12月2

係朝早

本來屋企已經有面包同朱古力奶做早餐

見返學仲有D時間就手痕..煮左個印尼撈面同沖左杯咖啡 之後又食左個蘋果

好耐都未食過咁飽既早餐喇

   (印尼撈面好食到極點)

放學之後走左中史補課~

因為要為兩日後既保齡考試做準備...

所以就走左去打保齡喇HAHA

原本諗住3個人去

點知講下講下有8個人一齊去碌..

碌完上左肥稀屋企打機..等補習

打到7點左右...

去補習社附近既7仔諗住食野....

我係個汽水凍櫃度見到有罐雪梨既飲品,

見佢$4.5 貪平買左黎試下...

點知一飲落去...

勁大陣酒精味...再睇下個罐野..

用日文字寫住6%酒精

點解有酒精既野飲會係放汽水個凍櫃搵到架....又唔寫明有酒精

我仲要著住校服買...

咁我就諗住冇乜野喇...照飲唔好嘥...

點知7點30補習果陣就懶野喇..

醉醉地...塊面超紅

比成班人問我做咩黎...

連MISS都問我係咪飲完酒黎

以為6%難唔到我喇...點知都係中招..

早知唔飲喇......