話說數年前的香港，有一對青梅竹馬的小情人，但係由於他們成日掛住拍拖，因此而荒廢學業，成績一落千丈。
        他們的家長有見及此，當然十分反對他們拍拖，時時希望他們能夠分開，點知他們不單無分開，感情反而越來越好，直頭到左談婚論嫁的地步。

        女方的家長為了讓女兒能夠完成學業後才嫁人，所以決定把她送去澳州留學。

        個男仔在女友臨離開前一晚上門找她，希望能見她一面，點知她的家長拒絕個男仔入門，最後個女仔奪門而出，同個男仔相相走上天台，然後對情侶決定一齊跳樓自殺，點知當他們起勢跳時，個男仔因為驚，無跳到，只係眼望女友跳左落樓，極哀傷地回望他，然後砰一聲，腦漿塗地！

        個男仔當然好傷心，但係又無勇氣再去自殺，只係成日飲酒。

        係個女仔死左七日後，個男仔夢見她滿面血漿返黎見他，話要他快Ｄ自殺，落去下面一齊生活！

        初時個男仔都以為自已發夢，點知日日都係發同一個夢，而且個女仔的樣子越來越恐怖，仲用手抓他，要拖他落下面，而一醒來就發現自已雙腳都有抓印！
       
        個男仔真係好驚，於是走去救一位道士幫助，道士話個男仔劫數難逃，個女仔ｏ係尾七時一定會帶他走，現在只有個男仔能夠幫到自已，於是道士教他於尾七個晚十二時前一定要走落床下底，合上雙眼，聽到或感覺到任何ｏ野都唔好開眼、開聲或離開，只要個女鬼找唔到他，這樣過左尾七，個女鬼就永遠唔可以再害他。

        尾七個晚，個男照住道士教的走落床底，合上雙眼，直到十二時，他聽到一聲‘砰’，一聲‘砰’的聲響，由遠而近來到床邊，他知道係個女鬼到左，所以無開眼去睇，但他好奇怪，點解會係砰砰聲呢？

        雖然他真係好好奇，但道長講過的話，他仲記得，所以都無去睇係乜！

        點知Ｄ聲到左床邊後就無左，時間一分一刻的過去，一小時，兩小時，都再無任何聲音，又大月旦又好奇的他，終於望出去，唔望都無事，一望之下，他發現果女仔／鬼滿面鮮血、腦漿，用好憤恨的目光望向他，就係ｏ禁個男仔活生生的被嚇死了！
 

圖書館4樓

有一對情侶,在 圖書館4樓一間房入面溫書,個女仔戴住耳筒,聽住音樂訓著左,男朋友有事要走先,又唔忍心叫醒佢女友,於是由佢一直訓........訓到library要關門,管理員要鎖門,個女仔都仲未知醒,一直係咁訓..........咁啱之後幾日都係公眾假期,library都唔開,無人入過去
假期完左之後,有人發現library 4樓有一具面目猙獰ge女屍,佢個樣好似一直不斷掙扎緊,不斷係度叫'放我出黎'咁.自此之後,poly library 4樓永遠都唔會熄燈,同埋唔准戴耳筒入去,不過仲係有人會0係夜晚聽到4樓傳出陣陣拍門聲.......
 

女廁尿兜
有個女仔夜晚係自修室溫書溫到好夜至走,佢打比男友叫男友接佢返屋企,不過男友唔得閒,於是打算一個人行返屋企,點知行行下樓梯既時間,突然有人將佢捉住,係某一層既女廁姦殺埋佢.佢男友知道之後,非常責怪自己,於是自殺.
之後,經常有人見到0係個間女廁門口,有個男人問'你見唔見我女朋友係入面呀?'.呢件事比校方知道左,於是係女廁入面整左個尿兜,希望個男人以為個度係男廁,唔好再出現.
 

噴水池

某學校既學生都知道有一個禁忌,就係:千祈唔可以玩噴水池入面d水,因為一掂到,就永遠都無可能畢到業,意思即係,0係畢業之前一定會發生一d事搞到畢唔到業.
大家都知道學校正門口有個天幕,話說0係建築呢個天幕0既時候,有個建築工人唔小心,由高處跌左落去,就係依家噴水池個位,工人既血噴到建築物0既牆上面,染到一片紅色,無論點抹都抹唔走,於是由個橦建築物開始,全部油哂紅色.
而個噴水池從此都有一個禁忌,就係所有poly學生都唔可以掂到池水,唔係就會畢唔到業.據說有一個year 3學生因為唔信邪,0係畢業前幾日特登去搞d池水,幾日之後,就0係poly附近發生車禍,過左生......所以奉勸各位,千祈唔好手多多,貪得意去搞d池