考試差唔多完哂喇，

下星期得番電腦同埋Oral...

可以由兒家開始放鬆自己喇！！！

今日考中史，

琴晚真係背野背到我傻哂..

份卷又唔係話太難既，

有一兩part難d，

特別係記地圖o個度..

真係無咩點溫過，

死晒！

其餘可以等我發揮作文天份既地方就一d難度都無喇。

考完卷o個刻，

仲以為自己會尖叫出黎，

結果無。

心情都係放鬆唔到，

個腦仲記住唔少關於份卷既野，

好慘...

唔能夠真正嘆假期係我覺得最可憐既地方。

為左要放鬆放鬆，

我就同謝欣兩個落葵芳行下，

之後同何旻三個人上謝欣屋企睇碟吹水，

真係好過癮。

謝欣，

I Will Be Back !!!

xD

講番上個星期6既事呀，

超開心。

考完maths唸住鬆一鬆，

買飛睇左卡斯帕王子，

哇...

卡斯帕好型呀，

勁靚仔唔係講笑。

不過我都係鐘意Peter多d，

佢好有正義感，

做佢女朋友一定好有安全感喇>.<

之後我同謝欣去青衣城睇佢既老公仔柏豪，

哇！

我地仲有得同佢合照同埋拎簽名...

我仲同佢傾左幾句

我問柏豪：柏豪你係咪剪左頭髮呀？

柏豪唸左一唸，笑住話：

唔係呀！我一起身就變成咁喇！

跟住佢就自己狂笑，

真係勁可愛呀

謝欣又問...

柏豪你幾時出碟呀？

柏豪：

七月尾會出架喇！

我話：

我地等得好辛苦呀...

柏豪笑而不答...

真係差d搞到我流鼻血呀...>.<