訓到點幾..俾大茵打黎嘈醒左，好好訓呀~~~

今晚去飲芊詠喜酒，芊詠好靚呀~~

我地無聊就係自己位狂影相...haha

郎才女貌呀~~好幸福呀！

到中段玩下遊戲，新郎哥仲講左好"霖"既說話呀~~

聽到個度我都有d眼濕濕，真係覺得芊詠好幸福~

祝佢地白頭到老，永結同心！

係酒樓都見到阿銘~~~

夜晚約左班friend去食buffet，慶祝芝士生日兼聚舊，

選擇左九龍維景酒店，主打係龍蝦魚翅湯，

食物都ok好味呀~~不過種類就好似唔係咁多，

個朱古力蛋糕仲好好味添呀！

波叔仲食左4碗翅...有3碗都係無翅架~~哈哈

激un佢呀~~~

睇下我個碗幾多~~~成排呀！呵呵

壽星仔~芝士佬！

埋單每位$260，種類好似冇龍堡咁多，但好味過佢！

食飽飽後就諗住散啦，胡爺提議去飲酒，

得我1個女仔......好開心唔駛俾錢~~呵呵

今次飲到暈陀陀，但好似唔係飲左好多咋~~

撘的士返屋企個時勁想嘔....

好采頂到.....的士加左價！加左$5！shit！！

放工約埋大茵一齊去C字頭間GYM拿Free 2星期的vip，

帶我地去參觀之後又叫我地做個脂肪測試，

嘩~~~~我D脂肪起碼多左正常既一半呀！

骨質疏鬆又話似一個60歲既婆婆，

新陳代謝又俾正常少左好多，又無肌肉，

總括黎講係無樣好，佢話我同大茵都係一個無肉既肥妹，

大茵有D仲差過我添呀！但脂肪一定少過我囉，

攪笑到話我脂肪唔係集中係晒個肚到，

係平均分佈係全身上下....哈哈

最後俾左個超便宜既plan我地，

個時我真係心郁郁....最好都冇join到，

做埋2星期再睇下點啦....