自從bb你出世之後，好多野都改變了，包括自己的想法。
今日，係你第二次動手推開我，可能你覺得只係輕輕一推，但在我角度而言，同動手無咩分別。
你講過，大家標準唔同，係，唔會有一模一樣標準的人，「除非兩個我」。
正如，粗口係日常生活中，可能係一啲助語詞，無傷大雅，但當係爭執或衝突中，用粗口鬧對方，會變成一種攻擊，一種侮辱。
等同無事無幹，大家手互相推下，可以係一種娛樂，可以係打情罵俏，但於爭執或衝突中推開你，就係「動手」。
呢刻，我仍然係呢度，打字，係因為唔想係bb 面前同你鬧交，今日我用手遮住bb，係怕衝咗入黎廁所�H你，忍唔住對bb動手，因為你個樣太凶了，加上你飲咗啤酒，所以你當下用力推開我隻手，我無出聲，我知如果我出聲，你必然會起勢咁鬧我，我怕嚇親bb, 雖然你已經嚇窒咗佢
我覺得越來越心淡，好多野，少少，少少咁累積，慢慢，慢慢咁減少
最近睇到一位明星講過，兩人相處，我忍你時，同時你亦忍我，互相包容，先可以一直落去，我明白，道理係咁，但又可以做到幾多？
我唔知我可以做到幾多，我只能努力做，直至我做唔落去........
|
