唉...越黎越肥，呢排唔知點解d肉真係增左好多咁，

我真係要努力先得，但返到屋企又好累....

下午係公司玩msn，開左個城市論壇...哈哈

由3點討論到6點....

討論d咩唔方便係呢度講，但真係好激...

本身已經訓得著既我，即刻醒神晒！

不過每人既觀點與角度都唔同，好難有結論....

最後大家仲print出來要拿返去俾男朋友睇

唔知阿銘肯唔肯睇呢？

今日係余凱殷小姐生日，係呢度祝佢生日快樂，心想事成，

身體健康，萬事如意，龍馬精神，哈哈~~~~

冇買生日禮物俾佢，下次見到面時補番啦~~~

四川地震死左好多人，好慘呀...

地震威力真係好大，好恐怖....

6點半就起床，同媽媽去照腸，

媽咪柯到好攰...上次我都試過，

不過佢今次勁過我好多，

去到醫院攪攪下都9點鐘，媽咪就入去照，

我同爸爸就去食早餐，

好似大個左之後第一次咁樣同爸爸2個人食早餐，

食飽飽返去，媽咪已經照完啦~~~

但要等多2個鐘先ok，

咁我就係咁打太鼓...太鼓...

差唔多時間上番去，時間真係岩岩好，

係門口等個時聽到姑娘同媽咪講

"無事啦，放心啦，唔駛驚呀，下星期返黎覆診啦"

我即刻驚一驚，好采~~~咩事都無，

聽到佢講個時真係好驚~~

只係一粒小息肉，無大問題，

放心晒啦~~~~

不過私家醫院服務真係好好，媽咪之後激讚，

我話緊係好啦，俾咁多錢！服務點會唔好~~~

保佑我全家人都身體健康