聖誕快樂呀~~~~

訓到5點先起身，有免費飛所以去左會展睇"冬季美食嘉年華"，

試左好多食物，試得最多就係湯水，

d湯煲得好好味呀~~!

我諗住去到唔買野，剩係試食食飽佢，

點知我地都買左好多野，

夜d去左一間茶餐廳食煲仔飯，好好味啊~

祝大家聖誕節快快樂樂，開開心心，

前兩日芊詠結婚，祝佢同daniel幸福快樂~

平安夜快樂呀~~

今日都係決定左講啦，好多朋友都叫我唔好講住，

過埋新年先，但我都係堅持唔等...

唔知岩定錯，可能我呢個決定又係錯..錯..錯，

覺得自己好冇用....好冇用...好冇用...

5點鐘執埋交底d野就走了，

點知村巴無晒，去到巴士站又冇埋車，

最後要撘地鐵落旺角再轉巴士先返到屋企，

夜d係mabel屋企開party~~

叫左好多食物呀，玩wii，飲酒，

飲左都好多酒呀！d朋友都好耐冇見過，

交換禮物我抽中左阿柴既1gb usb，好實用呀!!

我個咸濕mouse阿聰抽中左~~哈哈

不過爛左，好采有單可以去換過!

最後我都飲左少少酒...嘿嘿

6點先返到屋企，一撻落床就訓著啦......

本身諗住去葵芳再去尖沙咀，

但最後都係去番吉之島，因為食左d藥好眼訓....

夜晚又食左大揸樂

食飽飽就去屯門UA睇<投名狀>，

屯門都開UA啦，好勁呀，不過間戲院勁細，

同屯門戲院個時差唔多。套戲俾我想像中差，

我諗住好好睇架，我覺得<墨攻>仲好睇D，

但估唔到間戲院仲開埋子夜場...好誇張

返到屋企仲趕得切搽靚靚指甲油~~