今日要食開年飯，所以好早起左身啦~~

但好夜先出去，我叫佢盡情咁訓，真係訓到好晏..HAHA

阿銘要拿佢部相機去影靚相，

第一次係隻手度影相，自由行呀!!哈

好多人呀~今年算係睇得最近既一次，

睇得近真係正好多，迪士尼個次就係，

之後去左海運睇<長江七號>，

隻外星狗真係好Q呀，

我想要佢後尾變左做公仔個樣，

個O個好CUTE啊~~~~

今日食左超級多野，食到我想嘔同反胃.....

要節制下先得，唔係又要睇doctor..

我地終於整好左個DIY野啦~~

呢個係阿銘整俾我既，可樂有我個名架，同埋薯條個心心佢自己整架~~~

呢個係我整俾佢既，個兜仔係我用剩番D布碎整架，幾靚~~~~

好靚啊~~~呵呵

恭喜發財呀~~祝人人都身體健康，今年賺多d

下午開始屋企已經好熱鬧，3個細路係度嘈嘈幣啦~~

我和阿銘就同細路玩，其他人就打下麻雀咁，

夜晚食盤菜，個盤菜好難食呀~

好彩仲有我鍾意既枝竹豆腐卜齋菜，

本身訂左子夜場睇<長江七號>，點知去到竟然話我地無訂，

咁就去凱都睇左<功夫灌藍>，俾我想像中好睇，

但最唔好就係周杰倫把聲係王祖藍配音...

點解唔用番佢自己把聲....

好怪囉...

今日年三十啦，下午又去左吉之島買賀年禮品，

最後又係咩都買唔到，呵呵，

今年買糖果算啦，費時攪咁多野~~

不過我就買左幾支指甲油，阿銘送左護膚品俾我~~~

夜晚阿哥阿嫂一齊黎左食團年飯，豆腐卜好好味啊~~~

仲有蒜蓉開邊蒸蝦，都好美味

夜d我間房有個燈頭竟然壞左！！唔係咁黑仔呀？？

不過都諗年三十晚壞，好過年初一壞啦~~~

點知再夜d岩岩撘入年初一無幾耐我搽完，諗住拿番入房，

唔小心打爛左呀！！！！

即刻暗叫"落地開花，富貴榮華"

妖，有冇攪錯呀！又咁黑仔既！

撘入年初一即刻打爛野....會唔會唔好意頭架？

好驚呀~~~我唔要今年又運濟呀！！

保佑我！