今次去日本主要是「食」，即係四周嘗試不同的餐廳，高檔，低價，通通都試呢！最深刻的可算是築地的壽司，及高級的和牛呢！我是第一次食生的牛肉及牛肝，沒有加工，血紅色的，加隻生雞蛋或少少汁醬，嘩！食完實有種飄飄然的感覺，放入口，沒有根的，綿綿的，似魚生的感覺，但又有陣肉味，現在想起，口角也開始滴水呢！還有，第一次嘗到新鮮即磨的「山葵」，即是wasabi，我一向都吃不下wasabi 的，因為實在太辣太刺鼻呢，但基於「試食」關係，始終都要放入口.........>_<.......... 緊閉雙眼，一口新鮮wasabi 送上，嘩！入口有少少辛，慢慢就嚐到甜味，好味呀！！！第一次覺得wasabi 係咁好味的，有少少辛，唔刺鼻，還有少少清甜呢，新鮮即磨的，果然與眾不同，正！
另外，築地的壽司，又別有風味，第一次品嚐到既高級又新鮮的「拖羅」，「入口即溶」經常都於電視節目裡聽到主持人掛在嘴邊，現在竟然可以於自己嘴邊發生，實在難忘，還有那一只蝦，那質感及鮮味，絕對非筆墨所形容，曾於香港食過多種不同的蝦，有貴有平，有非常鮮味，亦有難以入口，但築地這一只蝦，實在全都將之比下去呢，可惜.........品嚐到的只有一只.......可惜..... |
