呵呵~~去左深水埗買WiiFit~~

係我既聖誕禮物呀~~唔知做完係咪真係會Fit呢？

買完WiiFit就即衝落尖沙咀睇<魔間傳奇>，

我想睇<投名狀>，阿銘又要睇呢套，

我覺得ok啦，唔覺得好好睇~

後尾都有好多野冇交代番，WiiFit 有d yoga都好難做呀，

阿銘仲好鍾意添~~

夜晚去了mabel家試佢親手煮既餸，有4餸1湯，

有麵豉蒸排骨，豉油雞翼，"陸"菜心，節瓜粉絲蝦米，

青紅蘿白湯，我覺得最好味係個湯，

因為好甜啊~~~其次就係雞翼，都好夠味，

節瓜粉絲蝦米就差d，d粉絲未散開，菠蘿話佢地好團結，哈哈~~~

第一次煮咁多餸，都ok架啦~~加油呀！mabel~~~~

夜D一齊去左致樂飲酒，都唔係飲左好多，

但好快就暈暈地咁，細茵最勁...

飲左好多都無事，不過細茵菠蘿勁攪笑，

成晚笑到我牙骹都緊埋，哈哈~~~

下午3點出左去買聖誕裝飾...買到5點半先返到公司，呵呵，唔駛做咁~~~~

放工約左大茵去行街，撘地鐵落旺角，

點知地鐵壞車~~~嘩，多人到呀！痴線架！

我同大茵幾經辛苦先迫到入去，

去左食麵，點知唔記得收我杯豆漿錢，

但之後我就肚痛啦...><報應呀！

奄尖既我又係買唔到想買既野，

剩係買左幾對絲襪，但我未買到boot襯架

同大茵去扭nds筆，黑到爆呀！！

扭左$50，係4隻龜1條魚~~~我最想要既係鬼呀！

係我好灰心既時候，諗住送隻龜俾小朋友，

大茵就見到佢手上有隻鬼，嘿嘿....

我用1隻龜同1條魚交換左，最後我仲醒多隻龜俾佢添，

幾靚~~~