今日，係『Underwear Young Lady』既優先場，辛苦爸爸陪我睇了
整體來說，套戲非常搞笑，好多笑位，由開場（我又遲入去了 ）到結尾都笑到爆肚。總之好一流啦∼ 好欣賞一班幕後人員諗左咁多笑位，仲要唔係爛ｇａｇ∼呢排咩電視電影都搞爛ｇａｇ！灰哂．．．
套戲分開左四個感情線，Stephy , Maggie 同 Janice Man 係內衣公司職員；JJ 係PR；Kathy 係空姐。
Maggie 係入面完全係配角形式，對白冇幾多句，除左身材幾出眾之外，沒有什麼特別，樣貌亦算五位之中，比較平平的，Stephy 勝在夠清純，否則嘿嘿....
Stephy 裡面係扮傻妹，心裡面又想嫁個有錢人，又想嫁個自己鍾意既人。呵呵~典型女仔心態喔。佢演單純既女仔都算幾出色，真係幾傻 佢經過左銀行家、才子、有錢太子之後，最後發覺嫁左比有錢仔又點呢？自己都唔係鍾意個個人。最後當然選擇左壞男人──鄭中基啦！由此可見，壞男人真係好吸引，呼！呢個世界上，好少女人抵擋得到壞男人既魅力！我一直相信，有需求才有市場的定律，因為女人對壞男人又愛又恨，對好男人視而不見，所以才有壞男人充於市面喔！男人不壞，女人不愛∼
好耐以前，我都想嫁個有錢人，愛唔愛都算 （能力另說），有一日發夢，我夢到自己同個有錢人結婚，但係我心就慌了，拔腳就逃！呼．．．要嫁個有錢，唔愛既人，真係要一番鍛鍊喔！
Janice Man係內衣店務員，『阿叔殺手』！佢入面同個阿叔拍拖，不過我想，佢其實都係玩玩下既心態。因為完全睇唔出佢真心鍾意個阿叔，只係好貪玩好型咁。最後個大叔面臨女朋友與親生仔抉擇時，佢寧願選個仔，證明∼同一個已經成家立室既男人拍拖冇好結果，佢都有家庭有仔有女，唔會為左你一個女人放棄所有野，冇仔冇女另說。有仔有女既男人最多去偷食多次，何苦為左你放棄仔女呢？
JJ係Club PR，偶然認識左一個好單純既男仔。佢既金句係『世界上冇呃唔到既男人，只有女人肯唔肯去呃。』最終，佢同呢個男仔拍拖，一次約會上床後，個男人偷哂佢所有珍寶手飾，連裙，得番ｄ underwear。佢既結局算係戲入面最慘，女仔人家得番ｄunderwear夜晚晚係中環行番屋企．．．呢個shot影得好靚，爸爸話呀，要凌晨四點幾去影先影到架！仲唔可以NG！WOW！我好記得佢最後既旁白『佢唔單止比人呃左Ｄ錢，仲呃左佢一顆期待戀愛既心。』，佢將來好難再相信男人，男人有難了ＸＤＤ以ＪＪ既質素，呃男人話咁易，佢比一個男人HURT到，千千萬萬人死係JJ手喔！所以，這次男人輸得更慘．．．
最後，係Kathy∼空姐。一心想遇到有錢人，然後嫁去做少奶奶。戲入面，佢同一個無大志既ＰＴ警察遇上、同居。ＰＴ警察雖然冇錢冇大志，但係為人乾淨企理，仲識煮野食喎！甘願為左Kathy煮飯執屋，做後備情人。最後，雖然佢冇遇到一個愛上佢既有錢人，但係佢得到一個對佢好既後備情人（其實佢對ＰＴ警察係有意思的吧ＸＤＤ），亦算是好結局。戲入面一個有錢人講左句，都幾有道理──『擁有王子質素既人太少，但係另一方面灰姑娘太多。』所以喔，女生喔！還是自力更生吧．．．等男人養，真係望都唔敢望ＸＤＤ”而家，好多女仔既學歷，人工已經比好多男人強．．．這究竟是什麼原因呢？！
戲入面出場既鄭中基真係好搞笑，樣子唔好，但係表情好生鬼呀！我睇完都覺得佢幾得呀∼夠搞笑嘛！不過聲明一句，搞笑既，冇本心多ＸＤＤ”小心選擇！
劉華Ｄ動作都做到好誇張！好好笑∼＊佢Ｄ法文真係一流呀！有小小似醬爆添！夠放！佢打飛機個幕真係．．．勁！
套戲叫做『內衣少女』，當然少不免內衣吧！戲入面Ｄ underwear真係好靚！呵呵∼我都好鍾意買靚靚既underwear XDD"雖然冇人可以睇到除左我，但係真係好靚呀∼等於著件靚衫一樣姐∼我唔會買阿婆個類．．．嘔心死．．．洗完都唔敢掠出去ＸＤＤ”ＰＥ堂，我有時無意中見到Ｄ同學著好老土好老土個Ｄ，我心諗，等你阿婆阿嬋年紀著都不遲喔 ！而且，有時候見到Ｄ女仔著低腰牛仔褲，露出條高腰ｕｎｄｅｒ邊出黎，真係好無奈．．．又唔靚，又要高腰，冇哂美感可言．．．underwear 寧願買貴些喔，反正可以著好耐家嘛，為什麼要肉肉酸酸呢？∼不喜勿插∼＊
|
火都黎！
＜∼必去喔！
忍唔住捉佢影相！
＜∼笑到見牙唔見眼ＸＤＤ
＜∼嚇親左個妹妹呆左．．．
話哂都曾經中一囉全級第一的
心想應該不會補得太差ＸＤＤ”
還記得，她想了很久，八七幾多呢？八七，六十四？八七，五十二？八七，五十七？
她的補習費也蠻高的呀！ＭＩＫＩ要好好努力喔！
