終於返到工啦，情況已經好番好多，

但都係恰下恰下咁，個樣就殘到嘔，頭又冇洗...勁烏wear...

喉嚨仲係好痛，不過下午已經約左大茵去食飯，

d飯我竟然食唔晒，係咪好勁呢~~~哈

老細本身今日飛去台灣，但突然除消了，

佢好唔開心，我地都唔開心，哈~~

放工撞到morly，俾佢見到我超級殘樣~~~~

去山景睇多次醫生，醫生話好返好多，

但都唔幫我轉下藥，俾番一模一樣我=.=

希望星期日一定要好返啊~~!!

最後都無返工，因為真係好辛苦.....行路轉下轉下咁，

今日仲燒得勁過琴日~~~又係過山景睇第二個醫生，

今次醒啦...撘的士過去，

醫生話我喉嚨勁嚴重呀！含晒龍呀~~~~~~~~~

今次打埋針添，醫生手勢好好，打完我都唔覺~~

之後同媽咪去左大家樂食早餐，

食得落野啦~~應該好快會無事，

到夜晚果時真係好左d啦，

不過我條頸好似越黎越腫同痛添！

病了...沒有返工，

琴晚撘完村巴返黎已經開始喉嚨痛...

今日起身個時係勁痛....終於頂唔順..請左假，

過山景睇醫生，撘緊輕鐵個時，突然好肚痛...跟住反胃好想嘔，

係咁標晒冷汗，嘩....落車個下幾辛苦呀！即頭想暈低...

好慢好慢咁先行到去醫務所，睇完即刻打的返家，

之後成日下午都係度訓覺，但情況一d好轉都無，食藥都唔好，

媽咪話係因為我唔打針！夜晚剩係食左半碗粥就想嘔

我食唔落野就好嚴重架啦~~~哈哈

我既病徵總括黎講係：喉嚨超痛，發燒，漸寒漸凍，頭痛，感冒。

夜晚連條頸既淋巴腺都痛埋..明天都唔知返唔返到了......