本身諗住OT，但最後好累都無O到，

唉，有好多電視劇都未睇，

唔知幾時先睇得晒呢.....

夜晚睇阿美個blog，發覺佢寫得好開心，開心過以前係尖沙咀個時咁，

又見到有其他同事既blog就按入去睇下，

突然令我好掛住富臨，不過我成日都有掛住佢地架啦~~~

同埋見到kay個blog，就覺得公司好開心，

以前係度做既時候都開心，但就好似無阿kay講到咁好，

我都諗過返番去架，但始終最想要既佢應該唔會滿足我，

最緊要係宜家人地應該都唔想要我...哈哈

都係專心做好宜家呢份，過年後再找!!!

今日係星期日，不過7點幾已經起身，

因為要去觀禮，轉波佬結婚啦~~~~~恭喜晒呀

但我差d遲到，俾佢地狂鬧我，

新娘子係日本人，好靚，好nice呀~~

觀完禮一班人入左馬鞍山飲茶，

諗住飲完行下沙田，點知阿銘聽到阿釗講mega box有3D戲睇，

就即刻話過去睇，係睇3D既<魔戰王:貝奧武夫>

嘩~~真係好3D架，D人立體到好似係你面前咁，

但劇情就真係麻麻地，仲有阿媽帶埋D仔女黎睇，

套戲都幾血腥架，有D睇到我嘔嘔地，邊可以俾D咁細既細路睇架？

個仔就大大聲係度講，煩到呢...

個女後尾就係咁問點解點解，阿媽又係咁答佢，

聽到我火火地，最後忍唔住叫佢地{唔該}，

我都係第一次係戲院叫人唔好嘈，

D大人有時真係怪怪地，我都係大人，但都唔明點解佢地會帶細路黎睇，

同埋mega box好怪，層層都有一間食肆，好攪笑，

之後返去尖沙咀等睇周杰倫，其實都係同上次演唱會差唔多，

又係彈鋼琴，唱廣東歌，同埋自彈自唱，

可能係我宜家無咁鍾意佢，所以冇乜特別咁，

不過我都係好興奮係咁叫，叫到聲都沙埋....

同埋好彩我唔係坐背部o者~~~~呵呵

好累呀..行左成日

今日係長週，要返工，

但對落下3個星期六都係短週唔駛返啊~~~~~~~~

本來今日心情好好，喉嚨已經差唔多無晒事，

仲著左對新鞋返工....點知.........

對鞋上面有一粒大石，呀~~~~~~~~~~

粒大石唔見左呀!!!!!唔見左粒石就等於對鞋要報銷....

$390飛走左~~~~

著左半日都冇呀，11點幾就發現左，著左2個幾鐘咋，

阿銘之前仲話粒石好易甩，叫我再"痴"下佢，

我有d後悔唔聽佢講，又有d憎佢咒我對鞋....吼

夜晚二姐姐黎左，程程真係非常可愛，

叫佢講咩都講，好得意啊~~~~~