02-09-2010 星期四 出發!!
去過旅行既大家都會知道...........要爭取最多既時間留係目的地.......
一定要早機去.........晚機返..............當然...呢個道理我同珍珍係知道既...........
我地選擇左是日最早既機...........(其實都只不過係8:30起飛)
5點幾起身(好睏=__=).......梳洗完之後...........佢地先行出發 (佢地 = 爸 + 媽 + 珍珍)
而我啦.........就俾佢地掉低左係屋企~ ohoh...
..........................
原因係..............我可以免費搭機場快線......可以遲成個鐘出門口..........
所以........我選擇左獨自起行..................
機場快線果真又快又正~ 6點頭班車...........6點2多dd就到左啦...............
啱啱可以join返佢地~~~ (我們果真節儉哦~!)
我地今次幫襯 國航...........即係 "中國國際航空" ..............(我諗好多人都未必知...)
經過珍珍格價..............呢間公司係最平最抵既 .............
今次係我第二次搭飛機呀!!!
侯機地點係airport地下個層............我都覺得怪怪地架啦........
原來check完登機証.........要搭佢地啲接駁車.............仲要自已行樓梯上機囉~~
乜唔係得各國政要做show個時先要用樓梯黎上落飛機架咩??????
成件事都怪怪地 =[[ 令我對國航既印象不太好wo~
不過..... 聽聞國航係中國黎講...........係好大既航空公司黎架..............
今次仲要係同 國泰 + 港龍 ....... 三間公司聯機飛~~
人地買咁貴機票都係咁坐...............我又有何不可呢?????
結果......好順利地..........我地好準時咁到達北京 .......... 我地既目的地~
-------------------------------------------------------------------------------------------------------------
因為我最愛既傻仔媽媽嘔呀!! 而我地又無人肚餓wo....
所以就ｓｋｉｐ左個ｌｕｎｃｈ........ 先去酒店放低行李 ＆ 睇房∼
我地住既酒店位於地鐵４號線......... 西直門站附近.... 名為"桔子酒店"
"桔子酒店" 係平價既連鎖式酒店............雙人床房價: around $238-248 .......
即時$40 入會.........每間房只需$218 ..........計過度過....有so....join左~
即係我地全家住4晚 = $218 * 2房 * 4晚 + $40入會 ======= $1784 !!!
係咪真係超超超抵呢?????
或者你可以話我無要求..........但我又真係好滿意wo...........
雖然間酒店細細地......得幾層........但整體設計幾新潮....幾靚..........
房間方面............整整齊齊乾乾淨淨.....有電視....充足沖涼熱水供應.......我已經滿足....
放低行李..........是日出發到天壇................
夜晚去左"全聚德"食野..............雖然出名....但我一啲都唔覺得好食囉.......
虛有其名......不值一去............埋單$400..............
食飽飽就閃回酒店咯~~~ 大陸電視無咩野睇........累累地好快就訓著lu~
|
