今日10點幾就起左身，因為要去九龍睇好耐都未好既喉嚨，

醫生都話係"扁桃線發炎"，要食D靚藥D嚨先會自然無，

嗚~~咁就冇左$700，不過醫生好好人，

又耐心聽你講又耐心解釋俾你聽，

其他睇親個D醫生次次都趕頭趕命咁，

我俾咁多錢你，都唔肯聽人講，咁我同俾百幾蚊睇普通科有咩分別！

之後返入屯門吉之島和媽媽爸爸飲茶，行左一陣吉之島。

夜晚同埋大細茵，JACKY，菠蘿，3 pairs人一齊過除夕夜，

去左沙爹王食晚餐，個"沙爹牛肉粉絲"好好味啊~~

叫左9個餸，9個餸都好好味~~沙爹王d野食越黎越得，

食飽飽就行去工展會，係工展會仲見到IFC放既煙花，不過剩係見到少少，

都唔係試食左好多野~~~呵呵

我地一齊和同事三分親d演員一齊倒數~~~happy new year~~

呢張漏左jacky，下面補番。

後尾諗住返入屯門一齊食糖水，mabel睇完劉華join我地，

靜宜去完旅行都出黎join埋我地一齊食糖水，

嘩~小巴一落車真係凍到嘔

凍到我牙都震埋呀~~~屯門真係唔同d。

糖水又食左"花生糊加湯圓"，不過呢間d糖水麻麻地，

大細茵叫左腰果糊唔熱番叮最後仲要燶埋

多謝靜宜d手信呀~~好味道!

祝各位新年快樂，身體健康，事事順利，

我最大既願望就係所有人身體健康，

我今年唔好再成日病，但年尾既呢日都要去睇醫生...哈

總之個病快d好番~~~~~~

今日阿銘個同事擺結婚酒，係西式既，自助餐咁，

下午開始，聽講宜家好興下午開始既擺酒，

我就鍾意傳統D，或者係因為我無咁多錢攪咁多野。

夜晚睇左"異獸戰2"，冇第一集咁好睇，冇乜內容，

呢排睇個3套戲都麻麻地既~~

去左食熱辣辣既"煲仔飯"，冇上次銅鑼灣個間咁好味，

D鳳爪唔知點解變左白色，見到白曬曬就唔開胃，

仲係餐廳入面見到"長毛"~~

入到屯門真係凍左好多~~~

今日約左大細茵去葵芳行街，去左食好好味既烏冬，

睇緊餐牌既時候發現屯門都開左間，

就醒起UA戲院隔離有間新開既烏冬店，

好野好野~~~以後係屯門都可以食到好味既"手打烏冬"啦~~

仲有今餐係大茵係請我食架~~多謝晒佢

我都終於係葵芳買到對BOOT啦~~

買左$450，個樣同八百幾個D差唔多架~~~哈哈

仲見到本好靚既hello貓貓dairybook，好想買呀~~

但要$70，好貴....$450捨得買，$70唔捨得買....

後尾大細茵唔駛返屋企食飯，咁就一齊出去食埋晚飯先返屋企，

返左屯門"客家好棧"，叫左3個餸一個湯，

個湯好好味呀~~一路食一路傾計...食到好飽