琴日同兜,雋,峯,翹去打邊爐慶祝生日,
打邊爐無左夫亂叫野,有種唔完全ge感覺,
點知原來子雋都會亂叫野,係咁叫紫菜,自己又唔食,
由6點幾食到成10點,
之後叫左蘭出黎食甜水,
我地派左兜去接佢,
估唔到兜會快過我地到,
唔通真係有4隻腳
差唔多食完甜水個陣,
突然有隻野係兜頭的上方爬過,
子雋嚇得迅速彈開(佢真係彈開),
之後一齊去左天秀公園吹水同玩,
同左11點子雋話開始危險,要撤退入屋邨,
之後2個女仔同兜話想去厠所,我地分道揚鑣,
2個女仔去商場搵,
我地4個男仔深入飛仔巢穴,去搵厠所,
子雋同兜一路行一路哼寵物小精靈音樂,
峯又話淨係帶左隻傻鴨(兜)出黎,
好彩有子雋帶先,知曬點行安全先可步出重圍,
之後送2個女仔番天華,同送兜去搭77,
就番屋企,原來天頌真係好和平....

多謝你地幾個,算起來已有3-4年生日無慶祝,
以往3,4年都如平日一樣過,
雖然這次都如以往聚會一樣,只是一齊食餐飯,
但都多謝你地,
明明話有蛋糕糕,結果都無出現,
我等你地係我正日補番個比我

11月3號,兜仔生日快樂
早幾日個估畫GAME估唔到真係有人估得中,
仲要2個人,
呢個GAME真係好玩,
畫個陣又開心,睇人估又開心,
過幾日再去UPDATE先,
但請食飯真係玩唔起,
要諗過其他

我就黎生日喇,有睇我BLOG GE我預左收你地禮物:D

踏入11月,開始繁忙了,
今日上畫畫堂,呀sir話要交功課,
我乜都無做...唯有話無帶,推下星期先交,
差3幅生果/蔬菜同好多幅索描....

之後番循中畫番欠ge畫,
謝璟丞睇我d畫笑到收唔到聲= =
我不知畫得幾靚,雖然唔太似
大家上facebook估下我畫d咩啦

星期6係3a第n次聚會,
原定係bbq,點知原來無人去霸爐,
搞左勁耐終於搵到地方打邊爐,
卓夫依舊一坐低就order勁多野,
點知得個一碟仔黎左,其他去曬隔離,
之後我地好狗咁,一有食物出就話係我地,
一次過倒曬落煲,
每次一熟就齊齊搶,食得好開心
食都最尾,間野乜都無得食,仲食完都唔太飽,
不過都幾開心

今日一起身就upload聚會d相,
成日都無啦啦hand機,搞到我要不停re-upload,
到up好曬,又要tag人,成2百9十幾張相,真係tag到發脾氣,
搞左成日,終於搞掂

11月喇,就黎要考試,
20號有數學,23號有倫理,
仲有交千字文,
同一個人做人地一組做ge project......
要開始溫書,開工了

中文project終於有正式meeting,
傾好左做咩,
遲d去實地考察(事實係玩),
set好左問卷題目,
分左第一部分ge工,
要快d搵個microsoft office 07版番黎,
一日未搵到一日都開始唔到...

今日仲要左影art堂功課要ge相,
入人地舖頭唔買野,淨影相,
不斷比人趕我走><