起身就同媽咪去左置樂，又食粉仔，

琴日先食完呀~~所以我今日就食米粉，

但好似變得麻麻地，以前好好味架！

同媽咪逛逛下都5點鐘，就返屋企lu~~~

今日清明節，無返到大陸拜山，

下午約埋佢地一齊再去報名，

點知想去個美食團，我地想去個日子無團出發，

得番3個團揀，最後選擇了一個去佛山既團，

呢個好似係玩酒店設施多，不過可以成班一齊去就好開心啦，

每人都只係$318，低呀！

唯有下次先再去個美食團，夜晚去凱都睇戲，

係門口撞到mabel個二家姐，

佢同我都係睇<三國之見龍御甲>，

Maggie Q剩係臨尾出過幾幕，

劉德華仲係咁型仔呀！！成套戲都OK既，

宜家剩係想知歷史趙子龍係咪真係俾個羅平安出賣，所以先會輸呢？

返到屋企，爸爸都話呢個旅行社食個方面係OK架，

爸爸都話跟過呢個團幾次，

等我仲諗住介紹俾佢添~~~呵呵

放工約埋小塋一齊撘車入屯門，

去到旅行社發覺今日原來開例會，提早收工，

咁我地就拿晒章程睇下邊團ok啦，

但我地都發覺最想去就係上次mabel去過個o個團，

話晚餐有廿五度餸食，第二日lunch buffet又超級多野食，

mabel都話唔介意，咁我地就決定去呢個啦，

約晒明天再一齊去報名，

晚飯就去左食甘味，等左成個鐘先有得入，

等到個個都勁肚餓，靜宜仲係英國買左d手信俾我地，

個雪糕其實係吹波波個d黎架~~~好得意呀！

最右手邊係朱古力薯片，好好味架，好似積及個種味道，

成盒都係好好味~~~

食飽飽甘味，再去<甜不甩>食糖水，

啊...肥死我啦......