發生時序不分先後，諗到再加∼
1.
瞓在床啜奶咀，啜啜下奶咀甩左。
個頭側哂，係咁想用個嘴擔番個奶咀，好好笑。
到我執起個奶咀想塞番俾佢時，佢和我玩起上來，用條脷頂番出來。
但我塞俾佢佢又擘大個口架喎。
重覆兩次之後，我以為佢唔要，攞開個奶咀，佢就：「呀！」
再塞番俾佢，佢即刻啜番，仲起勢咁啜。
細細隻人仔開始識玩野 😂
2.
又係食奶咀，又啜甩左。
我執起想塞番俾佢時，拎到埋佢嘴邊，佢急不及待，一野用手撞我隻手埋去，再即刻用嘴接住，起勢咁啜 。 😂
3.
嘉嘉：「乞嚏！！……嗄∼∼∼∼」好似好嘆咁，好好笑 😂
4.
同佢掃風時，露出一個好阿叔既樣。
我和外子：「睇下！個樣好阿叔！」
講完後，嘉嘉擺出一個更阿叔的表情。（有啲似張學友講「你食屎啦」個樣） 😂
5.
有日我媽抱住嘉嘉話我係傻瓜媽咪，嘉嘉唔知係巧合定咩，即刻扁嘴。
我媽：「哦哦哦，唔講你媽咪壞話啦，咁細個就識錫住媽咪∼」
之後再試過兩次都係咁，嘉嘉即刻扁嘴和想喊。
雖然應該係巧合，但我真係好窩心，我愛你，嘉嘉！😍
|
