今日又肚痛番啦，個肚勁谷呀！好辛苦呀~~~~

放工約埋大茵一齊落旺角，佢陪我去trendy land換野，

揀左好耐，最後我呢個煩人就揀換左，

一把minnie縮骨傘，一個chip n dale既相架，紮頭髮橡巾同夾夾，

哎也~~~但我返到屋企之後好後悔呀！哈哈

點解我唔要長傘囉，另外個紮頭髮橡巾已經難左！

頂佢個肺！個夾夾又係難難地！！

夜晚係屋企睇報紙，有段新聞話，

<明年英國會變成一日10小時制，每小時變為有100分鐘>，

我睇完後都有d愕然，仲同阿媽講，

阿媽仲要唔明我講咩，再睇睇下發覺..哈哈

原來下面仲有段寫住，

<以上所有新聞係世界各地傳媒係愚人節發布的新聞>

勁攪笑囉，阿媽仲話俾我呃到，

我都俾佢呃到啦~~哈哈

仲有段係寫<企鵝識飛天，仲去左亞熱帶地區生活>，

呢個就誇d囉~~

愚人節快樂！

阿銘今日已經返左大陸啦，星期三先返，

今日都係我出糧既大日子啦~~~~~~

下午先俾我，所以趕唔切去銀行入票，

琴日食緊<甘味>時已經開始肚痛，

唔知係UA爆谷定係甘味攪到我肚痛，

今日已經柯左7次啦....

仲要柯水呀~~~~~~~陰公...

夜晚send訊息俾二姐姐祝佢生日快樂啦~~

但send完之後諗諗下發覺自己記錯左....

哈哈...原來係琴日呀！！

佢琴日仲入左黎，但我完全忘記左，

因為我以為係今日，我真係衰妹囉~~

好彩二姐唔介意o者，

祝佢身體健康，快快樂樂，老公同囡囡都聽晒佢話呀！

仲有就係賺多d$$$$$$$~~~~