一早起左身，同阿銘一齊去祥景食早餐，

送埋佢撘車添呀~~呵

返到屋企就執衫，連夏天個d衫都未執，勁懶惰啊~~

成個下午都係度上網，上網上到唔知做咩好

近排有套戲叫<27宜嫁>，話個女主角不斷做朋友既伴娘，

而自己一直都嫁唔去，都想睇下呢套戲~

近來一諗到個年齡都有d驚，驚嫁唔去？驚無人要？驚年紀大？

不過近排個人心態又有少少變左，變左係見到結婚有少少驚...

真係好矛盾，最好就係唔好諗就very good~~

夜晚玩左個網，好得意，

係用自己個樣睇下同邊個明星最match，我試左3張相，

得出黎個結果係....2次都有<宋慧喬，張曼玉>

哈哈哈哈哈~~~有成七十幾個%似呀，其如仲有金喜善，鄭秀文.....

我差不多全部都係韓國同日本明星....莫非我似整左容？

阿銘都試左3張相，竟然2次都有<郭富城，張國榮>

但阿銘冇Aaron腹肌既

其如仲有劉德華，黎明，Rain，周杰倫......4大天王中有3個.....

有冇咁厲害....

6點幾先出門口去街，因為朝早阿銘去左打game，

又去左吉之島

食飽飽就返屋企睇電影，租左<色，戒>，<五星級大鼠>，

老鼠個套，有幾幕都係一群老鼠空群而出，真實既話都幾恐怖，

夜d睇埋名模，唉..個冠軍

<茶煲阿四>越黎越好睇，男主角好型仔！女主角又攪笑。

今日係值得紀念既日子，好難得，大家唔好諗衰野。

約左5點鐘係中環碼頭等，我遲到攪到5點半先到，

要其他人等，真係唔好意思呀~~

我岩岩去到就要上船啦，今日係去愉景灣同轉波佬慶祝生日，

撘左半個鐘就到，好快呀~~

因為我遲到，去到已經入黑，係咁俾人話~~haha

攪到波叔d倩影差左少少，

個沙灘d沙真係好幼呀~~個度差唔多全部都係鬼佬添呀~~

我地去左ZARKS食，本身坐2樓，我地驚太嘈，

所以轉左出露天，費時騷擾其他情侶。

叫左12個菜，2支紅酒，3杯飲品，埋單2千幾，個價錢都ok~

道道菜都好好味，我杯芒果汁都好正~~

仲一路食一路睇迪士尼煙花添呀！

後尾坐船仲要唔駛錢呀，因為食滿$100就有一張免費船飛，

我地應該有20張，不過只係用左9張U_U

應該好快就會再去呢度啦~~~