10點幾俾人打黎嘈醒左，今日決定左去驗眼，
去理大附屬個d驗眼中心做個<全面眼科視光檢查>，
原來都唔係好貴，$350就全套，原來我左眼眼角膜真係損左，
仲話好污糟，有d油脂粒，角膜炎又真係未好番，唔可以帶con住，
今次驗眼仲發現左一樣野呀~~
就係我左右眼瞳孔大細唔一樣架！
佢問我身體係咪有事，正常人係唔會唔一樣架，
佢又話我可能係天生，唔係天生既話驚我可能係神經有事，但就話功能冇問題，
我自己一直都唔知...攪到咁都有d驚，....
咦...咁都唔知睇唔睇醫生好，
最後因為遲到關係做唔切放大瞳孔測試，
要下星期再去，夜晚睇左<生化危機3之絕種生還者>
原來諗住睇<兄弟>，但又好似唔好睇咁，
生化個女主角好型仔，好man呀~~~
|
