放工去找阿銘，但太早唔知去邊好，

咁岩大茵都去銅鑼灣就join埋佢地先，

佢地叫我一齊去食埋飯，

阿銘又話遲放工，所以就join埋佢地一齊去左<沙爹皇>食，

食到勁飽呀~~~~

後尾佢地仲帶我搵阿銘添呀~~哈哈

真係唔好意思呀~~大茵，

阻左你地成晚，下次請你食野補番數！

朝早好成功食左芝士火腿番茄三文治，

下午食左半碗飯都冇，

到4點幾個時真係超肚餓，

忍唔住..夜晚都食左1碗飯，

fing夫拉圈真係好熱..出晒汗....

阿銘終於買左鏡頭啦~~~

佢就開心啦~~~~~

今日陽光普照呀~~~一早起身去睇中醫，

唉..佢唔肯開減肥藥俾我呀，唯有醫好個樣先啦。

下午...發生左件大事，

隔離屋個女人，佢生完bb之後就有產後抑鬱症，

聽到佢地鬧架，之後仲暈埋添呀，

我當時都好驚，即刻過去睇睇，

我鄰居係咁安慰佢，聽到我都有d眼濕濕，

個女人好nice，好靚女架，

唉....始終家家有本難念的經，

希望佢快d好返咩事都無！

阿銘又好遲起床，只係享受到小小陽光既時間，

我提議去屯門公園影相，又話要買鏡頭啦，

買啦..買啦，因為見到個個影相既人個鏡頭都好似幾得，

遲早都要買..唔爭在個一陣啦，

不過成個屯門都無，唯有第二日再買過，

夜晚去左<元綠>食壽司，等左9個字...等到唔想食，

我地又叫左勁多野食....飽到想嘔....

壽司好似11客...雞扒烏冬，餃子，天婦羅2客(買一送一)，

下次一定要節制下先得...