會唔同你做朋友？我之前Ｄ男朋友冇一個學歷比我好呀，只不過佢地一係靚仔，一係有料，一係水泡，一係搞笑，佢地有吸引我之處，有值得我學習之處．．．我同每一個人相處，我學習到更加多既事ＸＤ∼唔係邊有而家既我ＸＤＤ∼係佢地成就左我∼仲有師父＝３＝！
最後一句，若果唔係我愛上既人，愛我不要太痴心∼＊ |
∼
．．．
多多協助新手∼
